Baýmyrat Atanaýewiç Babaýew 1963-nji ýylyň 28-nji awgustynda Daşoguz welaýatynyň Saparmyrat Türkmenbaşy etrabynda doguldy. Milleti türkmen.

1970 — 1980-nji ýyllarda Daşoguz welaýatynyň Köneürgenç etrabyndaky 24-nji orta mekdepde okady.

1980 — 1985-nji ýyllarda Magtymguly adyndaky Türkmen döwlet uniwersitetinde okap, ony filolog, türkmen dili we edebiýaty mugallymy hünäri boýunça tamamlady.

1985-1986-njy ýyllarda Köneürgenç etrabyndaky 24-nji orta mekdebiň türkmen dili we edebiýaty mugallymy bolup işledi.

1986 — 1990-njy ýyllarda komsomolyň Köneürgenç etrap komitetiniň instruktory, bölüm müdiriniň orunbasary, bölüm müdiri wezipelerinde işledi. 1990-1991-nji ýyllarda Köneürgenç etrap ýerine ýetiriji komitetiniň umumy bölüminiň müdiri, 1991 — 1995-nji ýyllar aralygynda Köneürgenç etrap bilim bölüminiň müdiriniň orunbasary bolup işledi.

Türkmenistanyň Mejlisiniň I, II, III, IV, V, VI, VII çagyrylyşlarynyň deputaty.

1995 — 2007-nji ýyllarda Türkmenistanyň Mejlisiniň Ylym, bilim we medeniýet baradaky komitetiniň agzasy bolup işledi. 2007 — 2009-njy ýyllarda Türkmenistanyň Mejlisiniň Ylym, bilim we medeniýet baradaky komitetiniň başlygy wezipesinde işledi. 2009 — 2014-nji ýyllarda Türkmenistanyň Mejlisiniň Ylym, bilim we medeniýet baradaky komitetiniň agzasy bolup işledi. 2014-nji ýylyň ýanwar aýyndan bäri Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň agzasy bolup işleýär. 

1996-njy ýylda Türkmenistanyň «Watana bolan söýgüsi üçin» medaly, 2001-nji ýylda «Gaýrat» medaly, 2011-nji ýylda «Türkmenistanyň Garaşsyzlygynyň 20 ýyllygyna» atly ýubileý medaly, 2014-nji ýylda Türkmenistanyň «Magtymguly Pyragy» medaly, 2021-nji ýylda «Türkmenistanyň Garaşsyzlygynyň 30 ýyllygyna» atly Türkmenistanyň ýubileý medaly. Türkmenistanyň Bilim ministrliginiň «Türkmenistanyň ussat mugallymy» nyşany bilen, 2023-nji ýylda Türkmenistanyň «Garaşsyz Türkmenistana bolan beýik söýgüsi üçin» ordeni bilen sylaglanyldy. Türkmenistanyň Ýaşlar baýragynyň eýesi.

Maşgalaly, dört çagasy bar.

Türkmenistanyň Demokratik partiýasy tarapyndan dalaşgärlige hödürlenildi.