Her ýylyň 1 - 30­ – njy  sentýabry aralygynda geçirilýän biraýlygyň dowamynda Diýarymyzyň ähli künjeklerinde köçe-­ýol hereketiniň howpsuzlygy boýunça giň gerimli çäreler guralýar. Bu geçirilýän çäreler toplumy ýurdumyzda ýol hereketiniň düzgünleriniň berjaý edilmegi arkaly ilatyň saglygyny goramaga gönükdirilendir. 

Bu ajaýyp ýörelge bize her bir işimizde görelde mekdebi bolan halypamyz, Türkmenistanyň Hormatly il ýaşulusy Gahryman Arkadagymyzyň döwlet Baştutany döwründe 2013-­nji ýylda hut özüniň teklibi bilen badalga alypdy. Munuň bilen baglanyşykly yzygiderli geçirilýän çäreler ýol hereketiniň kadalarynyň berjaý edilmegine, ýol­ulag hadysalarynyň öňüniň alynmagyna, şeýle hem adamlary hukuk kadalaryny hormatlamak ruhunda terbiýelemäge ýardam berýär. 

Bu ugurda ýerine ýetirilýän işleriň çäklerinde awtoulaglaryň hereket edýän döwrebap ýollarynda howpsuzlygy üpjün etmek boýunça raýatlaryň saglygyny we emlägini hem-de daşky gurşawy gorap saklamak üçin döwletimizde döwrebap milli ulag ulgamyna degişli kanunlar hem kabul edilýär. Hereket edýän kanunlar döwrüň talabyna laýyklykda, yzygiderli kämilleşdirilýär. «Ýol hereketiniň howpsuzlygy hakynda» Türkmenistanyň Kanuny ýurdumyzyň çäginde ýol hereketiniň howpsuzlygyny üpjün etmegiň hukuk esasyny kesgitleýär. Ýol hereketiniň howpsuzlygy çygrynda döreýän gatnaşyklary düzgünleşdirýär we raýatlaryň janyny, saglygyny we emlägini gorap saklamagy üpjün etmäge, olaryň hukuklaryny we kanuny bähbitlerini goramaga gönükdirilendir. «Ýol hereketiniň howpsuzlygy hakynda» Türkmenistanyň Kanuny Türkmenistanyň Konstitusiýasyna, halkara hukugynyň umumy ykrar edilen kadalaryna esaslanýar. Bu Kanunda ýol hereketiniň howpsuzlygyny üpjün etmek çygrynda döwlet syýasatynyň esasy ugurlary, döwlet edaralarynyň ygtyýarlyklary kesgitlenip, ýol hereketiniň howpsuzlygyny üpjün etmek boýunça esasy talaplar giňişleýin beýan edilýär. Kanuna laýyklykda, ýol hereketine gatnaşyjylaryň Türkmenistanyň ýollary boýunça hereketiň howpsuz şertlerine bolan hukuklary döwlet tarapyndan kepillendirilýär. Ýol hereketiniň howpsuzlygy Türkmenistanyň kadalaşdyryjy hukuk namalaryny we halkara şertnamalaryny ýerine ýetirmek ýoly bilen üpjün edilýär. Hereketleriň howpsuzlygyny üpjün etmekde döwlet gözegçiligi Türkmenistanyň kanunçylygyna laýyklykda guralýar we amala aşyrylýar. 

Bu ýerine ýetirilýän halk bähbitli işler Gahryman Arkadagymyzyň tagallalarynyň netijesinde başy başlanyp, häzirki wagtda hormatly Prezidentimiz Arkadagly Gahryman Serdarymyzyň baştutanlygynda döwlet derejesinde dowam etdirilýändigini ýene­-de bir ýola aýdyňlygy bilen subut edýär. 

Halkymyzyň bagtyýar durmuşda ýaşamagy barada bimöçber tagallalar edýän Gahryman Arkadagymyza hem-de hormatly Prezidentimize sagbolsun aýdýarys. Milli Liderimiziň, Arkadagly Gahryman Serdarymyzyň janlary sag, ömürleri uzak bolsun! 

Baýrammyrat HAJYMÄMMEDOW, 

Türkmenistanyň Mejlisiniň deputaty, 

Durmuş syýasaty baradaky komitetiniň agzasy

Hä­zir­ki dö­wür­de ýol he­re­ke­ti­niň howp­suz­ly­gy­ny üp­jün et­mek dünýä­de ile­ri tu­tul­ýan ugur­la­ryň hem­-de wa­jyp mese­le­le­riň bi­ri hasaplanyl­ýar. Ýur­du­myz­da ýol he­re­ke­ti­niň howp­suz­ly­gy­ny üp­jün etmekde, adam­la­ryň jan sag­ly­gy­ny we öm­rü­ni yg­ty­bar­ly go­ra­mak­da hormat­ly Pre­zi­den­ti­miz Ar­ka­dag­ly Gahryman Ser­da­ry­my­zyň baştutanlygyn­da giň ge­rim­li iş­ler dur­mu­şa ge­çi­ril­ýär. Paý­tag­ty­myz­da, oba­lardyr şä­her­ler­de sü­rü­ji­ler we py­ýa­da­lar üçin dün­ýä ül­ňü­leri­ne laýyk gel­ýän iki ta­rap­ly giň ýol­lar, aw­to­ma­gist­ral­lar, aý­law­ly köp­rü­ler, ýe­ras­ty we ýe­rüs­ti ge­çel­ge­ler gu­rul­ýar. Şa­ýol­la­ry­myz­da we köçelerimizde he­re­ket ed­ýän aw­toulag­la­ryň sa­ny­nyň bar­ha art­ma­gy ýol he­re­ke­ti­niň ýo­ka­ry de­re­je­de saz­la­şyk­ly gu­ral­ma­gy­ny ta­lap ed­ýär. 

Ýurdumyzda ýolulag hadysalarynyň öňüni almak maksady bilen, köçelerde ýol hereketini düzgünleşdiriji, yşyklandyryjy, elektron duýduryş­-habar beriji, hereket tizligini ölçeýji, gije­-gündiziň dowamynda işleýän awtomatlaşdyrylan wideogözegçilik enjamlary ornaşdyrylan. Ýol hereketiniň howpsuzlygy baradaky milli maksatnamalaryň üstünlikli durmuşa geçirilmegini üpjün etmek, ýol hereketiniň howpsuzlygynyň kadalaryny ilat arasynda giňden wagyz etmek ugrunda Türkmenistanyň Içeri işler ministrliginiň Polisiýanyň ýol gözegçiligi gullugynyň işgärleri, Türkmenistanyň Mejlisiniň deputatlary, beýleki degişli döwlet edaralary hem-de jemgyýetçilik guramalary tarapyndan düşündiriş işleri yzygiderli geçirilýär. 

Her ýylyň sentýabr aýynda türkmen halkynyň Milli Lideri Gahryman Arkadagymyzyň asylly başlangyjy esasynda «Ýol hereketiniň howpsuzlygy – ömrümiziň rahatlygy» ady bilen geçirilýän biraýlyk ýolulag hadysalarynyň öňüni almaga, olaryň möçberiniň mese­-mälim azalmagyna getirýär. Esasy belläp geçmeli zatlaryň biri-de, welosiped sportuny giňden wagyz etmäge uly ýardam berýär. Lukmanlar yzygiderli welosiped sürmegiň saglyga peýdalydygyny, ýürek, gan-damar ulgamynyň berkemegine täsir edýändigini hem-de bedeniň ýokanç kesellere garşy göreşmäge ukyplylygyny artdyrýandygyny belleýärler. 

Geçirilýän bu toplumlaýyn çäreler ýurdumyzda hereket edýän «Ýol hereketiniň howpsuzlygy hakynda» Türkmenistanyň Kanunynyň talaplaryndan ugur alnyp guralýar. Bu Kanun ýurduň çäginde ýol hereketiniň howpsuzlygyny üpjün etmegiň hukuk esasyny kesgitleýär, ýol hereketiniň howpsuzlygy çygrynda döreýän gatnaşyklary düzgünleşdirýär we raýatlaryň janyny, saglygyny we emlägini gorap saklamagy üpjün etmäge, olaryň hukuklaryny we kanuny bähbitlerini, şeýle hem daşky gurşawy goramaga gönükdirilendir. Kanunda ýol hereketiniň howpsuzlygyny üpjün etmegiň meseleleri boýunça bellenilen tertipde kadalaşdyryjy hukuk namalaryny (düzgünleri, standartlary, tehniki kadalary we beýleki kadalaşdyryjy resminamalary) işläp düzmek we tassyklamak ýol hereketiniň howpsuzlygyny üpjün etmek boýunça döwlet syýasatynyň esasy ugurlarynyň biri bolup durýandygy görkezilendir. 

Ýol hereketiniň howpsuz bolmagyny gazanmak hemmeleriň işidir. Sebäbi hadysasyz köçe-ýollarymyz her bir maşgalanyň abadan ýaşaýşynyň, ömrümiziň rahatlygynyň kepilidir. 

Jen­net ÖWE­KO­WA, 

Türk­me­nis­ta­nyň Mej­li­si­niň de­pu­ta­ty, 

Mej­li­siň Ka­da-ka­nun­çy­lyk ba­ra­da­ky ko­mi­te­ti­niň ag­za­sy.

   Umumy milli forumda döwlet Baştutanymyz «Türkmenistanyň Garaşsyzlygynyň 32 ýyllyk baýramy mynasybetli döwlet sylaglary bilen sylaglamak hakynda» Permana gol çekdi. Şol Permana laýyklykda, men hem Türkmenistanyň «Watana bolan söýgüsi üçin» medaly bilen sylaglandym. Ildeşlerimiz bilen bir hatarda, meni hem döwlet sylagy bilen sylaglandygy üçin hormatly Prezidentimize köp sag bolsun aýdýaryn. Ýurdumyzy gülledip ösdürmekde ähli tagallalary edýän hormatly Prezidentimiz Arkadagly Gahryman Serdarymyzyň, türkmen halkynyň Milli Lideri Gahryman Arkadagymyzyň janlary sag, ömürleri uzak, işleri rowaç bolsun.

Meňli DIWANOWA, 

Türkmenistanyň Mejlisiniň Adam hukuklaryny 

we azatlyklaryny goramak baradaky komitetiniň agzasy.

Ar­ka­dag Ser­dar­ly bag­ty­ýar ýaşlar ýy­ly­nyň şan­ly wa­ka­la­ry Türkmenis­ta­nyň Ga­raş­syz­ly­gy­nyň 32 ýyl­lyk baý­ra­my­nyň toý­la­nyl­ýan gün­le­rin­de ta­ry­hy wa­ka­la­ra beslen­di. 2023-nji ýy­lyň 24-nji sentýabrynda Türk­me­nis­ta­nyň Halk Mas­la­ha­ty­nyň mej­li­sin­de türkmen hal­ky­nyň Mil­li Li­de­ri, Türkme­nis­ta­nyň Halk Mas­la­ha­ty­nyň Baş­ly­gy Gah­ry­man Arkadagy­myzyň we Türk­me­nis­ta­nyň hor­mat­ly Pre­zi­den­ti Ar­ka­dag­ly Ser­da­ry­my­zyň mak­sat­na­ma­la­ýyn çy­kyş­la­ryn­da ýur­du­my­zyň ösüş­li taryhy­nyň esasy sep­git­le­ri,­ ata­ Wa­ta­ny­my­zyň şan-şöh­ra­ty­ny dün­ýä­de daba­ralan­dyr­mak ug­run­da öň­de dur­ýan we­zi­pe­ler aý­dyň kes­git­le­nil­di. Mejli­siň bar­şyn­da çy­kyş eden ýa­şu­ly nes­liň we­kil­le­ri äh­li il­deş­le­ri­mi­ziň ýü­rek ar­zu­wy­ny­ ­ be­ýan et­di­ler. Il­deş­le­ri­mi­ziň erk-is­le­gi­ni na­zara alyp, Türk­me­nis­ta­nyň Mej­li­si hor­mat­ly Pre­zi­den­ti­mi­ze Türk­menis­ta­nyň iň ýoka­ry ta­pa­wut­lan­dyryş de­re­je­si­ni­ —­ «Al­tyn Aý» al­tyn ny­şa­ny­ny gowşur­mak bi­len, Türkme­nis­ta­nyň Gah­ry­ma­ny di­ýen ady dak­mak hakyn­da ka­rar ka­bul et­di. Türk­me­nis­ta­nyň Gah­ry­ma­ny diýen be­lent adyňyz gut­ly bol­sun, hor­mat­ly Ar­ka­dag­ly Ser­da­ry­myz! 

Kerimguly GELDIÝEW,

 Türkmenistanyň Mejlisiniň deputaty, 

Türkmenistanyň «Watana bolan söýgüsi üçin» 

medalynyň eýesi.

Däp bol­şy ýa­ly, her ýyl mu­kad­des Ga­raş­syz­ly­gy­my­zyň şan­ly baýra­my my­na­sy­bet­li ýur­du­my­zyň äh­li pu­dak­la­ryn­da öz hü­nä­ri­ne us­sat iş­gär­ler, öň­de­ba­ry­jy wa­tan­daş­la­ry­myz döw­let sy­lag­la­ry­dyr hor­mat­ly atlar, Şa ser­paý­la­ry bi­len sy­lag­la­nyl­ýar. Bu bol­sa ola­ry tä­ze zäh­met üstün­lik­le­ri­ne, ýur­du­my­zyň ok­gun­ly ösüş­le­ri­ne my­nasyp go­şant goşmaga ruh­lan­dyr­ýar. 

Hor­mat­ly Pre­zi­den­ti­mi­ziň öz hal­ky­na bagyşlaýan baý­ram­çylyk sow­gat­la­ry bi­ze has uly şat­lyk we bagt paýlaýar. Mu­kad­des Garaşsyzlygy­my­zyň 32 ýyl­lyk baý­ra­my­nyň öňüsyra­syn­da ma­ňa hem şol şat­lyk­dan paý­ly bol­mak­ - Türk­me­nis­ta­nyň  «Wa­ta­na bolan söý­gü­si üçin» me­da­ly bi­len sy­lag­lan­mak baş baýramymy­zyň bo­sa­ga­syn­da başymy gö­ge ýe­tir­di. Mu­nuň üçin begenjimiň çä­gi ýok. Şa ser­pa­ýy bi­len sy­lag­lan­ma­gym öm­rüm­de ýatdan çyk­ma­jak buý­sanç­ly, tol­gun­dy­ry­jy, ýakym­ly wa­ka bol­dy. 

Döw­let sy­la­gy üçin Ar­ka­dag­ly Gah­ry­man Ser­da­ry­my­za ho­şal­lyk bil­dir­ýä­rin. Bu sy­lag me­ni mun­dan beý­läk hem eziz Wa­ta­ny­myz üçin has yh­las­ly iş­le­mä­ge borç­ly ed­ýär. 

Hiç wagt unu­dyl­ma­jak bu şat­lyk­ly hem çäk­siz buý­sanç­ly gün­ler­de Gah­ry­man Ar­ka­da­gy­my­za, Ar­ka­dag­ly Gah­ry­man Ser­da­ry­my­za tüýs ýürek­den sag ­bol­sun aýd­ýa­ryn.

 Hor­mat­ly Pre­zi­den­ti­mi­ze, Gahryman Ar­ka­da­gy­my­za berk jan saglyk, uzak ömür, ro­waç­lyk ar­zuw ed­ýä­ris. 

Atamyrat MYRADOW, 

Türkmenistanyň Mejlisiniň umumy 

bölüminiň baş hünärmeni.

şöhratly ýolumyzyň, nurana geljegimiziň binýady

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Arkadag Serdarly bagtyýar ýaşlar ýylynyň 24-nji sentýabrynda geçen Türkmenistanyň Halk Maslahatynyň mejlisi köp milletli agzybir halkymyzyň Garaşsyzlygymyzyň we hemişelik Bitaraplygymyzyň şöhratly ýoly bilen bagtyýar geljegine sary ynamly öňe barýandygyny dabaralandyrdy. 

Şanly Garaşsyzlygymyzyň 32 ýyllygy mynasybetli döwletimiziň durmuşynda taryhy ähmiýetli waka öwrülen bu umumymilli forumda ýurdumyzyň Garaşsyzlyk ýyllarynda geçen şöhratly ýoly, Arkadagly eýýamymyzda ata Watanymyzyň bedew batly ösüşleriniň buýsançly netijeleri, halkymyzyň abadan we bagtyýar durmuşyny üpjün etmäge gönükdirilen düýpli özgertmeleri amala aşyrmagyň ileri tutulýan wezipeleriniň kesgitlenilmegi, kabul edilen çözgütler munuň aýdyň beýanydyr. 

«Türkmenistanyň Halk Maslahaty hakynda» Türkmenistanyň Kanunynda beýan edilişi ýaly, Türkmenistanyň Halk Maslahaty Türkmenistanyň Garaşsyzlyk ýyllarynda gazananlaryny has-da berkitmek, ýurdumyzy ösüşiň has ýokary derejelerine çykarmak üçin ählihalk hereketini ýaýbaňlandyrmak, jemgyýetçilik syýasy, durmuş-ykdysady, medeni-ynsanperwer we kanunçylyk-hukuk ulgamlarda täze sepgitlere ýetirmek, iň täze taryhymyzda gazanylan üstünlikleri wagyz etmek maksady bilen döredildi. 

Türkmenistanyň Halk Maslahatynda halkymyzyň ýürek islegini nazarda tutup, Türkmenistanyň Prezidenti hormatly Serdar Gurbangulyýewiç Berdimuhamedowa Türkmenistanyň iň ýokary tapawutlandyryş derejesini — «Altyn Aý» altyn nyşanyny gowşurmak bilen, Türkmenistanyň Gahrymany diýen ady dakmak hakynda Türkmenistanyň Mejlisiniň kabul eden taryhy karary Türkmenistanyň Halk Maslahatynyň ýurdumyzyň halkynyň bähbitlerine wekilçilik edýän ýokary wekilçilikli edaradygynyň durmuş hakykatyny görkezdi. Döwlet Baştutanymyza bu ýokary sylagyň berilmegi köpmilletli agzybir halkymyzyň buýsanjyny has artdyrdy. 

Munuň özi Arkadagly Gahryman Serdarymyzyň Berkarar döwletiň täze eýýamynyň Galkynyşy döwründe Türkmenistanyň milli Garaşsyzlygynyň esaslaryny, Bitaraplyk ýörelgelerini pugtalandyrmaga goşan ägirt uly şahsy goşandy, döwletiň we jemgyýetiň öňünde bitiren aýratyn görnükli hyzmatlary, täzeçil başlangyçlary, demokratik, hukuk, dünýewi döwletimizi depginli ösdürmekde durmuşa geçiren beýik işleri, ýaşlary Watana söýgi hem-de wepalylyk ruhunda terbiýelemekde, ýurdumyzyň halkara abraýynyň artmagynda Gahryman Arkadagymyzyň beýik işlerini netijeli üstünlikler bilen baýlaşdyryp, dünýä halklarynyň belent söýgüsini gazanandygy üçin berlen mynasyp bahadyr. 

Mälim bolşy ýaly, Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň beýik işleri Arkadagly Serdarymyz tarapyndan üstünlikli dowam etdirilip, ýurdumyzda ähli ugurlarda beýik ösüşler gazanylýar. Arkadagly Gahryman Serdarymyzyň Halk Maslahatyndaky taryhy çykyşynda hem nygtaýşy ýaly, häzirki döwürde ýurdumyzy 2022 - 2028-nji ýyllarda durmuş-ykdysady taýdan ösdürmegiň Maksatnamasynda we 2028-nji ýyla çenli döwür üçin Oba milli maksatnamasynda göz öňünde tutulan esasy wezipeleriň ählisi üstünlikli durmuşa geçirilýär. Munuň üçin ýurdumyzyň senagat pudaklaryny ösdürmek, innowasion häsiýetli bilelikdäki kärhanalaryň işini ýola goýmak, eksporta gönükdirilen we importy çalyşýan önümçilikleri döretmek, oba hojalygynda özgertmeleri geçirmek hem-de azyk üpjünçiligini gowulandyrmak, ýurdumyzyň ähli sebitlerinde täze iş orunlaryny döretmek hem-de ilatyň durmuş taýdan goraglylygyny üpjün etmek boýunça toplumlaýyn işler okgunly alnyp barylýar. Maksatnamalaýyn alnyp barlan bu işleriň netijesinde, şu ýylyň başyndan bäri jemi içerki önümiň ösüşiniň 6,2 göterim möçberde bolmagy, şu ýyl göz öňünde tutulan 2688 iş ornunyň ýerine 7607 täze iş ýeriniň döredilmegi, işgärleriň aýlyk zähmet haklarynyň, pensiýalaryň, döwlet kömek pullarynyň, talyp we diňleýji haklarynyň möçberiniň her ýylda 10 göterim ýokarlandyrylmagy alnyp barylýan syýasatyň oýlanyşykly häsiýetini görkezýär. Alym Arkadagymyzyň paýhasyndan gözbaş alýan, sanly konsepsiýanyň ähli mümkinçiliklerini özünde jemleýän, sebitimizde ilkinji gezek gurlup ulanylmaga berlen «akylly» şäher bolan Arkadag şäheri munuň aýdyň mysallaryndandyr Döwlet Baştutanymyzyň belleýşi ýaly: «Biziň gazanan üstünliklerimiz alyp barýan syýasatymyzy halkymyzyň giňden goldamagynyň hem-de işjeň gatnaşmagynyň netijesidir». 

Arkadagly Serdarymyzyň: «Döwrüň talabyna görä, milli kanunçylygy kämilleşdirmek döwlet gurluşyny ösdürmegiň esasy ugruna öwrülýär. Şeýle bolansoň, ata Watanymyzyň, häzirki we geljek nesillerimiziň öňündäki jogapkärçiligimizden ugur alyp, ýokary döwlet häkimiýet edaralarynyň dolandyryş ulgamyny mundan beýläk-de berkitmeli diýip hasaplaýaryn» diýen taryhy sözleri bolsa ýurdumyzyň ähli ulgamlarynyň sazlaşykly ösdürilmeginiň anyk ugurlaryny kesgitledi. Munuň özi döwlet Baştutanymyzyň: «Watan diňe halky bilen Watandyr! Döwlet diňe halky bilen döwletdir!» diýen döwlet ideologiýasynyň dabaralanmasy boldy. 

Türkmen halkynyň Milli Lideri Gahryman Arkadagymyzyň hormatly Prezidentimize zähmetde öz gazanan üstünlikleri bilen tapawutlanan ýurdumyzyň raýatlaryny Türkmenistanyň Garaşsyzlyk baýramy mynasybetli döwlet sylaglary bilen sylaglamak hakynda resminamalara gol çekmegi baradaky haýyş bilen ýüzlenmegi, ýygnananlaryň el çarpyşmalary astynda döwlet Baştutanymyzyň degişli resminama gol çekmegi, ýurdumyzyň her welaýatyndan we Aşgabat şäherinden «Hormatly il ýaşulusy» diýen ada hem-de «Zenan kalby» ordenine mynasyp bolan ýaşuly nesliň wekillerine sylaglaryň gowşurylmagy ýüreklere buýsançly pursatlary bagyşlady. 

Jemläp aýdylanda, Türkmenistanyň Halk Maslahatynyň mejlisi ýurdumyzyň raýatlaryny mundan beýläk hem döredijilikli zähmet üstünliklerine ruhlandyrdy. Çünki Alym Arkadagymyzyň nygtaýşy ýaly, biziň beýik ýeňişlerimiziň we üstünliklerimiziň, döwletimiziň barha artýan halkara abraýynyň esasynda Türkmenistanyň döwlet Garaşsyzlygy durýar. Garaşsyzlyk bize döretmäge kuwwat, gurmaga güýç, рarahatçylygy we dostlugy pugtalandyrmaga egsilmez ylham berýär. 

Şu ajaýyp pursatlarda ähli halkymyz bilen bilelikde hormatly Arkadagly Gahryman Serdarymyzy Türkmenistanyň iň ýokary tapawutlandyryş derejesiniň - «Altyn Aý» altyn nyşanynyň gowşurylmagy bilen, Türkmenistanyň Gahrymany diýen belent adyň dakylmagy mynasybetli tüýs ýüregimizden gutlaýarys. 

Köpmilletli agzybir halkymyzyň bagtyýar durmuşynyň dowamat-dowam bolmagy, dünýäniň durnukly ösmegi ugrunda ägirt uly işleri durmuşa geçirýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak bolsun, işleri rowaçlyklara beslensin. 

Bäşim ANNAGURBANOW, 

Türkmenistanyň Mejlisiniň deputaty, 

Türkmenistanyň Agrar partiýasynyň başlygy

Gahryman Arkadagymyzyň «Ömrümiň manysynyň dowamaty» atly täze eseri bilen serpaýlamagy bagtyýar hem agzybir ilimizi uly ruhubelentlige atardy. Her bir döwür jemgyýetiň ösüşinde yz galdyrýan täze gymmatlyklary, şol gymmatlyklary dörediji şahsyýetleri öňe çykarýar. Ol gymmatlyklar diňe bir şu günki jemgyýetiň ösüşi däl, eýsem, geljekki nesliň ýaşaýyş mümkinçilikleriniň kuwwatly bolmagyna hem täsir edýär. Olar uly terbiýeçilik ähmiýete eýedir. Tebigy zehinini, başarnygyny adamzat durmuşyna oňyn täsir ýetirjek haýyrly işlere bagyşlan şahsyýetler öz adyny taryha ýazmak bilen birlikde, milletiň mertebesini belende göterýärler, ýurduň ösüşine, nesilleriň terbiýesine oňyn täsir edýärler. Gahryman Arkadagymyz täze edebi ­filosofik eserinde ömrüniň manyly menzilleri, durmuş ýatlamalary, gymmatly pikir ­garaýyşlary hakynda söhbet edýär. 

Mähriban Arkadagymyz täze kitabynda halkymyzyň milli ýörelgeleri, gymmatlyklary, aýratynlyklary, olary ýaş nesli döwrüň ruhuna laýyk terbiýelemekde peýdalanmagyň maksatlary barada hem giňişleýin pikir ýöredýär. «Ömrümiň manysynyň dowamaty» atly kitabyň «Watan — enäniň kalby» atly bölümini okaýarkaň, Watan mukaddesligi, ene­-ata mähribanlygy, olara hormat-sarpanyň, gadyr­-gymmatyň ähmiýeti ruhuňa ornaýar. Gahryman Arkadagymyzyň mähriban käbesi Ogulabat eje baradaky ýatlamalary ene mukaddesligini ýene bir ýola ör­boýuna galdyrýar. 

Maşgala ojagyna wepalylygyň, zähmetsöýerligiň, halallygyň, asyllylygyň, mähribanlygyň ajaýyp nusgasyny döreden Ogulabat ejäniň milli gymmatlyklarymyzyň, asylly ýol-­ýörelgelerimiziň dowamat-dowam bolmagy, halkymyzyň nusgalyk däpleriniň aýawly saklanmagy we baýlaşmagy ugrunda bitiren işleri buýsanmaga mynasypdyr. Perzentleriniň asylly häsiýetleri özünde jemlemegi, watansöýüji, hemmetaraplaýyn kämil, ilhalar adamlar bolup ýetişmegi üçin yhlas eden enäniň mähriban keşbi dünýä nusgalykdyr.

Mähriban Arkadagymyz ajaýyp eserinde: «Enäniň ýüregi — her ykbalyň köňül ybadaty. Ene sözünde «ene» diýen ýekeje sözde dünýäniň ähli manysy, ýaşaýşyň mazmuny jemlenendir. Biziň ähli şatlyk­-gaýgylarymyz, ses-­sedalarymyz, ruhy owazlarymyz ene sözüne siňendir. Çünki ene sözi Watan sözi ýaly beýiklikdir hem mukaddeslikdir. Eýsem, enäni Watandan aýry, Watany bolsa eneden saýry göz öňüne getirmek mümkin däl» diýip, ene mukaddesligini, Watan beýikligini buýsanç bilen beýan edýär. Gahryman Arkadagymyzyň: «Şonda men içimden şeýle diýipdim: «Kakamy­-da, meni­-de mertebe belentliklerine ýetiren sensiň, eje! Belki, Watanyň ykbalyny beýgeldýän güýç hem seniň erkiňdedir, eje! Çünki şahyrlarymyz «Dünýäň sallançagy enäň elinde» diýýän bolsa, men bu beýik düşünjä «Dünýäniň ykbaly enäň egninde» diýip, goşant goşasym gelýär» diýen sözleri okyjyny täsin duýgularyň goýnuna atarýar. 

Türkmen halkynyň Milli Lideri Gahryman Arkadagymyzyň ylahy zehininden, ylham joşgunyndan döreýän ajaýyp eserleri egsilmez hazyna, ýolgörkeziji şamçyrag bolup, ýagşy işlere ruhlandyrýar. Arkadag Serdarly bagtyýar ýaşlar ýylynyň beýik işleriniň çäklerinde ajaýyp döredijilik eserleri bilen adamzadyň ruhy dünýäsini baýlaşdyrýan Gahryman Arkadagymyzyň gymmatly eserleri döwrüň beýany bolup şugla saçýar. Diňe bir halkymyz üçin däl, eýsem, dünýä jemgyýetçiligi üçin hem gymmatly ruhy hazynalary peşgeş berýän halkymyzyň Milli Lideri Gahryman Arkadagymyzyň ajaýyp eserleriniň höwrüniň köp, döwet galamynyň ýiti bolmagyny tüýs ýürekden arzuw edýäris.

Baýramgözel MYRADOWA, 

Türkmenistanyň Mej­li­si­niň­ de­pu­ta­ty.

Ar­ka­dag Ser­dar­ly bag­ty­ýar ýaş­lar ýy­lyn­da bo­lup geç­ýän aja­ýyp wa­ka­lar, ga­za­nyl­ýan be­ýik ösüş­ler­dir ýe­til­ýän mer­te­be­li men­zil­ler eziz Wa­ta­ny­myzyň, mäh­ri­ban hal­ky­my­zyň iň tä­ze tary­hy­na zer harp­lar bi­len mö­hür­len­ýär. Olar ag­zy­bir wa­tan­daş­la­ry­my­zyň, aýra­tyn­-da, bag­ty­ýar türk­men ýaş­la­rynyň dur­mu­şyn­da ha­ky­da­lar­dan ba­ky orun al­ýan ta­ry­hy pur­sat­la­ra bes­le­nip, hem­mä­mi­zi ýe­ne­ki be­ýik üs­tün­lik­le­re ruh­lan­dyr­ýar, nu­ra­na er­tir­le­re bo­lan syn­maz yna­my­my­zy has­-da ber­kidýär. Bir­le­şen Mil­let­ler Gu­ra­ma­sy­nyň Bi­lim, ylym we me­de­ni­ýet me­se­le­le­ri bo­ýun­ça gu­ra­ma­sy bo­lan ÝU­NES­KO-dan hoş ha­ba­ryň ge­lip go­wuş­ma­gy hem şeý­le aja­ýyp wa­ka­la­ryň bi­ri­dir. Gah­ry­man Ar­ka­da­gy­my­zyň hem-­de Arka­dag­ly Ser­da­ry­my­zyň ta­gal­la­lary bi­len Türk­me­nis­ta­nyň Magtymguly adyn­da­ky Ýaş­lar gu­ra­ma­sy­nyň ÝU­NES­KO-­nyň Bütindünýä Ýaş­lar jem­gy­ýe­ti­niň res­mi ag­za­ly­gy­na ka­bul edil­me­gi äh­li il­deş­le­ri­mi­zi, şol san­da ýaş­la­ry­my­zy buý­san­dyr­ýar. 

Ata­ Wa­ta­ny­my­zyň ­be­ýik­ gel­je­gi­ni ylym ­bi­lim­den ­ýü­ki­ ýe­tik,­ zehin­li,­ häzir­ki­ za­man ­teh­ni­ka­la­ryn­dan ­we ­tehno­lo­gi­ýa­la­ryn­dan­ us­sat­lyk­ bi­len­ baş çy­kar­ýan,­ sag­dyn­ hem­ ru­hu­be­lent ýaş­lar­da­ gör­ýän­ türk­men­ hal­ky­nyň Mil­li­ Li­de­ri,­ Türk­me­nis­ta­nyň­ Halk Mas­la­ha­ty­nyň­ Baş­ly­gy­ Gah­ry­man Ar­ka­da­gy­myz­ ýaş­ ne­sil­le­riň­ oka­magy,­ hü­när­ öw­ren­me­gi,­ sport­ bi­len meş­gul­la­nyp,­ he­mi­şe ­sag­dyn ­dur­muş ýö­rel­ge­le­ri­ne ­eýermegi,­ berk­ be­den­li,­ giň­ dün­ýä­ga­ra­ýyş­ly,­ kä­mil­ şah­sy­ýetler­ bo­lup­ ýe­tiş­me­gi­ üçin­ döw­re­bap şert­dir­ müm­kin­çi­lik­le­riň­ dö­re­dil­megi­niň­ pug­ta­ bin­ýa­dy­ny­ goý­dy.­ Halk hä­ki­mi­ýe­ti­niň­ iň­ ýo­ka­ry­ we­kil­çi­lik­li eda­ra­sy­nyň­ Türkmenis­ta­nyň  ­Halk Mas­la­ha­ty­nyň­ Baş­ly­gy­ hök­mün­de hä­zir­ki­ wagtda hem­ ýaş­la­ryň ­röw­şen gel­je­gi­ni,­ bag­ty­ýar­ dur­mu­şy­ny­ üp­jün et­mek –babatda ­äh­li­ ta­rap­la­ýyn­ taý­syz ta­gal­la­la­ry­ ed­ýän­ Mil­li­ Liderimiziň bu ugur­da­ky­ be­ýik­ baş­lan­gyç­la­ry­ny­ belent­ mer­te­be­li­ döw­let­ Baş­tu­ta­ny­myz my­na­syp ­do­wam­ et­dir­ýär­ we­ aja­ýyp ta­ry­hy­ üs­tün­lik­le­re­ bes­le­ýär. 

Berkarar­ döwletiň ­täze­ eýýamynyň Galkynyşy­ döwründe­ Gahryman Ar­ka­da­gy­my­zyň­ baş­lan­gy­jy­ we Ar­ka­dag­ly­ Ser­da­ry­my­zyň­ taý­syz­ tagal­la­la­ry­ bi­len,­ «Ýaş­lar­ ba­ra­da­ döw­let sy­ýa­sa­ty­ ha­kyn­da»­ Türkme­nis­ta­nyň Ka­nu­ny­nyň­ re­je­le­nen­ gör­nü­şi­niň­ kabul­ edil­me­gi­de ­ýaş ne­sil­le­ri­miz­ üçin tä­ze­ müm­kin­çi­lik­le­ri­ we­ ýe­ňil­lik­le­ri dö­ret­di.­ Şeý­le­ giň­ müm­kin­çi­lik­lerden­ ruh­lan­ýan­ türk­men­ ýaş­la­ry­ bildi­ril­ýän­ be­lent­ yna­my­ öde­mek­ üçin tu­tan­ýer­li­ we­ yh­las­ly­ zäh­met­ çe­kip,­ ylym-­bi­lim,­ sport,­ mede­ni­ýet­ we­ sungat­ ugur­la­ryn­da ­ga­zan­ýan ­aja­ýyp ­üstün­lik­le­ri­ bilen Wa­ta­ny­my­zyň ­hal­kara­ ab­ra­ýy­na,­ şan­-şöh­ra­ty­na­ my­na­syp go­şant­ goşýarlar. 

Ar­ka­dag­ Ser­dar­ly­ bag­ty­ýar­ ýaşlar­ ýy­ly­nyň­ 10­-njy­ iýu­nyn­da­ döw­let Baş­tu­ta­ny­my­zyň­ gol­ çe­ken­ Ka­rary­ bi­len­ «Türk­me­nis­ta­nyň­ ýaş­lary­nyň­ hal­ka­ra­ hyz­mat­daş­ly­gy­nyň 2023­ —­ 2030-­njy­ ýyl­lar­ üçin­ Strategiýasynyň»­ tas­syk­lan­ma­gy­da­ bu ba­bat­da­ aý­ra­tyn­ bel­len­mä­ge­ mynasyp­dyr.­ Stra­te­gi­ýa­ türk­men­ ýaş­la­rynyň ­dün­ýä­ ýurt­la­ry­nyň ­ýaşlary bi­len ylym-­bi­lim,­ mag­lu­mat­-kom­mu­ni­kasi­ýa,­ me­de­ni­-yn­san­per­wer,­ sport­ we sy­ýa­hat­çy­lyk­ ýa­ly­ dür­li­ ugur­lar­da hyz­mat­daş­lyk­ gatnaşyklarynyň­ ösdü­ril­me­gi­ne we iş­jeň­leş­di­ril­me­gi­ne gönükdirilendir. Türk­me­nis­ta­nyň ­Mag­tymgu­ly­ adyn­da­ky­ Ýaş­lar­ gu­ra­ma­sy­nyň ÝUNESKO-­nyň­ Bü­tin­dün­ýä­ Ýaş­lar jem­gy­ýe­ti­niň­ res­mi­ ag­za­ly­gy­na­ kabul­ edil­me­gi­de­ bu­ ugur­da­ky­ möhüm­ ädim­le­riň­ bi­ri­ bol­mak­ bi­len,­ ol Ar­ka­dag­ly Ser­da­ry­my­zyň Türk­me­nista­nyň Mag­tym­gu­ly adyn­da­ky Ýaşlar gu­ra­ma­sy­nyň VII gu­rul­ta­ýyn­da öň­de go­ýan we­zi­pe­le­ri­niň üstünlik­li ber­jaý edil­ýän­di­gi­niň hem aý­dyň my­sa­ly­dyr. 

ÝU­NES­KO-­nyň Bü­tin­dün­ýä Ýaş­lar jem­gy­ýe­ti­niň ag­za­ly­gy­na Türk­me­nista­nyň Mag­tym­gu­ly adyn­da­ky Ýaş­lar gu­ra­ma­sy­nyň res­mi taýdan ka­bul edilme­gi hor­mat­ly Pre­zi­den­ti­mi­ziň pa­rasat­ly baştutanlygyn­da ýur­du­myz­da üs­tün­lik­li dur­mu­şa ge­çi­ril­ýän döw­let ýaşlar sy­ýa­sa­ty­nyň gu­wan­dy­ry­jy we buý­san­dy­ry­jy ne­ti­je­le­re beslenýändi­giniň ýe­ne bir aý­dyň my­sa­ly­dyr. Mu­nuň özi Ar­ka­dag Serdar­ly bag­ty­ýar ýaş­lar ýy­ly­nyň ýa­kym­ly we ýal­kym­ly wa­kala­ry­nyň bi­ri bo­lup, di­ňe bir ha­ky­da­myza däl, ýü­re­gi­mi­ze­-de ebe­di­lik ýa­zyl­dy. 

Çün­ki­ bu­ aja­ýyp­ wa­ka­ ýur­du­myzyň­ BMG-­niň­ Bi­lim,­ ylym­ we medeni­ýet­ me­se­le­le­ri­ bo­ýun­ça­ gu­ra­ma­sy bi­len­ hyz­mat­daş­ly­gy­nyň­ ýakyn­da bel­le­nen­ 30­ ýyl­lyk­ şan­ly­ se­ne­si­ bi­len hem­ saz­la­şyk­ly­ ut­gaş­dy.­ Şo­nuň­ bilen­ bir­lik­de,­ mu­nuň ­özi­ ýur­du­my­zyň hal­ka­ra­ ýaş­lar­ dia­lo­gy­ny­ pug­ta­landyr­mak,­ ýaş­la­ryň­ ru­hy­-ah­lak,­ me­deni,­ aň-­paý­has ­we ­be­den –taýdan ­saz­laşyk­ly­ ös­me­gi­ni­ üp­jün et­mek­ işin­dä­ki hyz­mat­la­ry­nyň­ dün­ýä­ de­re­je­sin­de yk­rar ­edil­me­gi ­bo­lup,­ ta­ry­ha­ ýa­zyl­dy. 

Türk­me­nis­ta­nyň Mag­tym­guly adyn­da­ky Ýaş­lar gu­ra­ma­sy­nyň ÝUNES­KO­-nyň Bü­tin­dün­ýä Ýaş­lar jemgy­ýe­ti­niň res­mi ag­za­ly­gy­na Arka­dag Ser­dar­ly ­bag­ty­ýar­ ýaş­lar ­ýy­lyn­da ­kabul­ edil­me­gin­de­-de­ özboluş­ly­ many-­maz­mun­ bar.­ Türk­men­ hal­ky­nyň Mil­li ­Li­de­ri­niň belleýşi ýa­ly,­ ýaş­la­rymy­zyň­ dün­ýä­dä­ki­ ýaş­la­ryň­ jem­gyýet­çi­lik­ birleşikle­ri­ bi­len­ gat­na­şyk­lary­ny­ çuň­laş­dyr­mak­ hä­zir­ki­ döw­rüň bar­ha­ glo­bal­laş­ýan,­ adam­ aňy­nyň hem­-de­ in­tel­lek­tu­al­ müm­kin­çi­lik­leri­niň­ yzygi­der­li­ kä­mil­leş­ýän,­ yl­myň we ­teh­no­lo­gi­ýa­nyň ­örän­ ýo­ka­ry­ depginler­de­ ös­ýän­ şert­le­rin­de­ mö­hüm we­zi­pe­le­riň ­bi­ri ­bo­lup ­dur­ýar.­ Şun­da türk­men­ ýaş­la­ry­nyň­ mil­li­ we­ hal­kara­ de­re­je­li­ dür­li­ du­şu­şyk­lar­dyr­ masla­hat­la­ra,­ sam­mit­ler­dir­ fo­rum­la­ra,­ sport­ we­ akyl-­paý­has­ bäsleşiklerine,­ fes­ti­wal­lar­dyr ­beý­le­ki ­me­de­ni ­çä­re­lere­ iş­jeň­ gatnaşmaklary­ üçin­ döw­le­timiz ­ta­ra­pyn­dan­ dö­re­dil­ýän ­giň mümkinçilikler ­örän ­uly ­äh­mi­ýe­te­ eýe­dir. 

Şun­da­ ýaş­la­ryň­ hal­ka­ra­ hyz­matdaş­ly­gy­ny­ hem­me­ta­rap­la­ýyn­ ösdürmek­ üçin­ giň­ müm­kin­çi­lik­le­ri­ we şert­le­ri­ dö­ret­mek,­ şol­ san­da­ sport,­ ylym­-bi­lim,­ sy­ýa­hat­çy­lyk,­ me­de­niýet,­ eko­lo­gi­ýa,­ in­no­wa­si­ýa,­ ynsanper­wer­ ul­gam­lar­da­ ýaş­la­ryň­ iş­jeň­ligi­ni­ kä­mil­leş­dir­mek,­ ýurdumyzda iş­çi­ hü­när­ler­ bo­ýun­ça­ hal­ka­ra­ hü­när us­sat­ly­gy­ bäs­le­şik­le­ri­ni­ ge­çir­mek,­ türk­me­nis­tan­ly ­ýaş­la­ryň ­hal­ka­ra ­ýaşlar­ as­so­sia­si­ýa­la­ry­na­ we ýaş­lar ­klubla­ry­na­ gat­naş­mak­la­ry­ny­ gol­da­mak ýa­ly­ bir­nä­çe­ we­zi­pe­ler­dir­ mak­sat­lar Türk­me­nis­ta­nyň ­ýaş ­ra­ýat­la­ry­ny­ çäksiz­ gu­wan­dyr­mak ­we buý­san­dyr­mak bi­len­ bir­ ha­tar­da,­ olar­da­ wa­tan­sö­ýüji­li­gi,­ ynsanperwerligi, ­dost­-do­gan­lygy,­ ra­ýat­ jo­gap­kär­çi­li­gi­ni ­ter­bi­ýe­le­ýär. 

Gel­jek­de-­de,­ ÝU­NES­KO­-nyň­ Bütin­dün­ýä­ Ýaş­lar­ jem­gy­ýe­ti­niň­ işjeň ag­za­sy­ bol­mak­ bi­len,­ gu­ra­ma­myz dün­ýä­niň­ ýaş­la­ry­ bi­len­ hal­ka­ra­ hyzmat­daş­ly­gy­ mun­dan­ beý­läk-­de­ berkit­mek­de­ we­ ös­dür­mek­de­ birnäçe iş­le­ri­ dur­mu­şa ­ge­çi­rer.­ Bu ­bol­sa­ ýaş­laryň ­hal­ka­ra­ hyz­mat­daş­ly­gy­ ugrunda dün­ýä­ tej­ri­be­si­ni­ öw­ren­mek­de,­ kämil­leş­dir­mek­de­ we­ ony­ durmu­şa­ geçir­mek­de ­mö­hüm ­baş­lan­gyç­dyr.

Döw­le­ti­mi­zi­ ba­ky­ Ber­ka­rar­ edip,­ ýaş­ ne­sil­ler­ üçin­ röw­şen­ gel­je­giň­ ak ýol­la­ry­ny ­açan ­Mil­li ­Li­de­ri­mi­ze ­hem-de­ be­ýik ­akyl­dar­ şahyrymyz Mag­tymgu­ly ­Py­ra­gy­nyň­ ady­ny ­buý­sanç ­bi­len gö­ter­ýän­ Türk­me­nis­ta­nyň­ Mag­tymgu­ly­ adyn­da­ky­ Ýaş­lar­ gu­ra­ma­sy­nyň işi­ni ­has­-da ­kämilleşdirmek ­we ­dün­ýä de­re­je­sin­de ­ös­dür­mek ­ba­bat­da­ aja­ýyp müm­kin­çi­lik­le­ri­ döredýän­ hor­mat­ly Pre­zi­den­ti­mi­ze ­gu­ra­ma­my­zyň­ äh­li ­işjeň­ agzalarynyň we ­ýur­du­my­zyň ­bagty­ýar­ ýaş­la­ry­nyň­ adyn­dan­ köp ­köp sagbolsunlarymy­zy ­aýd­ýa­rys. 

Ýur­du­myz­da ýaş­lar sy­ýa­sa­tyny da­ba­ra­lan­dyr­ýan Gah­ry­man Arkada­gy­my­zyň hem­-de Ar­ka­dag­ly Ser­da­ry­my­zyň jan­la­ry sag, ömür­le­ri uzak, döw­let­li tu­tum­la­ry he­mi­şe rowaç bol­sun.

Ýazpolat KERIÝEW, Türkmenistanyň Magtymguly 

adyndaky Ýaşlar guramasynyň Merkezi Geňeşiniň başlygy, 

Türkmenistanyň Mejlisiniň deputaty.

Arkadag Serdarly bagtyýar ýaşlar ýylymyz möhüm ähmiýetli jemgyýetçilik-syýasy wakalar bilen badalga aldy. Ýylyň geçen döwründe meýilnamalaýyn we maksatnamalaýyn özgertmeler üstünlikli durmuşa geçirildi.

11­-nji­ ýan­war­da­ Gah­ry­man Ar­ka­da­gy­my­zyň­ ýol­baş­çy­ly­gynda­ Türk­me­nis­ta­nyň­ Mil­li­ Ge­ňe­şi­niň Halk­ Mas­la­ha­ty­nyň­ we­ Mej­li­si­niň bilelik­dä­ki­ mas­la­ha­ty­ ge­çi­ril­di.­ Onda­ Gah­ry­man­ Ar­ka­da­gy­my­zyň­ başlan­gy­jy­ bi­len­ ata­-ba­ba­la­ry­my­zyň­ ygty­ýar­ly­ jem­gy­ýet­çi­lik­ we­kil­le­ri­ bi­len äh­li­ halk­ mas­la­hat­la­ry­ny­ ge­çir­mek ýa­ly­ asyl­ly­ däp­le­rin­den­ ugur­ alnyp,­ halk­ hä­ki­mi­ýe­ti­niň­ ýo­ka­ry­ we­kil­çilik­li­ eda­ra­sy­ – Türkmenistanyň Halk Mas­la­ha­ty ­dö­re­dil­di.­

«Türk­me­nis­ta­nyň ­Halk­ Mas­la­ha­ty ha­kyn­da»­ Türk­me­nis­ta­nyň­ Kons­titu­si­on­ Ka­nu­ny­nyň­ 2­-nji­ mad­da­sy­na la­ýyk­lyk­da,­ Türk­me­nis­ta­nyň­ Halk Mas­la­ha­ty­nyň ­dü­zü­mi­ne­ Türk­me­nista­nyň­ Halk­ Mas­la­ha­ty­nyň­ Başly­gy,­ Türk­me­nis­ta­nyň­ Pre­zi­den­ti,­ Mej­lisiň ­Baş­ly­gy,­ Ýo­ka­ry­ kazyýetiň­ baş­lygy,­ Döw­let­ howp­suz­lyk­ ge­ňe­şi­niň sek­re­ta­ry,­ Mej­li­siň­ depu­tat­la­ry,­ Ministr­ler­ Ka­bi­ne­ti­niň­ ag­za­la­ry,­ Adam hu­kuk­la­ry­ bo­ýun­ça­ yg­ty­ýar­ly­ wekil­ - Ada­lat­çy,­ baş­ pro­ku­ror,­ ada­lat mi­nist­ri,­ welaýatlaryň, et­rap­la­ryň­ we şä­her­le­riň­ hä­kim­le­ri,­ we­la­ýat­la­ryň,­ et­rap­la­ryň,­ şäherleriň halk ­mas­la­hatla­ry­nyň­ baş­lyk­la­ry,­ et­rap­la­ryň­ eda­ra ediş ­mer­kez­le­ri­ bo­lup­ dur­ýan­ şä­herle­riň­ hem-­de­ şä­her­çe­le­riň­ ar­çyn­la­ry,­ sy­ýa­sy ­par­ti­ýa­la­ryň­ we ­jem­gy­ýet­çi­lik bir­le­şik­le­ri­niň­ ýol­baş­çy­la­ry,­ we­la­ýatla­ryň­ we­ Aş­ga­bat­ şähe­ri­niň ­halk­ masla­hat­la­ry­ ta­ra­pyn­dan­ tek­lip­ edil­ýän jem­gy­ýet­çi­li­giň,­ şol­ san­da­ ýa­şu­lu­laryň­ we­kil­le­ri­ gi­ri­zil­di. 

Türk­me­nis­ta­nyň­ Halk ­Mas­la­ha­tynyň­ yg­ty­ýar­lyk­la­ry­na­ ýurdumyzyň Kons­ti­tu­si­ýa­sy­ny­ we­ kons­ti­tu­si­on ka­nun­la­ry­ny­ ka­bul­ etmegiň,­ ola­ra üýt­get­me­le­ri­ we­ goş­ma­ça­la­ry­ gi­rizme­giň­ me­se­le­le­ri­ boýun­ça­ tek­lip­le­re ga­ra­mak­ hem­-de­ ma­kul­la­mak;­ döwle­ti­mi­ziň­ içe­ri ­we da­şa­ry­ sy­ýa­sa­ty­nyň esa­sy­ ugur­la­ry­na,­ ýur­du­my­zy­ syýa­sy,­ yk­dy­sa­dy,­ dur­muş­ we­ me­de­ni taý­dan­ ös­dür­me­giň­ mak­sat­na­ma­lary­na­ se­ret­mek­ hem-­de­ ma­kul­la­mak;­ Türk­me­nis­ta­nyň­ Pre­zi­den­ti­niň­ her ýyl­ky­ Ýüzlenme­si­ni­ diň­le­mek;­ pa­rahat­çy­lyk­ we­ howp­suz­lyk­ me­se­le­le­rine­ seret­mek;­ Türk­me­nis­ta­nyň­ ka­nunla­ryn­da­ göz­ öňün­de­ tu­tu­lan­ gaý­ry ygtyýar­lyk­la­ry­ ama­la­ aşyr­mak­ degiş­li­ edi­lip ­bil­ner.­ Halk­ häkimiýetiniň ýo­ka­ry­ we­kil­çi­lik­li­ eda­ra­sy­ Türk­menis­ta­nyň­ Halk­ Mas­la­ha­ty­nyň,­ onuň we­zi­pe­li­ adam­la­ry­nyň­ hem­-de­ ag­zala­ry­nyň­ işi­ni­ gu­ra­ma­çy­lyk ­we­ tehniki taý­dan­ üp­jün­ et­mek­ Halk­ Mas­la­haty­nyň­ Di­wa­ny­nyň­ üs­tü­ne­ ýük­le­nilýär.­ Halk­ Mas­la­ha­ty­nyň­ Di­wa­ny­nyň üs­tü­ne­ we­la­ýat­la­ryň,­ et­rap­la­ryň­ we şäher­le­riň­ halk­ mas­la­hat­la­ry­nyň­ işine­ gu­ra­ma­çy­lyk­ usu­ly­ýet­ taýdan ýolbaş­çy­lyk­ et­mek­ we­zi­pe­si­niň­ ýük­lenme­gi ­­ýer­li­ halk­ maslahatlarynyň has ne­ti­je­li­ iş­le­me­gi­ üçin­ amat­ly­ şert­le­ri üp­jün ­ed­ýär.­ 

Hor­mat­ly­ Pre­zi­den­ti­miz­ 2023­-nji ýy­lyň­ al­ty­ aýy­nyň­ jem­le­ri­ne­ bagyşla­nyp­ ge­çi­ri­len­ Türk­me­nis­ta­nyň­ Ministr­ler­ Ka­bi­ne­ti­niň­ gi­ňiş­le­ýin­ mejli­sin­de­ Ga­raş­syz­lyk­ baý­ra­my­nyň bel­le­nil­ýän­ gün­le­rin­de­ Aş­ga­bat­ şähe­rin­de­ Türk­me­nis­ta­nyň­ Halk­ Masla­ha­ty­nyň­ no­bat­da­ky­ mej­li­si­niň­ geçi­ril­jek­di­gi­ni­ aý­dyp,­ bu­ umu­mymil­li sy­ýa­sy­-jem­gy­ýet­çi­lik­ fo­ru­ma­ ýokary­ de­re­je­de­ taý­ýar­lyk­ gör­mek­ ba­rada­ tab­şy­ryk­la­ry­ny­ ber­di.­ Hormatly Pre­zi­den­ti­mi­ziň­ tab­şy­ryk­la­ryn­dan ugur ­al­nyp,­ 2023-­nji­ ýylyň 18-­nji ­iýulyn­da ­türk­men ­hal­ky­nyň­ Mil­li­ Li­de­ri,­ Türk­me­nis­ta­nyň ­Halk Mas­la­ha­ty­nyň Baş­ly­gy­ Gah­ry­man­ Ar­ka­da­gy­my­zyň ýol­baş­çy­ly­gyn­da­ Türk­me­nis­ta­nyň Halk­ Mas­la­ha­ty­nyň­ Pre­zi­diu­my­ geçi­ril­di.­ Prezidiumyň gün­­ ter­ti­bi­ne­ giri­zi­len­ me­se­le­ler ­bo­ýun­ça­ de­giş­li­ çözgüt­ler­ ka­bul­ edil­di.­ Türk­me­nis­ta­nyň Halk­ Mas­la­ha­ty­nyň­ Pre­zi­diu­my­nyň Ka­ra­ry­ bi­len,­ Türkme­nis­ta­nyň­ Halk Mas­la­ha­ty­nyň­ no­bat­da­ky­ mej­li­si­ni 2023­-nji­ ýy­lyň­ 24­-nji­ sent­ýab­ryn­da Aş­ga­bat­ şä­he­rin­dä­ki­ Mas­la­hat­ köşgün­de­ ge­çir­mek­ bel­le­nil­di.­ Ka­ra­ryň maz­mu­nyn­da­ bel­le­ni­len­le­re­ la­ýyklyk­da,­ Türkmenista­nyň­ Halk­ Masla­ha­ty­nyň­ mej­li­si­ni­ ýo­ka­ry­ de­re­je­de ge­çir­mek­ gu­ra­ma­çy­lyk­ to­pa­ry­nyň dü­zü­mi­ we­ Türk­me­nis­ta­nyň­ Halk Mas­la­ha­ty­nyň­ dü­zü­mi­ne­ we­la­ýat­laryň­ we ­Aş­ga­bat­ şä­he­ri­niň­ halk­ masla­hat­la­ry­ tarapyndan­ tek­lip­ edil­ýän jem­gy­ýet­çi­lik ­we­kil­le­ri­ni ­hö­dür­le­megiň­ Tertibi­ tas­syk­la­nyl­dy.­ 

«Türk­me­nis­ta­nyň­ Halk­ Mas­laha­ty­nyň­ Ýa­şu­lu­lar­ ge­ňe­şi­ ha­kyn­da»­ Türk­me­nis­ta­nyň ­Halk ­Mas­la­ha­ty­nyň Pre­zi­diu­my­nyň­ Ka­ra­ry­ bi­len,­ Türkme­nis­ta­nyň­ Halk­ Mas­la­ha­ty­nyň­ Ýaşu­lu­lar­ ge­ňe­şi­ dö­re­dil­di.­ Türkme­nista­nyň ­Halk­ Mas­la­ha­ty­nyň­ dü­zü­mi­ne il­ sy­lag­ly­ ýa­şu­lu­la­ryň­ giri­zil­me­gi döw­let­ hä­ki­mi­ýet­ eda­ra­la­ry­ bi­len­ bile­lik­de ­ge­çi­ril­ýän­ maslahat­la­ra­ ýa­şu­ly nes­liň­ we­kil­le­ri­niň­-de­ gat­naş­ma­gy­ny üp­jün­ eder.­ Bu­ ýag­daý­ ata-­ba­ba­la­rymyz­dan­ mi­ras­ ga­lan­ mil­li­ däp-­dessur­la­ry­my­zyň­ ilat­ ara­syn­da­ wa­gyzçy­sy ­bo­lup ­çy­kyş ­ed­ýän,­ baý­ mil­li ­we me­de­ni mirasymy­zyň ­gel­jek­ ne­sil­le­re my­na­syp­ ge­çi­ril­me­gi­ ug­run­da­ al­nyp barylýan­ iş­le­re­ öz­ my­na­syp­ go­şantla­ry­ny­ goş­ýan­ il­ sy­lag­ly­ ýaşulularymy­zyň­ pi­kir­le­ri­niň,­ ga­ra­ýyş­la­ry­nyň,­ mas­la­hat­la­ry­nyň ­döwletli­ tu­tum­la­ryň ba­şy ­baş­la­nan­da­ na­za­ra­ alyn­ma­gy­ny ala­mat­lan­dyr­ýar.­ Baý­ dur­muş­ tej­ribe­si­ne­ eýe­ ýa­şu­ly­ nes­liň­ we­kil­le­rine­ be­lent­ hor­mat­-sar­pa­ goýul­ma­gy, Ga­raş­syz,­ he­mi­şe­lik ­Bi­ta­rap­ Türk­menis­tan­ döw­le­ti­mi­ziň­ gel­jek­ki­ ösüş­leri­ni­ na­zar­la­ýan­ döw­let­li­ tu­tum­lar­da ola­ra­ sa­la­ sa­lyn­ma­gy­ Ber­ka­rar­ döwle­tiň­ tä­ze­ eý­ýa­my­nyň­ Gal­ky­ny­şy döw­rün­de­ türkmeniň döw­let­li­lik­ ýörel­ge­si­niň­ my­na­syp­ de­re­je­de­ do­wam et­di­ril­ýän­di­gi­ni aýdyň­ gör­kez­ýär.­ 

Türk­me­nis­ta­nyň ­Mej­li­si­niň­ de­putat­la­ry­na­ mil­li ­ka­nun­çy­ly­gy kämil­leşdir­mek­ bi­len­ bir­ ha­tar­da­ ýur­du­myzda­ ge­çi­ril­ýän­ ýo­ka­ry­ de­re­je­li­ sy­ýa­sy fo­rum­la­ryň,­ mas­la­hat­la­ryň­ gu­ra­maçy­ly­gy­na­ gat­naş­ma­ga,­ ýurdumy­zyň ga­za­nan­ üs­tün­lik­le­ri­ne­ ses­len­mä­ge dö­re­dil­ýän­ giň­ mümkinçi­lik­ler­ üçin hor­mat­ly­ Pre­zi­den­ti­mi­ze­ we­ türkmen­ hal­ky­nyň­ Mil­li ­Li­de­ri­ Gah­ry­man Ar­ka­da­gy­my­za­ köp­ sag­bol­sun­ aýdýa­rys.­ Hormat­ly­ Pre­zi­den­ti­mi­ze, Ar­ka­dag­ly ­Ser­da­ry­my­za­ we­ Türkmenistanyň Halk­ Mas­la­ha­ty­nyň ­Baş­ly­gy Gah­ry­man­ Ar­ka­da­gy­my­za ­ýur­du­myzy­ gülle­dip­ ös­dür­mek­de­ we­ ösü­şiň tä­ze­ be­lent­lik­le­ri­ne­ ýe­tir­mek­de­ alyp barýan­ döw­let­ sy­ýa­sat­la­ry­nyň­ uly ­rowaç­lyk­la­ra­ bes­len­me­gi­ni,­ janlarynyň sag,­ döw­let­li­ baş­lan­gyç­la­ry­nyň­ he­mişe­ ro­waç­ bol­ma­gy­ny­ arzuw ­ed­ýä­ris! 

Kerimguly GELDIÝEW, 

Türkmenistanyň Mejlisiniň Halkara we parlamentara aragatnaşyklar baradaky komitetiniň agzasy