IKITARAPLAÝYN BÄHBITLI GATNAŞYKLAR

Türkmenistan halkara hyzmatdaşlygynyň baý we oňyn tejribesine esaslanyp, dünýäniň syýasy giňişliginde öz ornuny barha berkidýär. Bitarap Türkmenistanyň daşary syýasat ugrunyň 2022 - 2028-nji ýyllar üçin Konsepsiýasynda ýurdumyzyň diplomatik gullugynyň öňünde durýan täze wezipeler hem-de esasy maksatlar anyk we aýdyň kesgitlenilýär. 

Kon­sep­si­ýa­da san­ly dip­loma­ti­ýa­nyň has­-da ös­dü­ril­megi we döwrebap­laş­dy­ryl­ma­gy üçin mag­lu­mat howp­suz­ly­gyny we kiber howpsuz­ly­gy üpjün et­me­giň yl­my esas­la­ry­ny iş­läp taý­ýar­la­mak bilen bag­ly we­zi­pe­le­ri dur­mu­şa ge­çir­mek boýunça iş­le­r we çä­re­le­r göz öňün­de tu­tul­dy. 

Türk­me­nis­tan Bir­le­şen Mil­let­ler Gu­ra­ma­sy, eneli­gi we ça­ga­ly­gy go­ra­mak, ma­ýyp­la­ryň, bos­gun­la­ryň hu­kuk­la­ry­ny go­ra­mak ýa­ly meseleler bi­len meş­gullan­ýan beý­le­ki hal­ka­ra gura­ma­la­r bi­len iş­jeň özara hyz­mat­daş­lyk ed­ýär. Bu ugur­da­ky iş­ler Türk­me­nista­nyň de­giş­li hal­ka­ra konwen­si­ýa­la­ry­nyň bir­nä­çe­sine go­şul­ma­gy, şeý­le hem ýurdumyzyň yn­san­per­wer ugry bo­ýun­ça Bir­le­şen Millet­ler Guramasynyň möhüm ko­mis­si­ýa­la­ry­nyň we ko­mi­tet­le­ri­niň ag­za­ly­gy­na saý­lan­ma­gy ne­ti­je­sin­de aý­ra­tyn mö­hüm äh­mi­ýe­te eýe bol­dy. 

Ýa­kyn­da türk­men hal­kynyň Milli Li­de­ri Gah­ry­man Arkadagymyzyň hoş­ni­ýet­li goň­şu­çy­lyk, pa­ra­hat­çy­lyk sö­ýü­jü­lik­li da­şa­ry sy­ýa­saty­ny my­na­syp do­wam edýän hor­mat­ly ­Pre­zi­den­ti­miz Ar­kadagly Gah­ry­man Ser­da­ry­myz bi­len Türki­ýe Res­pub­lika­sy­nyň Pre­zi­den­ti Re­jep Ta­ýyp Är­do­ga­nyň ara­syn­da An­kara şä­he­rin­de ýo­ka­ry de­re­jede gepleşikler ge­çi­ril­di. Şu ge­zek­ki ýo­ka­ry de­re­je­dä­ki du­şu­şyk hem ­iki dogan­lyk hal­kyň ta­ry­hyň do­wa­myn­da eme­le ge­len umu­my­lyk­lara daýan­ýan türk­men-­türk gat­na­şyk­la­ry­nyň mun­dan beý­läk­-de pugtalandyrylma­gy­nyň we ös­dü­ril­me­giniň ýo­lun­da mö­hüm wa­ka bo­lup ta­ry­ha gir­di. Ta­rapla­ryň hoş­ni­ýet­li erk­-is­le­gi, bar bo­lan ägirt uly kuwwaty köp­ýyl­lyk öza­ra­ bäh­bit­li hyz­mat­daş­ly­gyň maz­muny­ny baýlaşdyr­mak, ony hä­zir­ki döw­rüň ta­lap­la­ry­na la­ýyk­lyk­da, hil taý­dan täze de­re­jä çy­kar­mak üçin giň müm­kin­çi­lik­le­ri şert­lendir­ýär. 

Hä­zir­ki dö­wür­de ýur­dumyz­da tä­ze ulag des­ga­la­rynyň, aw­to­mo­bil we de­mir ýol ge­çel­ge­le­ri­niň giň gerim­li gur­lu­şyk iş­le­ri al­nyp ba­ryl­ýar, ho­wa, de­ňiz menzil­le­ri­niň dur­ky­ tä­ze­len­ýär. Şu­nuň bi­len bag­ly­lyk­da, iki ýur­duň ulag eda­ra­la­rynyň, as­so­sia­si­ýa­la­ry­nyň, kom­pa­ni­ýa­la­ry­nyň arasyn­da yzy­gi­der­li esas­da iş du­şuşyk­la­ry­ny ge­çir­mek öza­ra bäh­bit­li hyz­mat­daş­ly­gyň mö­hüm ug­ry bo­lup durýar. Bu ba­bat­da hor­mat­ly Prezidenti­mi­ziň döw­let ulag eda­ra­la­ry­nyň, hu­su­sy ulag-lo­gis­ti­ka kompani­ýa­la­ry­nyň gat­naş­mak­la­ryn­da bi­le­lik­däki ulag-­lo­gis­ti­ka merkezini dö­ret­mek ba­ra­da­ky öňe süren tek­lip­le­ri hem uzak gelje­gi nazar­la­ýan mak­sat­lar­dan ny­şan­dyr. 

Ýur­du­myz­da oba ho­ja­lygy we ag­ro­se­na­gat pu­da­gyna köp mukdarda ma­ýa goýum­lar gö­nük­di­ri­lip, onuň mad­dy ­teh­ni­ki bin­ýa­dy yzy­gi­der­li kä­mil­leş­di­ril­ýär. Oba ho­ja­ly­gy yk­dy­sa­dy­ýetiň mö­hüm ugurlary­nyň hata­ryn­da bol­mak bi­len, esa­sy we­zi­pä­niň hem iki dostluk­ly ýur­duň azyk howpsuz­ly­gy­ny üp­jün et­mek­den we bu ugur­da ta­gal­la­la­ry bi­rik­dir­mek­den yba­rat­dyr. Oba ho­ja­lyk ekin­le­ri­niň ha­syl­ly­ly­gy­ny ýokarlan­dyrmak, to­hum­çy­lyk we seç­giçi­lik ul­ga­my­ny ös­dür­mek, tä­ze til­si­mat­la­ry önüm­çili­ge or­naş­dyr­mak ba­bat­da Tür­ki­ýe bi­len hyzmatdaşly­gy ös­dür­mek we tej­ri­be alyş­mak bi­ziň esa­sy maksadymyzdyr di­ýip, hormat­ly Pre­zi­den­ti­miz duşu­şyk­da belledi.

 Hormat­ly Pre­zi­den­ti­miz ýur­du­my­zyň suw üp­jün­çi­lik hem­-de suw se­riş­de­le­ri­ni re­je­li peý­da­lan­mak we suw tygşyt­laý­jy til­si­mat­la­ry ornaşdyr­mak ba­bat­da ne­ti­je­li hyzmat­daş­ly­gy ýo­la goý­ma­gy esa­sy wezipe­le­riň ha­ta­ryn­da kes­git­le­di. Bu ugur­lar­da de­giş­li türk kompaniýala­ry bi­len ys­ny­şyk­ly he­re­ket­le­ri alyp bar­ma­ga döw­le­ti­mi­ziň taý­ýar­dy­gy ba­ra­da­ky tek­liple­ri­ni be­ýan et­di. 

An­ka­ra­da ge­çi­ri­len ýo­kary de­re­je­dä­ki du­şu­şyk­lar­dan gör­nü­şi ýa­ly, türk­men ta­ra­py Tür­ki­ýe bi­len söw­da-­yk­dysa­dy gat­na­şyk­la­ry hil taý­dan tä­ze de­re­jä çy­kar­ma­gy maksat edin­ýär. 

Ýo­ka­ry de­re­je­de ge­çi­rilen du­şu­şy­gyň do­wa­myn­da iki­ta­rap­la­ýyn res­mi­na­ma­laryň 13-­si­ne gol çe­kil­me­gi döw­le­ta­ra gat­na­şyk­la­ryň şertnama­-hu­kuk bin­ýa­dynyň üs­tü­ni ýe­ti­rip, Türkme­nis­tan we Tür­ki­ýe Respub­li­ka­sy­nyň ara­syn­da­ky gat­na­şyk­la­ryň has­-da ösdü­ril­jek­di­gi­niň aýdyň subut­na­ma­sy bol­dy. 

Türk­men hal­ky­nyň Mil­li Lideri Gah­ryman Ar­ka­da­gy­my­zyň we hor­mat­ly Pre­zi­den­ti­miz Ar­ka­dag­ly Gah­ry­man Ser­da­ry­my­zyň jan­la­ry sag, ömür­le­ri uzak, il­-ýurt we umu­ma­dam­zat bäh­bit­li iş­le­ri ro­waç bolsun! 

Maksatberdi GURBANOW,

 Türkmenistanyň Mejlisiniň Ýerli wekilçilikli

 häkimiýet we öz-özüňi dolandyryň edaralary 

bilen işlemek baradaky komitetiniň başlygy