Erkin Çaryýewiç Allakulyýew 1988-nji ýylyň 7-nji ýanwarynda Aşgabat şäherinde doguldy. Milleti türkmen.

1995 — 2001-nji ýyllarda Lebap welaýatynyň Köýtendag etrabyndaky 1-nji orta mekdepde, 2001 — 2006-njy ýyllarda Kerki etrabyndaky ýöriteleşdirilen 37-nji orta mekdepde okady.

2006 — 2008-nji ýyllarda harby gullukda boldy.

2009-njy ýylyň maý — iýul aýlarynda Lebap welaýatynyň Dostluk galla önümleri kärhanasynyň Köýtendag galla kabul ediş nokadynyň ölçegçisi bolup işledi. 

2009 — 2014-nji ýyllarda Ýagşygeldi Kakaýew adyndaky Halkara nebit we gaz uniwersitetinde okap, ony dag inženeri hünäri boýunça tamamlady.

2014 — 2016-njy ýyllarda «Türkmengeologiýa» korporasiýasynyň «Türkmengeologiýagözleg» ekspedisiýasynyň «Köýtendaggeologiýagözleg» partiýasynyň burawlaýjylar toparynyň I razrýadly maşinisti, gurluşyk materiallary toparçasynyň buraw desgasynyň maşynçysynyň birinji derejeli kömekçisi bolup işledi.

2017-2018-nji ýyllarda Lebap welaýatynyň Dostluk galla önümleri kärhanasynyň Köýtendag galla kabul ediş nokadynyň şaly degirmeniniň ussasy, taýýar önümler ammarynyň müdiri wezipelerinde işledi.

2019-njy ýylyň aprel aýyndan bäri Türkmenistanyň Senagat we gurluşyk önümçiligi ministrliginiň «Lebap» sement zawodynyň enjamlary bejeriş-ulanyş sehi we mehaniki ussahanasynyň inžener-konstruktory wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Adam hukuklaryny we azatlyklaryny goramak baradaky komitetiniň agzasy.

Maşgalaly, iki çagasy bar.

Raýatlar topary tarapyndan dalaşgärlige hödürlenildi.