Guwanç Amanmämmedowiç Çendirow 1988-nji ýylyň 12-nji awgustynda Balkan welaýatynyň Gyzylarbat etrabynyň Gyzylarbat şäherinde doguldy. Milleti türkmen. 

1995 — 2002-nji ýyllarda Gyzylarbat etrabyndaky 4-nji orta mekdepde, 2002 — 2004-nji ýyllarda Aşgabat şäherindäki Atamyrat Nyýazow adyndaky zehinli ýaşlar mekdebinde okady.

2008 — 2014-nji ýyllarda Russiýa Federasiýasynyň Sankt-Peterburg şäheriniň Raýat awiasiýasy döwlet uniwersitetinde okap, ony ulagda daşamalary guramak we dolandyrmak hünäri boýunça tamamlady.

2017 — 2019-njy ýyllarda «Türkmendeňizderýaýollary» agentliginiň Türkmenbaşy Halkara deňiz portunyň Marketing bölüminiň baş hünärmeni bolup işledi.

2019-njy ýylyň iýun — sentýabr aýlarynda portuň Marketing bölüminiň başlygynyň wezipesini wagtlaýyn ýerine ýetiriji, başlygy wezipelerinde işledi.

2019-njy ýylyň sentýabr aýyndan bäri Türkmenistanyň Magtymguly adyndaky Ýaşlar guramasynyň Balkan welaýat Geňeşiniň başlygy wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Halkara we parlamentara aragatnaşyklar baradaky komitetiniň agzasy.

Maşgalaly, iki çagasy bar. 

Türkmenistanyň Demokratik partiýasy tarapyndan dalaşgärlige hödürlenildi.