Türkmenistan döwletimizde hormatly Prezidentimiziň bimöçber aladalary netijesinde behişdi bedewlerimiz halkyň köňül buýsanjyna öwrülip, ýurdumyzyň şan-şöhratyny dünýä ýaýýar. 

Türkmeniň köňül buýsanjy, uçar ganaty hasaplanylýan behişdi bedewleriň taryhyna ser salanyňda asman giňişligi ýaly giň we çuň hakykatyň ýatandygyny bilmek bolýar. Türkmen ýigidi üçin bedew üsti Süleýmanyň tagty hasaplanylýar. Bu barada nusgawy şahyrymyz Seýitnazar Seýdiniň:

     Müneňde şaý bolsa tükel esbaby,

     Tagty-Süleýmandyr üsti bedewiň.

    Juleýleseň atlaz bile zerbaby,

    Şonda biarmandyr üsti bedewiň. —

— diýen setirleri muňa aýdyň şaýatlyk edýär. Owadanlykda, ýyndamlykda deňi-taýy bolmadyk ahalteke bedewlerimiziň tarypy şahyrana döredijilige, nusgawy edebiýata, geçmiş taryhymyza siňendir. «Kowusnamada»: «Dünýe ynsan bilendir, ynsanam haýwan bilendir haýwanlaryň iň gözeli bolsa atdyr. At saklamak hojalykçylykdyr, mertlikdir. Aty we lybasyňy gowy sakla, at bilen lybas hem seni gowy saklar» diýen ýaly çuň manyly sözlere duş gelmek bolýar. Mundan başga-da, ahalteke bedewiniň ýyndamlygy, owadanlygy, çydamlylygy, wepalylygy, duýgurlygy barada geçmişiň taryhçylary, alymlary, atşynaslary özleriniň eserlerini taryhyň sahypalarynda galdyrypdyrlar.  

Halkara parahatçylyk we ynanyşmak ýylynda ýurdumyzyň atçylyk sport toplumlarynda bu baýramçylyga bagyşlanylyp geçirilýän çärelere işjeň gatnaşmak biz — ýaşlar üçin örän buýsançlydyr. Çünki gözüňi dokundyryp duran ahalteke bedewlerini synladygyňça synlasyň gelýär. 

“Paýhas çeşmesi” atly kitapda hem toý-tomaşalaryň bezegi hasaplanýan behişdi bedewler hakynda «Bedew at menzil keser», «At ady bilen, ýigit ody bilen», «At dosty — ata dosty», «At gylygyna eýesi ýetik», «At keselini andyz açar», «At ýaly bilen owadan, zenan — saçy bilen» ýaly birnäçe nakyllar we atalar sözleri bar. 

Asuda Watanymyzyň goýnunda atçylygy ösdürmekde gadymy ýol-ýörelgeleriň rowaçlanmagyna giň ýol açan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, belent başlary aman bolsun!

Aýjemal ALLANOWA.

Murgap etrabyndaky 28-nji orta 

mekdebiň mugallymy, 

Türkmenistanyň Mejlisiniň deputaty. 

Bitaraplyk hukuk derejesi BMG-niň Baş Assambleýasy tarapyndan üç gezek ykrar edilen Türkmenistanyň hemişelik Bitaraplygy Milletler Bileleşiginiň taryhynda möhüm sahypa öwrüldi. Döwlet Baştutanymyzyň parasatly we öňdengörüjilikli daşary syýasaty netijesinde Türkmenistanyň öňe sürýän halkara ähmiýetli başlangyçlary dünýä jemgyýetçiliginde uly gyzyklanma döredýär. Çünki bu başlangyçlar parahatçylyk we ynanyşmak arkaly durnukly ösüşi üpjün etmäge gönükdirilendir. Şu aýdýanymyza mysal hökmünde Türkmenistanyň başlangyjy bilen BMG-niň Baş Assambleýasy tarapyndan kabul edilen “2025-nji ýyl — Halkara parahatçylyk we ynanyşmak ýyly” hem-de “Merkezi Aziýa — parahatçylyk, ynanyşmak we hyzmatdaşlyk zolagy” atly Kararnamalary ýatlamak bolar. 

Garaşsyz Türkmenistanymyzyň hemişelik Bitaraplygynyň 30 ýyllygynyň baýramy “Halkara parahatçylyk we ynanyşmak ýyly” diýlip atlandyrylan ýylymyzyň taryhy wakasy bolup, şanly senäniň toý dabarasy dünýä dolar. Indi 30 ýyla golaý döwrüň içinde Türkmenistan döwletimiz möhüm wezipeleri halkara tagallalary birleşdirmek we syýasy-diplomatik şertleri döretmek üçin zerur çäreleri görüp, parahatçylykly ýol bilen çözülmegi ugrunda çykyş edip gelýär. Bu bolsa, döwletimiziň halkara abraýynyň täze belentliklere çykmagynda möhüm ähmiýete eýe bolýar.

Ali RAHMEDOW.

Ýolöten etrap häkimliginiň bölüm müdiri, 

Türkmenistanyň Mejlisiniň deputaty.

     Ajaýyp döwrümiziň Halkara parahatçylyk we ynanyşmak ýylynda hormatly Prezidentimiziň tagallasy bilen ýurdumyzyň döwlet syýasatynda halkara gatnaşyklar işjeň häsiýetde ösýär.

     1995-nji ýylyň 12-nji dekabrynyň hem-de 2015-nji ýylyň 3-nji iýunynyň türkmen halky üçin ýatdan çykmajak şanly seneler bolup, taryhyň altyn sahypalarynda orun almagy zamananyň beýikligi bilen sazlaşýar. Garaşsyz Türkmenistanyň Birleşen Milletler Guramasynyň Baş Assambleýasy tarapyndan kabul edilen Kararnamalary esasynda hemişelik Bitaraplyk hukuk derejesiniň iki gezek ykrar edilmegi gadymy 

türkmen halkynyň ýurt parahatçylygyna, il agzybirligine, goňşuçylyk gatnaşyklarynda hoşniýetlilige, ynsanperwerlige, ylalaşdyryjylyga uly ähmiýet berýändiginiň beýanydyr. Şu geçen çärýek asyryň dowamynda Türkmenistan baky Bitaraplyk hukuk ýagdaýynyň ýörelgelerine ygrarlydygyny subut etdi. Garaşsyz Türkmenistanyň Bitaraplyk hukuk ýagdaýy dünýä döwletleri bilen ýakyn aragatnaşykda bolmaga we olar bilen dürli ulgamlar boýunça hyzmatdaşlygy ýola goýmaga täze mümkinçilikleri açdy. Ýurdumyz dünýäniň dürli döwletleri we abraýly halkara guramalar bilen iki tarapa bähbitli işjeň gatnaşyklary ýola goýdy. Hormatly Prezidentimiziň öňe sürýän oňyn başlangyçlarynyň Birleşen Milletler Guramasy tarapyndan giň goldawa eýe bolmagy uly many-mazmuny öz içine alýar. Munuň özi halkymyzyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň ählumumy parahatçylyk, howpsuz geljek bilen bagly öňe sürýän başlangyçlarynyň özeninde parahatçylygyň, ynanyşmagyň we asuda durmuşyň mynasyp orny eýeleýändiginiň aýdyň 

mysalydyr. Birleşen Milletler Guramasynyň Baş Assambleýasynyň 2017-nji ýylyň 2-nji fewralynda kabul eden Kararnamasyna laýyklykda, 12-nji dekabryň «Halkara Bitaraplyk güni» diýlip yglan edilmegi baky Bitaraplygymyzyň mizemez binýadynyň parahatçylyk söýüjilik we ynsanperwer ýörelgelerden gözbaş alýandygyny äleme ýaýdy. 

     Bitarap Türkmenistanyň başlangyjy bilen Birleşen Milletler Guramasynyň Baş Assambleýasynyň 79-njy sessiýasynda «Türkmenistanyň hemişelik Bitaraplygy» atly Kararnamanyň üçünji gezek kabul edilmegi Bitarap döwletimiziň parahatçylygyň berkarar bolmagy ugrunda amala aşyrýan işlerine ýokary baha berýän taryhy wakadyr. Taryhy döwrümiziň Halkara parahatçylyk we ynanyşmak ýylynda baky Bitaraplygymyzyň 30 ýyllygyny dabaraly belläp geçmäge ýokary derejede taýýarlyk görülýär. Bu şanly günlerde Gahryman Arkadagymyzyň we Arkadagly Gahryman Serdarymyzyň tagallalary bilen ýurdumyzyň ähli ulgamlarynda gazanylýan üstünlikler bagtyýarlygymyzyň nyşany bolup nur saçýar.

Ýakup ATABAÝEW,

Türkmenistanyň Mejlisiniň deputaty, 

Mejlisiň Halkara we parlamentara 

aragatnaşyklar baradaky komitetiniň agzasy.

     Bu gün eziz Diýarymyz diňe bir ykdysady babatda ägirt uly ösüşleri gazanýan ýurt hökmünde ählumumy ykrarnama eýe bolmak bilen çäklenmän, eýsem, sagdynlygyň we ruhubelentligiň mekany hökmünde-de giňden tanalýar. Döwlet Baştutanymyzyň nygtaýşy ýaly, sport berk bedenliligiň, ýokary ruhubelentligiň, gaýratlylygyň düýp binýadyny emele getirýär. Halkymyzda berk bedenlilige, gujur-gaýratlylyga, şähdaçyklyga we ruhubelentlige hemişe aýratyn üns berlipdir. Toýlarda guralýan göreş tutmak, at çapmak, ýaglyga towusmak ýaly milli oýunlar ynsana beden saglygyny eçilýär. 

     Welaýatymyzda hem bedenterbiýäni we sporty ähli taraplaýyn ösdürmek, bu ulgamy adamlaryň gündelik durmuşynyň aýrylmaz bölegine öwürmek üçin ähli şertler döredilendir. Şundan ugur almak bilen, Türkmenistanyň Demokratik partiýasynyň welaýat komitetiniň, ilkinji guramalarynyň hem-de olaryň işjeň agzalarynyň jemgyýetde sagdyn durmuş ýörelgelerini kemala getirmek babatda alyp barýan işleri maksada okgunlylygy bilen tapawutlanýar. Hemişe bolşy ýaly, bu asylly işlerimizi Halkara parahatçylyk we ynanyşmak ýylynda hem yzygiderli dowam etdirýäris. Türkmen sportunyň halkara derejede gazanýan üstünliklerini halk köpçüligine wagyz etmekde tagallalarymyzy gaýgyramzok.

     Welaýat bedenterbiýe we sport baradaky Baş müdirligi bilen bilelikde «Ruhy saglyk beden saglygynyň esasydyr, sagdyn ýaşaýşyň aýdyň ädimleridir», «Türkmen sporty dünýä ýaň salýar» atly şygarlar astynda welaýatyň edara-kärhanalarynyň, ýokary we ýörite orta hünär okuw mekdepleriniň wekillerinden düzülen toparlaryň arasynda sportuň dürli görnüşleri boýunça geçiren ýaryşlarymyz ýaşlaryň arasynda sagdyn durmuş ýörelgeleriniň barha rowaçlyklara beslenýändiginiň aýdyň güwäsine öwrüldi. Welaýatymyzyň etrap-şäherlerindäki, oba-şäherçelerindäki, «Awaza» milli syýahatçylyk zolagyndaky döwrebap sport desgalarynyň, açyk asmanyň astyndaky sport meýdançalarynyň ýaşlarymyza sportuň dürli görnüşleri bilen meşgullanmaga, türgenleşmäge, ýurt we halkara derejedäki ýaryşlarda çykyş edip, baýrakly orunlary eýeläp, ýaşyl Tugumyzy belende götermäge giň mümkinçilikleri döredýändigini bolsa aýratyn nygtamak isleýäris. Sport ulgamynda alyp barýan işlerimizi mundan beýläk hem dowam etdireris. Ýurdumyzyň geljegi bolan ýaş nesilleriň ruhy taýdan kämil, berk bedenli bolup ýetişmekleri üçin dünýä nusgalyk mümkinçilikleri döredip berýän Gahryman Arkadagymyza hem-de Arkadagly Gahryman Serdarymyza alkyşymyzyň çägi ýok. Türkmen halkynyň Milli Lideri Gahryman Arkadagymyzyň hem-de hormatly Prezidentimiziň janlarynyň sag, ömürleriniň uzak, il-ýurt bähbitli, dünýä ähmiýetli beýik işleriniň rowaç bolmagyny arzuw edýäris. 

Guwanç Çendirow,

Türkmenistanyň Demokratik 

partiýasynyň welaýat komitetiniň 

başlygy, Türkmenistanyň 

Mejlisiniň deputaty.

     Garaşsyz, baky Bitarap Türkmenistan döwletimizde adam hakyndaky alada ilkinji orunda goýulýar. Döwletiň we jemgyýetiň iň ýokary gymmatlygy bolan adamyň saglygyny goramak, her bir raýatyň, hususan-da, ýaş nesliň beden we ruhy taýdan sagdyn bolmagyny gazanmak hormatly Prezidentimiziň baş aladasy bolup durýar. Sagdyn nesil sagdyn jemgyýeti, sagdyn jemgyýet bolsa sagdyn döwleti kemala getirýär. 

     Ynsan saglygynyň gymmaty baradaky düşünjeler Gahryman Arkadagymyzyň «Türkmenistan — sagdynlygyň we ruhubelentligiň ýurdy», «Bagtyýarlyk saglykdan başlanýar», «Çaý — melhem hem ylham», «Türkmenistanyň dermanlyk ösümlikleri», «Türkmeniň döwletlilik ýörelgesi» ýaly kitaplarynda mynasyp orun eýeleýär. Adamyň durmuşdaky işjeňligi, döredijilikli zähmeti saglykdan gözbaş alýar. Bu babatda Milli Liderimiziň «Türkmeniň döwletlilik ýörelgesi» atly kitabynyň «Saglyk — abatlyk» bölüminden şeýle setirleri mysal getirmek ýerliklidir: «Saglyk jemgyýetçilik gymmatlygy bolmak bilen, döwletiň ösüşleriniň esasy kesgitleýjisi hökmünde häsiýetlendirilýär. Adamlaryň durmuşy gönüden-göni olaryň saglygy bilen baglanyşyklydyr. Saglyk barada alada edilmeýän ýekeje döwlet hem bolan däldir». 

     Hormatly Prezidentimiziň ynsan saglygyny goramak maksadyndan ugur alýan döwlet syýasaty dünýäde giň goldawa hem-de işjeň häsiýete eýe bolýar. Türkmenistanyň adamy we onuň saglygyny goramak babatda iri halkara guramalar bilen netijeli hyzmatdaşlyklary barha rowaçlanýar. Ýurdumyz Bütindünýä Saglygy Goraýyş Guramasy bilen bilelikde saglygy goraýyş ulgamyny ösdürmekde, enäniň we çaganyň saglygyny goramakda, ilatyň azyk howpsuzlygyny üpjün etmekde, ýaşaýyş-durmuş şertlerini ýokarlandyrmakda degişli işleri alyp barýar. Hususan-da, ýurdumyzyň geljegi hasaplanylýan ýaş nesilleriň saglygyny berkitmek meselesi kalby sahawata ýugrulan Gahryman Arkadagymyzyň hem-de Arkadagly Gahryman Serdarymyzyň üns merkezinde durýar. Türkmenistanda enäniň we çaganyň saglygyny goramak boýunça 2021 -2025-nji ýyllar üçin «Sagdyn ene - sagdyn çaga - sagdyn geljek» atly Milli strategiýa şeýle asylly işleri durmuşa geçirmäge gönükdirilendir.Gahryman Arkadagymyzyň başlangyjy bilen döredilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy bolsa çagalary alada bilen gurşap almagyň aňrybaş nusgasydyr. 

     Sagdynlyk, abadanlyk, jebislik ýörelgeleriniň amala aşyrylmagynda, adam gymmatyny dabaralandyrýan sahawatly işleriň dowamat-dowam bolmagynda taýsyz tagallalary edýän Milli Liderimiziň hem-de hormatly 

Prezidentimiziň janlary sag, ömürleri uzak, alyp barýan işleri rowaç bolsun!

Annabagt Maýewa,

welaýat Baş bilim müdirliginiň 

mekdebe çenli bilim, terbiýe we 

mekdepden daşary edaralar bölüminiň 

başlygy, Türkmenistanyň Mejlisiniň deputaty

     Ajaýyp döwrümiziň Halkara parahatçylyk we ynanyşmak ýylynda hormatly Prezidentimiziň tagallasy bilen ýurdumyzyň döwlet syýasatynda halkara gatnaşyklar işjeň häsiýetde ösýär.

     1995-nji ýylyň 12-nji dekabrynyň hem-de 2015-nji ýylyň 3-nji iýunynyň türkmen halky üçin ýatdan çykmajak şanly seneler bolup, taryhyň altyn sahypalarynda orun almagy zamananyň beýikligi bilen sazlaşýar. Garaşsyz Türkmenistanyň Birleşen Milletler Guramasynyň Baş Assambleýasy tarapyndan kabul edilen Kararnamalary esasynda hemişelik Bitaraplyk hukuk derejesiniň iki gezek ykrar edilmegi gadymy 

türkmen halkynyň ýurt parahatçylygyna, il agzybirligine, goňşuçylyk gatnaşyklarynda hoşniýetlilige, ynsanperwerlige, ylalaşdyryjylyga uly ähmiýet berýändiginiň beýanydyr. Şu geçen çärýek asyryň dowamynda Türkmenistan baky Bitaraplyk hukuk ýagdaýynyň ýörelgelerine ygrarlydygyny subut etdi. Garaşsyz Türkmenistanyň Bitaraplyk hukuk ýagdaýy dünýä döwletleri bilen ýakyn aragatnaşykda bolmaga we olar bilen dürli ulgamlar boýunça hyzmatdaşlygy ýola goýmaga täze mümkinçilikleri açdy. Ýurdumyz dünýäniň dürli döwletleri we abraýly halkara guramalar bilen iki tarapa bähbitli işjeň gatnaşyklary ýola goýdy. Hormatly Prezidentimiziň öňe sürýän oňyn başlangyçlarynyň Birleşen Milletler Guramasy tarapyndan giň goldawa eýe bolmagy uly many-mazmuny öz içine alýar. Munuň özi halkymyzyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň ählumumy parahatçylyk, howpsuz geljek bilen bagly öňe sürýän başlangyçlarynyň özeninde parahatçylygyň, ynanyşmagyň we asuda durmuşyň mynasyp orny eýeleýändiginiň aýdyň 

mysalydyr. Birleşen Milletler Guramasynyň Baş Assambleýasynyň 2017-nji ýylyň 2-nji fewralynda kabul eden Kararnamasyna laýyklykda, 12-nji dekabryň «Halkara Bitaraplyk güni» diýlip yglan edilmegi baky Bitaraplygymyzyň mizemez binýadynyň parahatçylyk söýüjilik we ynsanperwer ýörelgelerden gözbaş alýandygyny äleme ýaýdy. 

     Bitarap Türkmenistanyň başlangyjy bilen Birleşen Milletler Guramasynyň Baş Assambleýasynyň 79-njy sessiýasynda «Türkmenistanyň hemişelik Bitaraplygy» atly Kararnamanyň üçünji gezek kabul edilmegi Bitarap döwletimiziň parahatçylygyň berkarar bolmagy ugrunda amala aşyrýan işlerine ýokary baha berýän taryhy wakadyr. Taryhy döwrümiziň Halkara parahatçylyk we ynanyşmak ýylynda baky Bitaraplygymyzyň 30 ýyllygyny dabaraly belläp geçmäge ýokary derejede taýýarlyk görülýär. Bu şanly günlerde Gahryman Arkadagymyzyň we Arkadagly Gahryman Serdarymyzyň tagallalary bilen ýurdumyzyň ähli ulgamlarynda gazanylýan üstünlikler bagtyýarlygymyzyň nyşany bolup nur saçýar.

Ýakup ATABAÝEW,

Türkmenistanyň Mejlisiniň deputaty, 

Mejlisiň Halkara we parlamentara 

aragatnaşyklar baradaky komitetiniň agzasy.

     Häzirki wagtda Türkmenistan döwletimiz Arkadagly Gahryman Serdarymyzyň baştutanlygynda dünýä döwletleri bilen işjeň hyzmatdaşlyklary, dost-doganlyk hem diplomatik gatnaşyklaryny ýola goýýar. Öňden gelýän ysnyşykly gatnaşyklaryň has-da pugtalandyrylmagy ugrunda ýurdumyzda ençeme işler durmuşa geçirilýär. Türkmenistan döwletimiz diňe bir dünýä döwletleri bilen däl, eýsem, iri halkara guramalary bilen hem işjeň hyzmatdaşlygy ýola goýýar. Has takygy, ata Watanymyzyň başlangyjy esasynda BMG-niň Baş Assambleýasy tarapyndan ençeme Kararnamalar kabul edildi. Olaryň biri hem “2025-nji ýyl — Halkara parahatçylyk we ynanyşmak ýyly” atly Kararnamadyr. Bu Kararnamanyň kabul edilmeginde 86 döwletiň awtordaş bolup çykyş etmegi bolsa, ýurdumyzda alnyp barylýan işleriň halkara giňişliginde uly ähmiýete eýedigini äşgär edýär. 

     Üstümizdäki — Halkara parahatçylyk we ynanyşmak ýylynda hemişelik Bitaraplyk hukuk derejämize eýe bolanymyza 30 ýyl dolýar. Bu ýyllaryň içinde hemişelik Bitaraplyk hukuk derejämiziň üç gezek dünýä ýüzünde ykrar edilip, ýurdumyzyň içeri hem daşary syýasatynda uly işler durmuşa geçirilip, ata Watanymyzyň halkara abraýy günsaýyn ýokarlandy. 

     Bitarap döwletimiz dünýä döwletleri bilen dürli ulgamlarda hoşniýetli hyzmatdaşlyklary alyp barýar. Munuň özi ýurdumyzda halkara gatnaşyklarynyň işjeň häsiýetde bolmagyna giň mümkinçilik berýär.

Maksat JANMYRADOW.

TMÝG-niň welaýat geňeşniň başlygy, 

Türkmenistanyň Mejlisiniň deputaty.

     Häzirki wagtda Türkmenistan döwletimiz Arkadagly Gahryman Serdarymyzyň baştutanlygynda dünýä döwletleri bilen işjeň hyzmatdaşlyklary, dost-doganlyk hem diplomatik gatnaşyklaryny ýola goýýar. Öňden gelýän ysnyşykly gatnaşyklaryň has-da pugtalandyrylmagy ugrunda ýurdumyzda ençeme işler durmuşa geçirilýär. Türkmenistan döwletimiz diňe bir dünýä döwletleri bilen däl, eýsem, iri halkara guramalary bilen hem işjeň hyzmatdaşlygy ýola goýýar. Has takygy, ata Watanymyzyň başlangyjy esasynda BMG-niň Baş Assambleýasy tarapyndan ençeme Kararnamalar kabul edildi. Olaryň biri hem “2025-nji ýyl — Halkara parahatçylyk we ynanyşmak ýyly” atly Kararnamadyr. Bu Kararnamanyň kabul edilmeginde 86 döwletiň awtordaş bolup çykyş etmegi bolsa, ýurdumyzda alnyp barylýan işleriň halkara giňişliginde uly ähmiýete eýedigini äşgär edýär. 

     Üstümizdäki — Halkara parahatçylyk we ynanyşmak ýylynda hemişelik Bitaraplyk hukuk derejämize eýe bolanymyza 30 ýyl dolýar. Bu ýyllaryň içinde hemişelik Bitaraplyk hukuk derejämiziň üç gezek dünýä ýüzünde ykrar edilip, ýurdumyzyň içeri hem daşary syýasatynda uly işler durmuşa geçirilip, ata Watanymyzyň halkara abraýy günsaýyn ýokarlandy. 

     Bitarap döwletimiz dünýä döwletleri bilen dürli ulgamlarda hoşniýetli hyzmatdaşlyklary alyp barýar. Munuň özi ýurdumyzda halkara gatnaşyklarynyň işjeň häsiýetde bolmagyna giň mümkinçilik berýär.

Maksat JANMYRADOW.

TMÝG-niň welaýat geňeşniň başlygy, 

Türkmenistanyň Mejlisiniň deputaty.

     Bitarap Türkmenistan Aziýa ­ Ýuwaş umman sebitiniň ykdysady taýdan ösen ýurtlarynyň biri bolan Ýaponiýa bilen hyzmatdaşlygy gyzyklanma bildirilýän ähli ugurlarda üstünlikli ösdürýär. Hormatly Prezidentimiziň belleýşi ýaly, biziň ýurdumyz Ýaponiýa uzak möhletli, ygtybarly we durnukly hyzmatdaş hökmünde garaýar. Döwlet Baştutanymyzyň 13­15­nji aprelde bu dostlukly döwlete amala aşyran ilkinji sapary bolsa türkmen­ýapon gatnaşyklarynyň taryhynda täze tapgyryň başyny başlady. Saparyň dowamynda Osakada we Tokioda geçirilen duşuşyklardyr gepleşikler netijeli häsiýete eýe bolup, olaryň jemleri boýunça möhüm ylalaşyklar gazanyldy. Arkadagly Gahryman Serdarymyza Ýaponiýanyň iň öňde baryjy ýokary okuw mekdepleriniň biri bolan Sukuba uniwersitetiniň hormatly doktory akademiki derejesiniň berilmegi ähli halkymyzyň, aýratynda, ylym­bilim jemgyýetçiliginiň wekilleriniň buýsanjyny has­da artdyrdy. Biz hem ýurdumyzyň resmi wekiliýetiniň düzüminde şol taryhy wakalara dahylly bolan ildeşlerimiziň käbiriniň beren gürrüňlerini ýazga geçirdik.

Annamuhammet SARJAÝEW, Türkmenistanyň Mejlisiniň Durmuş

syýasaty baradaky komitetiniň başlygy:

— Gahryman Arkadagymyzyň tagallalary bilen türkmen-ýapon gatnaşyklarynda parlament hyzmatdaşlygy hem ileri tutulýar. 2018-nji ýylyň oktýabrynda Türkmen-ýapon parlamentara dostluk topary bilen Ýapon-türkmen parlamentara dostluk toparynyň arasynda parlamentara gatnaşyklary mundan beýläk hem ösdürmek barada özara düşünişmek hakynda Ähtnama gol çekilipdi. Şonuň netijesinde, kanun çykaryjylyk ulgamynda bilelikdäki hereketler has-da işjeň häsiýete eýe boldy. Bu resminamanyň maksady parlamentleriň arasyndaky hyzmatdaşlygy birek-birege hormat goýmak we dehukuklylyk ýörelgeleri esasynda ösdürmäge, işjeň gatnaşyklaryň ýola goýulmagyna, özara saparlaryň guralmagyna, kanun taslamalarynyň taýýarlanylmagy, kanunçylyk namalarynyň durmuşa geçirilmegi üçin peýdalanylýan bilimleridir tejribeleri yzygiderli alyşmaga, özara kabul ederlikli çözgütleri tapmakda ikitaraplaýyn maslahatlaşmalary guramaga gönükdirilendir. Häzirki wagtda türkmen-ýapon parlamentara gatnaşyklarynda tejribe alyşmak boýunça netijeli işler alnyp barylýar. Hormatly Prezidentimiz Serdar Berdimuhamedowyň golaýda Ýaponiýa amala aşyran saparynyň çäklerinde hut şu ugra hem möhüm ähmiýet berildi. 

     Osakada badalga alan «EKSPO — 2025» Bütindünýä sergisinde Türkmenistanyň Milli güni mynasybetli dabaraly çärelere gatnaşmagynyň çäklerinde döwlet Baştutanymyzyň Ýapon-türkmen parlamentara dostluk toparynyň başlygy Endo Toşiaki bilen geçiren duşuşygynda parlamentara hyzmatdaşlygy Türkmenistan bilen Ýaponiýanyň arasyndaky köpugurly gatnaşyklaryň aýrylmaz bölegi bolup, häzirki wagtda onuň ýurtlaryň we halklaryň arasynda özara ynamy, düşünişmegi berkitmegiň möhüm gurallarynyň birine öwrülendigi aýratyn nygtaldy. Şunda hormatly Prezidentimiziň parlamentara gatnaşyklary pugtalandyrmakda Türkmen-ýapon parlamentara dostluk toparynyň alyp barýan işine üns bermegi bizi örän begendirdi. Milli Liderimiziň, döwlet Baştutanymyzyň döredýän giň mümkinçilikleriniň netijesinde soňky ýyllarda bu toparyň işi işjeň häsiýete eýe boldy. Geçen ýylyň fewralynda Tokio amala aşyran iş saparymyzyň çäginde-de Ýapon-türkmen parlamentara dostluk toparynyň Sekretariatynyň başlygy Matsuşita Şinpeý, Ýaponiýanyň Wekiller palatasynyň Başlygy Fukuşiro Nukaga bilen duşuşyklar geçirilip, olarda parlamentara gatnaşyklary ösdürmäge degişli möhüm meseleleri ara alyp maslahatlaşypdyk. Şonda Gahryman Arkadagymyzyň 2022-nji ýylyň sentýabrynda Ýaponiýanyň ýolbaşçylary bilen geçiren duşuşyklarynda öňe süren teklipleriniň iş ýüzünde amala aşyrmagyň, parlamentara dostluk toparynyň işini güýçlendirmegiň, parlamentara hyzmatdaşlykda zenanlaryň ornuny ýokarlandyrmagyň, bu ugurda ýaşlaryň özara gatnaşyklaryny ýola goýmagyň zerurdygy bellenilipdi.

     Mälim bolşy ýaly, Türkmenistanda köp ýyllaryň dowamynda «ITOCHU», «Kawasaki», «Mitsubishi», «Sojitz», «Toyo», «Mitsui», «Sumitomo» ýaly iri ýapon kompaniýalary üstünlikli iş alyp baryp, milli ykdysadyýetimiziň ösüşine uly goşant goşdular. Garabogazdaky ammiak we karbamid öndürýän gazhimiýa toplumyny, Gyýanlydaky polimer zawodyny, Owadandepedäki tebigy gazdan benzin öndürýän zawody we Çärjew etrabyndaky gaz turbinaly elektrik stansiýasyny bolsa türkmen-ýapon ykdysady hyzmatdaşlygynyň aýdyň nyşany hökmünde görkezmek bolar. Ýapon-türkmen parlamentara dostluk toparynyň başlygy bilen geçiren duşuşygynda hem Arkadagly Gahryman Serdarymyz şular barada aýdyp, bu möhüm ugurdaky işleriň geljekde-de 

üstünlikli dowam etdiriljekdigine ynam bildirdi. Biz — deputatlaryň esasy wezipämiz bolsa ýurtlarymyzda parlament işiniň guralyşyny, kanunçykaryjylyk tejribesini, parlamentarileriň iş usullaryny içgin öwrenmek arkaly özara bähbitlilik we deňhukuklylyk esasynda guralýan türkmen-ýapon gatnaşyklarynyň mundan beýläk-de ösdürilmegine goşant goşmakdan ybaratdyr. Bize bu babatda ähli mümkinçilikleri döredýän Milli Liderimiziň hem-de hormatly Prezidentimiziň döwletli tagallalarynyň hemişe rowaçlyklara beslenmegini arzuw edýäris.