Türkmenistanyň Mejlisi (Parlamenti) kanun çykaryjy häkimiýeti amala aşyrýan wekilçilikli edaradyr
TÜRKMENISTANYŇ MEJLISI
Türkmençe
Türkmenistanyň Mejlisi (Parlamenti) kanun çykaryjy häkimiýeti amala aşyrýan wekilçilikli edaradyr
TÜRKMENISTANYŇ MEJLISI
Durmuş syýasaty baradaky komiteti
Türkmenabat şäheriniň Azatlyk köçesi bilen Bagy-bossan köçesiniň kesişýän çatrygyndan başlap, Bagy-bossan köçesiniň ugry bilen S.A.Nyýazow şaýoluna çenli, şol ýerden S.A.Nyýazow şaýolunyň ugry bilen Mollanepes köçesine çenli, Mollanepes köçesiniň ugry bilen Bitarap Türkmenistan köçesine çenli, Bitarap Türkmenistan köçesiniň ugry bilen Zelili köçesine çenli, Zelili köçesiniň ugry bilen Repetek köçesine çenli, Repetek köçesiniň ugry bilen Samandepe köçesine çenli, Samandepe köçesiniň ugry bilen şäheriň gündogar serhedine çykyp, şol ýerden şäheriň gündogar serhediniň ugry bilen Kölaryk kanalyna çenli, şol ýerden Kölaryk kanalynyň ugry bilen Bitarap Türkmenistan köçesine çenli, Bitarap Türkmenistan köçesiniň ugry bilen Türkmenabat şäheriniň günorta serhedine çenli, şol ýerden Türkmenabat şäheriniň günorta serhediniň ugry bilen «Azatlyk», «Güneş» ýaşaýyş toplumlaryny, Zergär, Balhana, Garawulguýy, Repetek, Çägeli (Peski), 50-nji, 51-nji, 53-nji, 54-nji, 57-nji demir ýol beketlerindäki ýaşaýyş jaýlaryny öz içine alyp, Azatlyk köçesine çenli, şol ýerden Azatlyk köçesiniň ugry bilen Bagy-bossan köçesine çenli araçäkleri öz içine alýar.
Züleýha Rozybaýewna Joraýewa 1971-nji ýylyň 5-nji awgustynda Lebap welaýatynyň Çärjew etrabynyň Kiştiwan şäherçesinde doguldy. Milleti türkmen.
1978 — 1988-nji ýyllarda Çärjew etrabyndaky 22-nji orta mekdepde okady.
1989 — 1991-nji ýyllarda Türkmenabat lukmançylyk orta okuw mekdebinde okap, ony şepagat uýasy hünäri boýunça tamamlady.
1991-1992-nji ýyllarda Lebap welaýat köpugurly hassahanasynyň ýokanç keselleri bölüminiň şepagat uýasy wezipesinde işledi. 1992 — 1999-njy ýyllarda Lebap welaýatynyň Çärjew etrap hassahanasynyň ýokanç keselleri bölüminde şepagat uýasy, 1999 — 2009-njy ýyllarda Lebap welaýatynyň Çärjew etrap hassahanasynyň ýokanç keselleri bölüminde uly şepagat uýasy bolup işledi.
2009-njy ýyldan bäri Lebap welaýatynyň Çärjew etrap hassahanasynyň baş şepagat uýasy wezipesinde işleýär.
2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Durmuş syýasaty baradaky komitetiniň agzasy.
Maşgalaly, iki çagasy bar.
Türkmenistanyň Demokratik partiýasy tarapyndan dalaşgärlige hödürlenildi.