Baýly Toýlyýewiç Seýilow 1959-njy ýylyň 19-njy fewralynda Daşoguz welaýatynyň Görogly etrabynyň Türkmenýoly geňeşliginde doguldy. Milleti türkmen.

1966 — 1976-njy ýyllarda Görogly etrabyndaky 5-nji orta mekdepde okady.

1976-1977-nji ýyllarda Görogly etrabynyň «Abadanlyk» daýhan birleşiginde daýhan bolup işledi.

1977 — 1982-nji ýyllarda Magtymguly adyndaky Türkmen döwlet uniwersitetinde okap, ony ýurist hünäri boýunça tamamlady.

1982 — 1989-njy ýyllarda Görogly etrabynyň «Abadanlyk» daýhan birleşiginiň hukuk maslahatçysy bolup işledi.

1989 — 1992-nji ýyllarda TKP-niň Görogly etrap komitetiniň guramaçylyk bölüminiň instruktory, ideologiýa bölüminiň müdiri, partiýa guramaçysy wezipelerinde işledi.

1992 — 1999-njy ýyllarda Görogly etrap «Obahyzmat» birleşiginiň kiçi kärhanasynda we «Arzuw» firmasynda direktoryň orunbasary, 2000 — 2004-nji ýyllarda Görogly etrabynyň «Abadanlyk» daýhan birleşiginde kärendeçi, 2004 — 2006-njy ýyllarda Görogly etrap hassahanasynyň işgärler bölüminiň uly hünärmeni bolup işledi.

2006 — 2014-nji ýyllarda Görogly etrap häkimliginiň işgärler we ýerli öz-özüňi dolandyryş edaralary bilen işlemek boýunça bölüminiň baş hünärmeni wezipesinde işledi.

Türkmenistanyň Mejlisiniň IV, V,  VI, VII çagyrylyşlarynyň deputaty.

2014 — 2017-nji ýyllarda Türkmenistanyň Mejlisiniň Kada-kanunçylyk baradaky komitetiniň agzasy bolup işledi. 2017-nji ýylyň mart aýyndan bäri Türkmenistanyň Mejlisiniň Adam hukuklaryny we azatlyklaryny goramak baradaky komitetiniň agzasy bolup işleýär.

2018-nji ýylda Türkmenistanyň «Watana bolan söýgüsi üçin» we 2022-nji ýylda «Gaýrat» medaly bilen sylaglanyldy. 

Maşgalaly, bir çagasy bar.

Türkmenistanyň Demokratik partiýasy tarapyndan dalaşgärlige hödürlenildi.