BEDEW BATLY WATANYMYZ

Asyrlaryň jümmüşinden gözbaş alyp gaýdýan şöhratly taryhymyzdan mälim bolşy ýaly, behişdi bedewler halkymyzyň durmuşynyň aýrylmaz bölegi hasaplanýar. Türkmenler üçin at iň ýakyn syrdaş, ynamdar ýoldaş, belent maksatlara ýetirýän ganatdyr. Gamyşgulak bedewleriň çarpaýa galyp, kişňeýän pursatlarynda olaryň çalasynlygyna, owadanlygyna haýran galmazlyk mümkin däl. Ata atlananyňda ruhuň ganatlanyp, kalbyňa ylham dolýar. Pederlerimiziň asyrlaryň dowamynda ösdürip ýetişdirip, kämilleşdirip, sungat derejesine ýetiren ahalteke bedewleri milli mirasy myzyň ebedi gymmatlygydyr.

Türkmeniň milli gymmatlyklary barada gürrüň edilende be­hiş­di be­dewler göz öňü­ne ge­lýär. Bu ha­ky­kat na­kyl­lardyr ata­lar söz­le­rin­de hem öz be­ýa­ny­ny tap­ýar. «Irden tur­­da, ataňy gör, ataň­dan soň —–atyňy», «At agy­nan ýer­de toý bo­lar», «At dos­ty–— ata dos­ty», «Ataň bar­ka, dost ga­zan, atyň bar­ka ýol» ýa­ly na­kyl­lar­da bedew atyň türkmeniň dur­mu­şyn­da­ky sar­pa­sy, ar­zy­sy aý­dyň şöh­le­len­ýär. Asyr­la­ryň sy­na­gyn­dan ge­çen bu na­kyl­lar ýaş ne­sil­ler üçin ýolgör­ke­zi­ji ýö­rel­ge hemde gym­mat­ly çeş­me­dir.

Ga­raş­syz Wa­ta­ny­myz­da ahal­te­ke be­dew­le­ri­niň to­hum aras­sa­ly­gy­ny go­ra­mak, sa­ny­ny art­dyr­mak, degişli spor­t u­gruny, mil­li at­çy­lyk däp­le­ri­ni ös­dür­mek bo­ýun­ça giň ge­rimli iş­ler al­nyp ba­ryl­ýar. Paý­tag­ty­myz­da we we­la­ýat­la­ry­myz­da döw­re­bap at­çy­lyk s­port top­lum­la­ry­nyň gu­rul­ma­gy, ýaz we güýz möw­süm­le­rin­de ge­çi­ril­ýän at ça­py­şyk­la­ry bu ugur­daky tagal­la­la­ryň aý­dyň ne­ti­je­si­dir. Türk­men be­dew­le­ri­niň halka­ra de­re­je­de yk­rar edil­me­gi hem buý­san­jy­myz­y artdyrýar. Şolaryň hatarynda      2023-nji ýy­lyň de­kab­ryn­da «Ahal­te­ke atçy­lyk sun­ga­ty we at­la­ry bezemek» däp­le­ri­niň ÝU­NES­KO­nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zilme­gi mil­li mi­ra­sy­my­zyň dün­ýä medeniýetiniň bir bö­le­gi hökmün­de ka­bul edil­ýän­di­gi­niň be­ýa­ny bol­dy.

«Ga­raş­syz, ba­ky Bi­ta­rap Türk­me­nis­tan­ —­ be­dew bat­ly at­my­ra­dyň me­ka­ny» diý­lip at­lan­dy­ry­lan ýyl­da hem bu ugurda tä­ze hal­ka­ra üstünlikler ga­za­nyl­ýar. «Gal­ky­nyş» mil­li at üs­tün­dä­ki oýun­lar toparymyza sirk sun­ga­ty­na uly go­şan­dy üçin hal­ka­ra şahadatnamalarynyň gow­şu­ryl­ma­gy türk­men be­dew­le­ri­niň gö­zel­li­gi­ne, düş­bü­li­gi­ne we ça­la­syn­ly­gy­na dünýä ta­ra­pyn­dan be­ril­ýän ýo­ka­ry bahanyň gü­wä­si­dir.

Mil­li at­şy­nas­lyk däp­le­ri­mi­zi döw­re­bap esas­da ös­dür­mek we dün­ýä ýaý­mak ug­run­da edil­ýän giň ge­rim­li iş­ler hal­ky­myzyň ru­hy baý­ly­gy­nyň ebe­di­li­gi­ni üp­jün ed­ýär. Be­hiş­di be­dewle­ri­miz bol­sa he­mi­şe ösü­şiň, bagty­ýar­ly­gyň we be­lent maksat­la­ryň ny­şa­ny bo­lup, ýur­du­my­za şöh­rat ge­tir­ýär.

 Eziz Di­ýa­ry­myz­da at­çy­ly­gyň we at­ly spor­tuň ös­me­gi üçin äh­li müm­kin­çi­lik­le­ri dö­re­dip ber­ýän, be­hiş­di be­dew­leri­mi­ziň şan­-şöh­ra­ty­ny dün­ýä ýaý­mak­da be­ýik iş­le­ri ama­la aşyr­ýan Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň jan­la­ry sag, ömür­le­ri uzak bo­lup, alyp bar­ýan iş­le­ri he­mi­şe ro­waç­lyk­la­ra bes­len­sin!

Mak­sat JAN­MY­RA­DOW,

TMÝG-niň Ma­ry we­la­ýat ge­ňe­şi­niň baş­ly­gy,

Türk­me­nis­ta­nyň Mej­li­si­niň de­pu­ta­ty.