ULY GYZYKLANMA DÖRETDI

Ak mermerli paýtagtymyzda geçirilen taryhy maslahata jemgyýetiň ähli gatlaklarynyň wekilleri, dürli kärdäki ildeşlerimiz bilen hatarda, bilim işgärleri-de işjeň gatnaşdylar. Olaryň arasynda bolmagym aýratyn guwanç we buýsanç duýgusyny döretdi. 

Türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň taryhy çykyşlaryny uly gyzyklanma bilen diň­ledik. Bilim edaralarynda okatmagyň usulyýetini kämilleşdirmek, jemgyýetiň aň-bilim mümkinçiligini ýokarlandyrmak bilen bagly wezipeleriň üstünde aýratyn durlup geçilendigini bellemek juda ýakymlydyr. Ylaýta-da, hormatly Prezidentimiziň geljekde ýurdumyzda halkara derejelere laýyk gelýän umumybilim edaralaryny döretmek, mekdep-gimnaziýalaryny açmak, şeýle-de degişli ýokary okuw mekdepleriniň işjeň gatnaşmagynda Türkmenistanyň Ylymlar akademiýasy bilen türkmen dilini okatmagyň usulyýetini kämilleşdirmegiň Konsepsiýasyny taýýarlamak hakdaky aýdanlary ählimizde gyzgyn goldaw tapdy. Geljekde-de döwrebap bilim edaralaryny gurmak, ylmyň we innowasiýalaryň ileri tutulýan ugurlary boýunça tehnologiýalar merkezlerini döretmek, dünýäniň öň­debaryjy uniwersitetleriniň sanawyna girýän bilelikdäki ýokary okuw mekdeplerini ýa-da olaryň şahamçalaryny açmak boýunça öňe sürlen başlangyçlardyr teklipler hem uly gyzyklanma döretdi. 

Ylym-bilim ulgamynyň belent sepgitlere ýetmegine, kuwwatynyň artmagyna, ösüşe innowasion häsiýet berilmegine, dünýäde gazanylýan ylmy netijeleriň giň­den peýdalanylmagyna, olaryň önümçilige işjeň ornaşdyrylmagyna, ökde hünärmenleriň taýýarlanylmagyna aýratyn üns berilýän häzirki ajaýyp döwrümizde bu başlangyçlardyr teklipleriň ähmiýeti örän uludyr. Ösüşleriň binýady bolan ylym-bilim ulgamynyň kämilleşdirilmegi ugrunda taýsyz tagalla edýän hormatly Prezidentimize we Milli Liderimize alkyşlarymyz egsilmezdir. 

Gur­ban­gö­zel MU­HAM­ME­DO­WA,

Ka­ka et­ra­byn­da­ky 21-nji or­ta mek­de­biň mü­di­ri, 

Mej­li­siň de­pu­ta­ty.