TÜRKMENISTAN SSR ÝOKARY SOWETINIŇ 

 K A R A R Y

Mary oblastynyň Parahat raýonynyň şäher tipli Şatlyk posýologyny raýon tabynlygydaky şäherleriň hataryna geçermek hakynda

(Türkmenistan SSR Ýokary Sowetiniň Maglumatlary, 1991 ý.,  № 9-10, 113-madda)

Türkmenistan Sowet Sosialistik Respublikasynyň Ýokary Soweti karar edýär:

1. Mary oblastynyň Parahat raýonynyň şäher tipli Şatlyk posýologyny raýon tabynlygyndaky şäherleriň hataryna geçerip, onuň ozalky - Şatlyk diýen adyny saklap galmaly.

2. Şatlyk şäherinde Şatlyk posýolok Sowetiniň deputatlaryndan ybarat edip halk deputatlarynyň şäher Sowetini döretmeli. 

Türkmenistan SSR Ýokary Sowetiniň Prezidiumynyň 1987-nji ýylyň 18-nji maýynda kabul eden № 820- XI Ukazy (TSSR Ýokary Sowetiniň Wedomostlary, 1987 ý., № 14, 65-nji madda) bilen tasyklanan Türkmenistan SSR-niň posýoloklarynyň Spisogyna degişli üýtgetmeleri girizmeli.

             Türkmenistan SSR 

        Ýokary Sowetiniň Başlygy                                      S. Myradow 

Aşgabat şäheri

1991-nji ýylyň 30-njy maýy 

№ 514 - XII