In­di üç asyr bäri halkymyzyň ruhy dünýäsi Magtymguly Pyragynyň şygyrlary bilen dem alýar. Çünki akyldar şahyr hemmeleriň göwnünde tagt gurdy. Dana Pyragynyň hormatyna dürli ýerlerde onuň ýadygärlik heýkelleri dikildi. Gahryman Arkadagymyzyň asylly başlangyjy bilen Köpetdagyň eteginde akyldar şahyryň belent ýadygärligini öz içine alýan medeni-seýilgäh toplumy döredildi. Bu toplumyň çäginde dünýä edebiýatynyň görnükli wekilleriniň heýkelleriniň oturdylmagy bolsa akyldaryň eserlerinde beýan edilen dost-doganlygyň, hoşniýetli goň­şuçylygyň dabaralanýandygynyň aýdyň güwäsidir. Beýik şahyryň hormatyna Magtymguly adyndaky halkara baýrak, «Magtymguly Pyragy» medaly, «Magtymguly Pyragynyň 300 ýyllygyna» atly ýubileý medaly döredildi. Şu ýylyň iýunynda «Magtymguly Pyragynyň medeni mirasy hakynda» Türkmenistanyň Kanuny kabul edildi. Bularyň ählisi türkmeniň beýik oglunyň şahsyýetine, umumadamzat ähmiýetli döredijiligine goýulýan belent sarpadan nyşandyr. 

Magtymguly Pyragynyň ynsanperwerligiň, watansöýüjiligiň, ruhubelentligiň we agzybirligiň mukamy bolup ýaň­lanýan goşgulary her kimiň kö­ňül nagşy, ýürek buýsanjy. Hut şu jähetden, onuň şygryýet dünýäsine Ýer ýüzünde belent hormat goýulýar. «Pähim-paýhas ummany Magtymguly Pyragy» ýylynyň 11-nji oktýabrynda hormatly Prezidentimiziň başlyklyk etmeginde dünýäniň birnäçe döwletleriniň Prezidentleriniň hem-de abraýly halkara guramalaryň ýolbaşçylarynyň gatnaşmaklarynda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum türkmen akyldarynyň at-abraýyny ýene bir gezek dünýä ýaýdy. Arkadagly Gahryman Serdarymyzyň belleýşi ýaly, Magtymguly Pyragynyň toýunyň dünýä toýuna öwrülendigini aýdyň tassyklan ýokary derejeli halkara forumyň geçirilmegi türkmen şahyrynyň ynsanperwer taglymlaryny halkara gi­ňişlikde dabaralandyrmakdaky tagallalaryň mynasyp dowamyna öwrüldi. «Pähim-paýhas ummany Magtymguly Pyragy» ýylynda şahyryň ýubileýini baýram etmegiň maksatnamasynyň çäklerinde geçirilen bu halkara forumyň esasy maksady akyldaryň döredijilik mirasyny giň­den wagyz etmekden, Gündogar halklarynyň dilleriniň we edebiýatlarynyň özara baglanyşygyny, söz ussadynyň milli döwletliligi ösdürmekde eýeleýän ornuny, umumadamzat gymmatlyklarynyň genji-hazynasyna goşan goşandyny öwrenmekden ugur aldy. 

Gahryman Arkadagymyz söz ussadynyň döredijilik dünýäsi hakynda söz açyp: «Magtymguly Pyragy sözüň güýji, gudraty bilen şygryýet äleminde ady arşa galan beýik akyldar şahyrdyr» diýip belleýär. Akyldar şahyr özünden öň­ki alymlaryň, söz ussatlarynyň, has takygy, Gündogar edebiýatynyň görnükli wekilleri Sagdynyň, Hafyzyň, Firdöwsiniň, Nyzamynyň, Nowaýynyň, Abu Sagyt Abulhaýryň we beýlekileriň edebi mirasyny düýpli öwrenip, olaryň edebi pikirlerini täze mazmun bilen baýlaşdyrypdyr. Eýran Yslam Respublikasynyň Prezidenti halkara forumda eden çykyşynda: «Eger-de pars diliniň ösüşi Firdöwsi ýaly şahyrlaryň döredijiligine borçly bolsa, onda türkmen dili we edebiýaty hem Magtymguly ýaly beýik şahyrlaryň bitiren hyzmatlaryna borçludyr» diýmek bilen, şu hakykata ünsi çekdi. 

Şahyryň döredijiligi indi ençeme asyrlardan bäri, nesilleri watançylyk ruhunda terbiýelemegiň, olarda Watana, il-güne bolan belent söýgini döretmegiň nusgalyk mekdebi bolup hyzmat edip gelýär. Akyldaryň edebi mirasy ýaş nesil üçin ylham çeşmesidir, kämil watançylyk kelamydyr. Bu babatda hormatly Prezidentimiz halkara forumda eden çykyşynda: «Şahyryň goşgulary nesillerde watansöýüjiligi, ýokary ahlaklylygy terbiýelemäge, olaryň bilimli, hünärli, il-ýurt üçin, bütin adamzat üçin haýyrly işleri amala aşyrmaga mynasyp adamlar bolup ýetişmegine ýardam edýär» diýip nygtady. 

«Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumyň jemleýji resminamasynda ynsanperwerlik, dostluk taglymlaryna esaslanýan Magtymgulynyň döredijiliginiň möhümligi we häzirki döwrüň ruhuna laýykdygy hem-de ýaş nesli watançylyk ruhunda, ruhy-ahlak taýdan terbiýelemekdäki orny dogrusynda aýratyn nygtalýar. Şeýle hem resminamada beýik akyldar Magtymguly Pyragynyň döredijiligini wagyz etmekde medeni dialogyň döwletleriň arasynda köpugurly hyzmatdaşlygyň ösdürilmegine uly goşant goşýandygy, halklaryň dostlugynyň we özara düşünişmeginiň pugtalandyrylmagyna, medeniýetleriň özara baýlaşmagyna ýardam berýändigi beýan edilýär. 

«Pähim-paýhas ummany Magtymguly Pyragy» ýylynda iki halkyň görnükli şahsyýetleriniň — türkmen halkynyň akyldar şahyry Magtymguly Pyragynyň Gazagystanyň paýtagty Astanada, gazak şahyry hem-de magaryfçysy Abaý Kunanbaýewiň Aşgabatda ýadygärlikleriniň açylmagy türkmen we gazak halklarynyň dost-doganlygynyň aýdyň nyşany bolmak bilen, döwletleriň arasynda medeni-ynsanperwer hyzmatdaşlygyň täze gözýetimlerini açýar. 

Gazagystan Respublikasynyň Prezidentiniň forumda eden çykyşynda öz ýurdunyň Magtymguly adyndaky halkara baýragy esaslandyrmak başlangyjy bilen çykyş edendigini nygtamagy örän buýsandyryjy ýagdaýdyr. Munuň özi iki doganlyk halkyň dostlugynyň we döredijilikli gatnaşyklarynyň aýdyň nyşany boldy. 

Täjigistan Respublikasynyň Prezidenti Emomali Rahmon forumda eden çykyşynda Bilimler we talyp ýaşlar gününde Täjigistanyň Hatlon welaýatynyň Dusti etrabynda Magtymguly adyndaky umumybilim berýän orta mekdebiň dabaraly ýagdaýda açylyp, ulanylmaga berlendigini hoşallyk bilen belledi. Munuň özi beýik akyldaryň halklaryň arasynda dostluk köprüsini gurmakda örän uly ähmiýetiniň bardygyny nobatdaky gezek subut edýär. 

Magtymguly Pyragynyň: «Berkarar döwlet islärin», «Bir döwlete gulluk etsek bäşimiz» ýaly setirlerinde beýanyny tapan mukaddes arzuwlary biziň ajaýyp döwrümizde durmuş hakykatyna öwrüldi. Halkymyza şeýle eşretli döwrany peşgeş beren Gahryman Arkadagymyzyň, Arkadagly Gahryman Serdarymyzyň janlary sag, belent başlary aman, döwletli işleri hemişe rowaç bolsun! 

Ýazpolat KERIÝEW, 

Türkmenistanyň Magtymguly adyndaky Ýaşlar 

guramasynyň Merkezi geňeşiniň başlygy

Mejlisiň deputaty.

         Türk­me­nis­tan, il­kin­ji no­bat­da, goň­şy döw­let­ler, şeý­le hem beý­le­ki ýurt­lar bi­len sy­ýa­sy-dip­lo­ma­tik, söw­da-yk­dy­sa­dy, me­de­ni-yn­san­per­wer gat­na­şykla­ry yzy­gi­der­li ös­dür­ýär. Bu gat­na­şyk­la­ry par­la­ment hyzmatdaş­ly­gy ar­ka­ly gol­da­mak mak­sa­dy bi­len, Türk­me­nis­ta­nyň Mejlisi­niň 2024-nji ýyl üçin halka­ra çä­re­le­ri­niň me­ýil­na­ma­sy tassyklany­lyp, ol üs­tün­lik­li dur­mu­şa ge­çi­rilýär. Gah­ry­man Arkadagymyzyň, hor­mat­ly Pre­zi­den­ti­mi­ziň gol­daw­la­ry bi­len Türkmenis­ta­nyň par­la­ment dip­lo­ma­ti­ýa­sy ýur­du­my­zyň Bi­ta­rap­lyk hukuk ýag­da­ýy­na esas­lan­ýan da­şa­ry sy­ýa­sy stra­te­gi­ýa­sy­na la­ýyk­lyk­da al­nyp baryl­ýar. Ol dost­luk­ly ýurt­la­ryň par­la­ment­le­ri bi­len iki­ta­rap­la­ýyn hem-de köpta­rap­la­ýyn gat­na­şyk­la­ry ýo­la goý­mak, hal­ka­ra par­la­ment gura­ma­la­ry­nyň we as­samb­le­ýa­la­ry­nyň işi­ne gat­naş­mak, par­la­men­ta­ra dost­luk to­par­la­ry­ny dö­ret­mek, ýaş par­la­men­ta­ri­le­riň hyz­mat­daş­ly­gy­ny gol­da­mak, ze­nan de­putat­la­ryň iş­jeň­li­gi­ni ýo­kar­lan­dyr­mak bo­ýun­ça bilelik­dä­ki çä­re­le­ri gu­ra­mak ar­ka­ly ama­la aşy­ryl­ýar. 

Bi­ziň sebitimiziň döwletleri bilen dünýäniň ösen ykdysadyýetli ýurtlarynyň arasynda «Merkezi Aziýa + ...» görnüşinde dialogy ösdürmäge uly gyzyklanma bildirilýär. Şunda Merkezi Aziýa döwletleri bilen Koreýa Respublikasynyň parlament ýolbaşçylarynyň duşuşygy hem möhüm syýasy gural hökmünde ykrar edilýär. Gahryman Arkadagymyzyň 2022-nji ýylda Koreýa Respublikasynda öňe süren başlangyjyndan kemal tapan we ilkinji gezek 2023-nji ýylda Seul şäherinde guralan bu duşuşyga Türkmenistanyň Mejlisiniň wekiliýetiniň gatnaşmagy ikitaraplaýyn we köptaraplaýyn parlamentara hyzmatdaşlygy berkitmegiň ýolunda täze ädim boldy. 

14-nji oktýabrda Türkmenistanyň Mejlisinde geçirilen Merkezi Aziýa döwletleriniň we Koreýa Respublikasynyň parlament ýolbaşçylarynyň ikinji duşuşygynyň «Parahatçylygyň, gülläp ösüşiň we özara ynanyşmagyň hatyrasyna hyzmatdaşlyk» atly umumy mejlisinde parlament ýolbaşçylary sebitleýin we ählumumy hyzmatdaşlygyň çäklerinde syýasy, ykdysady, durmuş, tehnologik, ekologik, kanunçylyk taýdan ýurt, sebit we dünýä derejesindäki tagallalaryň ähmiýetini bellediler. Duşuşygyň «Ykdysady hyzmatdaşlyk, sanly ykdysadyýet we senagat», «Merkezi Aziýa döwletleriniň we Koreýa Respublikasynyň arasynda Durnukly ösüş maksatlaryna ýetmekde howanyň üýtgemeginiň täsirlerini peseltmek ugrunda hyzmatdaşlyk» atly bölümçeleri hem dürli ugurlarda pikirdir tejribe alyşmakda ähmiýetli boldy. 

Parlamentarileriň çykyşlarynda duşuşyga gatnaşýan döwletleriň milli parlamentleriniň arasynda netijeli özara gatnaşyklary has-da berkitmegiň möhümdigi nygtaldy. Munuň özi häzirki döwrüň derwaýys meseleleriniň de­ňagramly çözgütleriniň işlenip düzülmegine, ýurtlaryň we halklaryň arasynda däp bolan dostlukly gatnaşyklaryň, özara düşünişmegiň, ynanyşmagyň pugtalandyrylmagyna, ählumumy abadançylygyň, ösüşiň bähbitlerine laýyk gelýän köptaraply döwletara, sebit we sebitara hyzmatdaşlygyň ösdürilmegine ýardam berer. Sebitleýin duşuşygyň maksatnamasy Türkmenistanyň Mejlisiniň Başlygy bilen parlament ýolbaşçylarynyň ikitaraplaýyn duşuşyklaryny, türkmen-koreý ikinji ge­ňeşme maslahatyny, parlamentara dostluk toparlarynyň duşuşyklaryny hem öz içine almak bilen, hyzmatdaşlygyň ilerledilmeginde möhüm tapgyry alamatlandyrdy. 

Hormatly Prezidentimiziň «2025-nji — Halkara parahatçylyk we ynanyşmak ýylyny geçirmek boýunça çäreler hakynda» Permanynda öň­de goýlan wezipeleri mynasyp berjaý etmek ugrunda ýurdumyzyň degişli ministrlikleri we pudaklaýyn dolandyryş edaralary bilen bilelikde Türkmenistanyň Mejlisi utgaşykly işleri alyp barýar. Sebitde we dünýäde parahatçylyk döredijilik syýasatyny durmuşa geçirýän Arkadagly Gahryman Serdarymyzyň, Gahryman Arkadagymyzyň janlarynyň sag, ömürleriniň uzak bolmagyny, döwletli tutumlarynyň hemişe rowaçlyklara beslenmegini arzuw edýäris. 

Mak­sat KU­LY­ÝEW, 

Türk­me­nis­ta­nyň Mej­li­si­niň Halkara we parlamentara aragatnaşyklar baradaky komitetiniň başlygy.

24-nji sent­ýabr­da ge­çi­ri­len Türk­me­nista­nyň Halk Mas­la­ha­ty­nyň mej­li­si, onuň yzy­sü­re bo­lup ge­çen mu­kad­des Ga­raşsyz­ly­gy­my­zyň 33 ýyl­lyk to­ýu­nyň da­ba­rala­ry Türk­me­nis­ta­nyň Se­na­gat­çy­lar we tele­ke­çi­ler par­ti­ýa­sy­nyň ag­za­la­ry üçin hem buý­san­dy­ry­jy wa­ka­la­ra bes­len­di. 

Döwlet Baştutanymyzyň nygtaýşy ýaly, Berkarar döwletiň täze eýýamynyň Galkynyşy döwründe Türkmenistanyň Senagatçylar we telekeçiler partiýasy hem-de birleşmesi belent maksatlara ýetmekde, döwletiň ösüş maksatnamalaryny durmuşa geçirmekde uly işleri alyp barýar. Geçen ýyllarda hususy başlangyçlaryň rowaçlanmagy, telekeçileriň işleriniň gerimini has-da gi­ňeltmekleri bu ugurdaky döwlet syýasatynyň ajaýyp miweleridir. Telekeçilik ulgamyny mundan beýläk-de ösdürmek, kiçi we orta telekeçilige goldaw bermek, netijede, jemi içerki önümiň düzüminde hususy pudagyň paýyny 71,4 göterime ýetirmek ileri tutulýan möhüm wezipelerdir. Türkmenistanyň Halk Maslahatynyň mejlisinde bu ugurda özgertmeleri dowam etdirmek bilen baglanyşykly täze başlangyçlar öňe sürüldi. 

3-nji oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde halk häkimiýetiniň ýokary wekilçilikli edarasynyň Prezidiumynyň nobatdaky mejlisi geçirilip, oňa Senagatçylar we telekeçiler partiýasynyň agzalary hem gatnaşdylar. Onda Halk Maslahatynyň mejlisinde kabul edilen çözgütlerden gelip çykýan wezipeler ara alnyp maslahatlaşyldy. 

Hormatly Prezidentimiz Serdar Berdimuhamedow Türkmenistanyň Halk Maslahatynyň mejlisindäki çykyşynda ýurdumyzyň senagatçylarynyň we telekeçileriniň dürli ugurlarda iş alyp barmak bilen, gysga döwrüň içinde guwandyryjy netijeleri gazanýandyklaryny nygtady. Bäsdeşlige ukyply, eksporta niýetlenen ýokary tehnologik önümleri öndürýän önümçilikleri, senagat kärhanalaryny döretmekde telekeçileriň uly paýynyň bardygy, ykdysadyýeti özgertmek, innowasion ösüşi gazanmak, hususy pudagyň paýyny gi­ňeltmek arkaly Döwlet býujetiniň girdejileriniň artdyrylandygy beýan edildi. Garaşsyz ýurdumyzda innowasion önümçilikleri döretmek boýunça gurluşyk we senagat toplumynda uly işleriň amala aşyrylýandygy, onuň kuwwatyny artdyrmak, bu ugurda hususy işewürligiň önümçilik binýadyny ösdürmek üçin zerur şertleriň döredilýändigi hakynda aýdylanlar hususy gurluşyk kärhanalarynyň alyp barýan işlerine aýratyn üns berilýändigini görkezýär. 

Gahryman Arkadagymyz umumymilli forumdaky çykyşynda maliýe bazaryny ösdürmegiň, telekeçiligiň täze görnüşlerini we usullaryny ornaşdyrmagyň döwrüň talabydygyny, ýurdumyzyň durmuş-ykdysady ösüşiniň berk binýady bolan pul-karz, walýuta, maliýe, salgyt-býujet ulgamlarynyň yzygiderli kämilleşdirilýändigini nygtady. Milli Liderimiziň ýokary hilli, bäsdeşlige ukyply önümleri öndürmekde, azyk howpsuzlygyny berkitmekde, döwrebap senagat kärhanalaryny, şäherdir obalary gurmakda telekeçilerimiziň uly işleri alyp barýandyklaryny aýdyp, 2030-njy ýyla çenli maliýe bazaryny ösdürmegiň Strategiýasynyň hem-de kiçi we orta telekeçiligi goldamagyň Milli maksatnamasynyň kabul edilmegini möhüm wezipeleriň hatarynda görkezmegi hususy pudaga bildirilýän uly ynamdan nyşandyr. 

Arkadagly Gahryman Serdarymyzyň 2025-nji ýylyň BMG-niň Baş Assambleýasynyň degişli Kararnamasy esasynda «Halkara parahatçylyk we ynanyşmak ýyly» diýlip yglan edilmegi bilen bagly Permana gol çekmegi halkara derejede geçiriljek çärelere häzirden uly taýýarlyk görmegi talap edýär. Hususy pudakda hem Halkara parahatçylyk we ynanyşmak ýylynda örän möhüm şanly senäni — Türkmenistanyň hemişelik Bitaraplygynyň 30 ýyllyk baýramyny uly üstünlikler bilen garşylamaga giň­den taýýarlyk görülýär. 

Türkmenistanyň Halk Maslahatynyň Prezidiumynyň mejlisinde Arkadagly Gahryman Serdarymyzyň baştutanlygynda Garaşsyz, hemişelik Bitarap ýurdumyzda ylym-bilim ulgamyny ösdürmek babatda toplumlaýyn işleriň amala aşyrylýandygy, «Arkadag şäherini 2024 — 2052-nji ýyllarda ösdürmegiň Konsepsiýasyna» laýyklykda, döwlet ähmiýetli şäheriň ähli ulgamlarynda sazlaşykly we durnukly ösüşi gazanmak babatdaky meselelere-de seredildi. Milli Liderimiz hemişelik Bitarap döwletimizde halk bilen ge­ňeşmegiň — Halk Maslahatynyň mejlisini yzygiderli geçirmegiň asylly däbe öwrülendigini belläp: «Häzirki döwürde Türkmenistanyň Halk Maslahatynyň işini täze mazmun bilen baýlaşdyrýarys. Ony halkyň agzybirligini, jebisligini berkitmegiň, jemgyýeti dolandyrmagyň hem-de ösdürmegiň möhüm guraly hasaplaýarys» diýip, halk häkimiýetiniň iň ýokary wekilçilikli edarasynyň işiniň ähmiýetine üns çekdi. 

Türkmenistanyň Senagatçylar we telekeçiler partiýasynyň we birleşmesiniň agzalary Türkmenistanyň Halk Maslahatynyň we onuň Prezidiumynyň mejlislerinden gelip çykýan wezipeleri üstünlikli durmuşa geçirmäge mynasyp goşant goşmagy esasy maksatlaryň biri hasaplaýarlar. «Döwlet adam üçindir!», «Watan di­ňe halky bilen Watandyr! Döwlet di­ňe halky bilen döwletdir!» diýen ajaýyp ýörelgelerimize laýyklykda, netijeli durmuş-ykdysady syýasaty üstünlikli amala aşyrýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, beýik işleri hemişe rowaç bolsun! 

Sa­par­my­rat OW­GA­NOW,

Türk­me­nis­ta­nyň Se­na­gat­çy­lar we te­le­ke­çi­ler 

par­ti­ýa­sy­nyň Mer­ke­zi ge­ňe­şi­niň baş­ly­gy,

 Mej­li­siň de­pu­ta­ty.

Mälim bolşy ýaly, ýakynda Merkezi Aziýa döwletleriniň we Koreýa Respublikasynyň parlament ýolbaşçylarynyň ikinji duşuşygy geçirildi. Türkmenistanyň parlament diplomatiýasy ýurdumyzyň Bitaraplyk hukuk ýagdaýyna esaslanýan daşary syýasy strategiýasyna laýyklykda alnyp barylýar. Ol daşary ýurt döwletleriniň parlamentleri bilen iki taraplaýyn hem-de köptaraplaýyn esasda gatnaşyklary ýola goýmak, halkara parlament guramalarynyň we assambleýalaryň işine gatnaşmak, parlamentara dostluk toparlaryny döretmek, ýaş parlamentarileriň hyzmatdaşlygyny goldamak, zenan deputatlaryň işjeňligini ýokarlandyrmak boýunça bilelikdäki parlament çärelerini guramak arkaly durmuşa geçirilýär. 

Türkmenistanyň Mejlisiniň 7-nji çagyrylyşynyň dowamynda Koreýa Respublikasynyň Milli Assambleýasynyň Başlygynyň Türkmenistana amala aşyran sapary, Türkmenistanyň Mejlisiniň wekiliýetiniň Seul şäherinde geçirilen Merkezi Aziýanyň we Koreýa Respublikasynyň Parlamentleriniň ýolbaşçylarynyň birinji duşuşygyna gatnaşmagy türkmen-koreý parlamentara hyzmatdaşlygyny berkitmäge mümkinçilikleri döretdi. Bu ýagdaý ikitaraplaýyn we sebitleýin derejede parlamentara hyzmatdaşlygynyň ösüşini nobatdaky gezek alamatlandyrýar.

Türkmenistanyň Mejlisinde geçirilen Merkezi Aziýa döwletleriniň we Koreýa Respublikasynyň Parlament ýolbaşçylarynyň ikinji duşuşygynyň «Parahatçylygyň, gülläp ösüşiň hem-de özara ynanyşmagyň hatyrasyna hyzmatdaşlyk» atly umumy mejlisinde parlament ýolbaşçylary sebitleýin we ählumumy hyzmatdaşlygyň çäklerinde syýasy, ykdysady, durmuş, tehnologik, ekologiýa, kanunçylyk taýdan ýurt, sebit we ählumumy derejedäki tagallalaryň ähmiýetini bellediler. 

Ekologiýa we howanyň üýtgemegi bilen bagly mesele Türkmenistanyň Birleşen Milletler Guramasynyň çägindäki işiniň üns merkezinde durýar. Birleşen Milletler Guramasynyň Baş Assambleýasynyň 79-njy sessiýasynda Türkmenistanyň Merkezi Aziýada daşky gurşaw meselelerine strategik taýdan çemeleşmekde möhüm ädim hökmünde ýöriteleşdirilen düzümi — BMG-niň Merkezi Aziýada howanyň üýtgemegi bilen bagly tehnologiýalar boýunça sebit merkezini döretmek babatdaky işini dowam etdirjekdigi bellenildi.

Günüň ikinji ýarymynda duşuşygyň «Ykdysady hyzmatdaşlyk, sanly ykdysadyýet we senagat», «Merkezi Aziýa döwletleriniň we Koreýa Respublikasynyň arasynda Durnukly ösüş maksatlaryna ýetmekde howanyň üýtgemeginiň netijelerini gowşatmak ugrunda hyzmatdaşlyk» atly bölümleri işledi. 

Parlamentarileriň çykyşlarynda şu duşuşyga gatnaşýan döwletleriň milli parlamentleriniň arasynda netijeli özara gatnaşyklary has-da berkitmegiň möhümdigi nygtaldy. Munuň özi häzirki döwrüň derwaýys meseleleriniň deňagramly çözgütleriniň işlenip düzülmegine, ýurtlaryň we halklaryň arasynda däp bolan dostlukly gatnaşyklaryň, özara düşünişmegiň, ynanyşmagyň pugtalandyrylmagyna, ählumumy abadançylygyň, ösüşiň bähbitlerine laýyk gelýän köptaraply döwletara, sebit we sebitara hyzmatdaşlygyň ösdürilmegine ýardam berer. 

Türkmenistanyň Mejlisiniň Başlygy duşuşygyň jemleýji mejlisini geçirdi. Çäräniň dowamynda Türkmenistanyň Mejlisiniň Başlygy bilen Parlament ýolbaşçylarynyň ikitaraplaýyn duşuşyklary, türkmen-koreý ikinji geňeşme maslahaty, parlamentara dostluk toparlarynyň ikitaraplaýyn duşuşyklary geçirildi. Merkezi Aziýa döwletleriniň we Koreýa Respublikasynyň parlament ýolbaşçylarynyň «Parahatçylygyň, gülläp ösüşiň we özara ynanyşmagyň hatyrasyna hyzmatdaşlyk» atly tema boýunça ikinji duşuşygynyň Jarnamasy kabul edildi. 

Ýurdumyzy ähli ugurlar boýunça ösdürýän, milli gymmatlyklarymyzy dünýä çykarýan, milli kanunçylygy kämilleşdirmek ugrunda halkara we sebitleýin hyzmatdaşlyk babatynda giň mümkinçilikleri döredip berýän hormatly Prezidentimiziň, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň janlarynyň sag bolmagyny, umumadamzat bähbitli döwletli tutumlarynyň rowaçlyklara beslenmegini arzuw edýäris. 

Kerimguly GELDIÝEW, 

Türkmenistanyň Mejlisiniň Halkara we parlamentara aragatnaşyklar baradaky komitetiniň agzasy.

Ýurt Garasyzlygymyzyň 33 ýyllyk şanly toýunyň dabaralary ýadymyzdan çykmajak ýakymly täsirleri bilen ýurdumyzda belent ruhy ýokary göterişligi döretdi. Arkadagly Gahryman Serdarymyzyň baştutanlygy bilen ösüşlerimiziň depgini has ýokarlanyp ugrady. Gahryman Arkadagymyzyň Türkmenistanyň Halk Maslahatynyň mejlisinde belleýşi ýaly, hormatly Prezidentimiziň baştutanlygy bilen gazanylýan üstünlikler halkymyzyň ýaşaýyş-durmuş derejesini has-da ýokarlandyrmaga gönükdirilendir. 

Milli ykdysadyýetimiz her bir döwürdäkisinden hem tapawutly ösüşlere eýe bolýar. Adam başyna düşýän girdejiniň, adam maýasynyň hem-de ylmy-tehnologik ösüşleriň ýokary derejesi; ähli pudaklarda zähmet öndürijiliginiň ýokary bolmagy; ykdysady özgertmeleriň işjeň depgini; dünýä bazarynda bäsdeşlige ukyplylyk ykdysady ösüşleriň esasy aýratynlyklaryny düzýär. Şu ýylyň başyndan bäri jemi içerki önümiň ösüşiniň 6,3 göterim derejesinde durnukly saklanmagy hem hormatly Prezidentimiziň ykdysady syýasatynyň rowaçlygyna şaýatlyk edýär. 

Golaýda geçirilen Türkmenistanyň maýa goýum forumy döwletimiziň dünýä jemgyýetçiligi bilen ykdysady gatnaşyklaryny pugtalandyrmaga, täze işewürlik hyzmatdaşlygyny ýola goýmaga we ýurdumyzyň maýa goýum mümkinçilikleri bilen tanyşmaga oňyn şert döretdi. Maglumatlardan görnüşi ýaly, «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyna» laýyklykda, şu ýylyň ahyryna çenli 38 milliard 500 million manat möçberinde düýpli maýa goýumlaryny özleşdirmek göz öňünde tutulýar. Bu maýa goýumlary ýurdumyzy ösdürmäge gönükdiriler hem-de täze önümçilik, medeni-durmuş maksatly desgalary gurmaga we döwrebaplaşdyrmaga şert döreder. Hormatly Prezidentimiziň parasatly ýolbaşçylygy bilen ykdysady ösüşiň nusgasynyň kämilleşdirilmegi ýene-de dowam etdirilýär. Aýratyn-da, onuň durmuş ulgamyna degişli ugurlary berkidilýär. Dünýä ykdysadyýetine işjeň goşulyşýan, bäsdeşlige ukyply, halkyň maddy hal-ýagdaýynyň has-da gowulandyrylmagyny üpjün edýän döwrebap ykdysadyýet barha pugtalandyrylýar.

Türkmenistan bu gün ähli ugurlarda uly ösüşlere eýe bolýan, kämil hem-de kuwwatly ykdysadyýeti bolan döwletleriň hatarynda tanalýar. Durmuş taýdan göz öňünde tutulan bazar ykdysadyýetiniň nusgasy we ýurdumyzy durnukly ösdürmek ugrunda alnyp barylýan giň möçberli işler ýokary depginli senagatlaşdyrma we innowasiýa syýasatyny utgaşykly alyp barmaga amatly şertleri döredýär. Oýlanyşykly işlenilip düzülen, giň möçberli milli Maksatnamalar üstünlikli amala aşyrylýar. Ýurdumyzyň ilatynyň ýaşaýyş derejesini düýpli gowulandyrmak üçin bar bolan ähli önümçilik, maliýe we zähmet serişdeleri herekete girizilýär. Azyk howpsuzlygynyň has berkidilendigini aýratyn belläsimiz gelýär. Daşary ýurtlardan getirilýän harytlaryň ornuny tutýan ýerli önümlerimiziň sanawy ozalky ýyllardakydan has giňeldi. Eksporta iberilýän önümleriň öndürilişini artdyrmak boýunça netijeli çäreler amala aşyrylýar. Türkmenistanyň eksport kuwwatyny ösdürmek boýunça ýene-de uly mümkinçilikler peýda bolýar. Ýurdumyzyň ähli sebitleri bilen birlikde biziň welaýatymyzyň telekeçileriniň eksporta iberýän önümlerinden gelýän ykdysady peýdanyň möçberi onlarça million dollarlykdan ep-esli geçýär. Häzirki wagtda öndürilýän tekstil önümleriniň 70-80 göterimi Amerikanyň Birleşen Ştatlaryna, Kanada, Russiýa, Türkiýä, Wengriýa, Hytaýa, Ukraina we beýleki ýurtlara ugradylýar. Milli ykdysadyýetimiziň dürli ugurlarynda bolup geçýän ösüşler özgerişlikleriň hem-de goýberilýän döwlet serişdeleriniň özüni ödeýändigini aýdyň görkezýär. 

Bahadur ŞADYÝEW, 

«Lebap gallaönümleri» önümçilik birleşiginiň 

Çärjew etrabynyň «Azatlyk» daýhan 

birleşiginiň galla agronomy, 

Türkmenistanyň Mejlisiniň deputaty.

Arkadagly Gahryman Serdarymyzyň taýsyz tagallalary netijesinde, halkymyzyň saglygyny goramak, keselleriň öňüni almak, raýatlaryň ömür dowamlylygyny uzaltmak, jemgyýetde sagdyn durmuş ýörelgelerini pugtalandyrmak maksady bilen, güneşli Diýarymyzda giň möçberli işler durmuşa geçirilýär. «Saglyk» Döwlet maksatnamasyna laýyklykda, saglygy goraýyş ulgamy dünýä derejesinde yzygiderli ösdürilýär. Bu ugurda Bütindünýä Saglygy Goraýyş Guramasy bilen birnäçe ýyllaryň dowamynda özara bähbitli hyzmatdaşlyk alnyp barylýar, ýurdumyzda gazanylýan üstünlikler bolsa halkara derejede ykrar edilýär. 

Garaşsyzlyk ýyllarynda ýurdumyzyň ähli künjeklerinde halkymyza dünýä ülňülerine laýyk hyzmat edýän hassahanalar, bejeriş-dynç alyş, sagaldyş merkezleri, saglyk öýleri gurlup, olar döwrebap lukmançylyk enjamlary bilen üpjün edildi. Il saglygy ýurt baýlygyna deňelýän ýurdumyzda «Saglyk» Döwlet maksatnamasyny durmuşa geçirmegiň çäklerinde milli lukmançylygymyzy düýpli kämilleşdirmäge gönükdirilen «Raýatlaryň saglygyny gorap saklamak hakynda», «Ene süýdi bilen iýmitlendirmegi goldamak we wagyz etmek hakynda», «Çaganyň hukuklarynyň döwlet kepillikleri hakynda», «Iýmit önümleriniň hili hem-de howpsuzlygy hakynda», «Türkmenistanyň Sanitariýa kodeksi hakynda», «Şypahana işi hakynda», «Derman üpjünçiligi hakynda», «Alkogolyň zyýanly täsiriniň öňüni almak hakynda», «Psihiatrik kömek hakynda», «Ýokanç däl keselleriň öňüni almak we olara garşy göreşmek hakynda», «Ýokanç keselleriň öňüni almak hakynda» we ýene-de birnäçe Kanunlaryň kabul edilmegi saglygy goraýşyň hukuk binýadyny berkitmekde uly ähmiýete eýe boldy. 

Berkarar döwletiň täze eýýamynyň Galkynyşy döwründe Gahryman Arkadagymyz we hormatly Prezidentimiz Arkadagly Gahryman Serdarymyz saglygy goraýyş ulgamynyň hemme taraplaýyn ösdürilmegine aýratyn ähmiýet berýärler. Ýurdumyzda halkara hyzmatdaşlygyna aýratyn ähmiýet berilmegi netijesinde Germaniýa Federatiw Respublikasy bilen işjeň hyzmatdaşlyk alnyp barylýar. Mälim bolşy ýaly, Germaniýanyň lukmançylyk maksatly iri kompaniýalary ýurdumyzda üstünlikli iş alyp barýarlar. Bu bolsa türkmen-german hyzmatdaşlygynyň uzak möhletleýin ýola goýlandygyna aýdyň şaýatlyk edýär. Şeýle halkara hyzmatdaşlyga mysal edip, ýurdumyzda döredilen «Arkadag Medisina Klasteri Menejment» kärhanasyny buýsanç bilen bellemelidiris. 

Ýurdumyzda saglygy goraýyş we derman senagaty işgärleriniň güni mynasybetli Aşgabatda Halkara  fiziologiýa ylmy-kliniki we Halkara sagaldyş-dikeldiş merkezleri, Lebap welaýatynyň Türkmenabat şäherinde buýan kökünden derman serişdesini — glisirrizin turşusyny öndürmäge niýetlenen döwrebap kärhana, Mary şäherinde bolsa welaýat hem-de şäher Arassaçylyk we keselleriň ýaýramagyna garşy göreşmek gullugynyň täze edara binasy açylyp ulanmaga berildi. Ýakyn geljekde Balkan, Lebap, Mary welaýatlarynda halkara derejeli Onkologiýa merkezlerini, Daşoguz welaýatynda bolsa Enäniň we çaganyň saglygyny goraýyş merkezini gurmak göz öňünde tutulýar. Bular halkyň saglygy ugrunda edilýän aladalaryň aýdyň mysallarydyr. 

Jeren GYLYÇMYRADOWA, 

Türkmenistanyň Mejlisiniň deputaty.

«Pä­him­-paý­has um­ma­ny Magtym­gu­ly Py­ra­gy» ýy­lyn­da eziz Diýary­myz be­lent üs­tün­lik­ler bi­len ösüş­ler­den ösüş­le­re bar­ýar. Magtymgu­ly Py­ra­gy­nyň dog­lan gü­nü­niň 300 ýyl­lyk to­ýu­nyň toý­lan­ýan ýy­lyn­da hem ga­dym­dan gel­ýän mil­li me­de­ni­ýe­ti­miz dün­ýä ýa­ýyl­ýar. Hä­zir­ki aja­ýyp döw­rü­miz­de hor­mat­ly Pre­zi­den­ti­mi­ziň oý­la­ny­şyk­ly alyp bar­ýan be­ýik iş­le­ri ýur­du­my­zyň şan-şöh­ra­ty­ny has-­da ýo­kar­lan­dyr­ýar. Bu ba­bat­da mak­sat­na­ma­la­ýyn iş­le­riň dur­mu­şa ge­çi­ril­me­gi, me­de­ni mirasy­my­zyň çuň­ňur öw­re­nil­me­gi ýa­ly ugur­la­ry aý­ra­tyn gör­kez­mek bolar. Bu bol­sa halk­la­ryň ara­syn­da­ky dost-­do­gan­ly­gyň aý­dyň ýo­lu­ny üpjün ed­ýär. 

Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň ta­gal­la­la­ry ne­ti­je­sin­de ýur­du­myz hal­ka­ra de­re­je­sin­dä­ki mas­la­hat­la­ryň, fo­rum­la­ryň ge­çi­ril­ýän meka­ny­na öw­rül­di. Mag­tym­gu­ly Py­ra­gy­nyň­ doglan ­gü­nü­niň 300 ýyl­ly­gy my­na­sy­bet­li «Dö­wür­le­riň we siwilizasiýala­ryň öza­ra ara­bag­la­ny­şy­gy ­—­ pa­ra­hat­çy­ly­gyň we ösü­şiň bin­ýady» at­ly hal­ka­ra fo­rum hem halk­la­ryň­ arasynda medeni gatnaşyklary pug­ta­lan­dyr­dy. Ýur­du­my­zyň alyp bar­ýan hoş­ni­ýet­li syýasa­ty dür­li ýurt­lar bi­len dost-­do­gan­lyk gat­naşyk­la­ry­ny ber­kit­mä­ge gö­nük­di­ri­len­dir. Şun­da mil­li me­deni­ýe­tiň, me­de­ni­ýet dip­lo­ma­ti­ýa­sy­nyň ös­dü­ril­me­gi aý­ra­tyn bel­len­mä­ge my­na­syp­dyr. Çün­ki me­de­ni gatnaşyklaryň ber­ki­dil­me­gi halk­la­ryň ara­syn­da dost­-do­gan­ly­gy ösdürýär, hal­ka­ra gat­na­şyk­la­ry­nyň röw­şen gel­je­gi­ni üp­jün ed­ýär. Şu ajaýyp ýylymyzda hem medeniýet diplomatiýasy has-da ro­waç­lanýar, çün­ki «Pä­him-­paý­has um­ma­ny Mag­tym­gu­ly Py­ra­gy» ýy­ly­myz­da mil­li gym­mat­lyk­la­ry­my­zy dün­ýä ýaýma­ga giň müm­kin­çi­lik­ler dö­re­dil­ýär. 

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de baý mil­li me­de­ni­ýe­ti­mi­zi we sun­ga­ty­my­zy dün­ýä ýaý­mak­da uly iş­ler dur­mu­şa geçi­ril­di. Mag­tym­gu­ly Py­ra­gy­nyň eser­leri­niň dün­ýä dil­le­ri­ne ter­ji­me edil­me­gi, ki­tap bo­lup oky­jy­laryň ün­sü­ni çek­me­gi aý­ra­tyn ma­ny­-mazmuna eýe­dir. Mu­nuň özi ýurt­la­ryň, halk­la­ryň bi­rek­-bi­re­giň medeniýe­tin­den, ru­hy gym­mat­lyk­la­ryn­dan ha­bar­ly bol­ma­gy­na,­ dost-dogan­ly­gyň has­-da ber­ke­me­gi­ne ýardam edýär. 

Hal­ky­my­zyň örän baý mil­li mi­ra­sy bar. Ru­hy gymmatlyklarymyzyň gen­ji­-ha­zy­na­sy bo­lan nus­ga­wy ede­bi­ýa­ty­myz şu şöh­rat­ly ýy­ly­myz­da hem dün­ýä ýa­ýyl­ýar, akyl­dar şa­hyry­my­zyň aja­ýyp goş­gu­la­ry dün­ýä­de wa­gyz edil­ýär. Şeý­le hem şöh­rat­ly ta­ry­hy­my­za, edebi mi­ra­sy­my­za ba­gyş­la­nyp hal­ka­ra yl­my mas­la­hat­lar gu­ral­ýar. Bularyň äh­li­si mil­li mede­ni­ýe­ti­mi­ziň, asyr­lar­dan gel­ýän mil­li gymmatlyk­la­ry­myzyň dün­ýä­de ýa­ýyl­ma­gy­na oňat müm­kin­çi­lik­le­ri döred­ýär. Hä­zir­ki dö­wür­de hal­ky­myz mil­li me­de­ni­ýe­ti­mi­ziň dün­ýä ýaýyl­ýan­dy­gy­na, akyl­dar şa­hy­ryň goş­gu­la­ry­nyň halk­la­ryň dost­lu­gy­ny ber­kit­mek­de gym­mat­ly ha­zy­na bo­lup dur­ýandy­gy­na tüýs ýü­rek­den buýsan­ýar. Bu bol­sa hal­ky­my­zyň bag­ty­ýar­ly­gy­nyň, halk­la­ryň arasyndaky ­dost­-do­gan­ly­gyň has­-da pug­ta­lan­dy­ryl­ýan­dy­gy­nyň aý­dyň be­ýa­ny­dyr. 

Perman SAPAROW, 

Türkmenistanyň Mejlisiniň durmuş syýasaty 

baradaky komitetiniň baş hünärmeni.

Berkarar döwletiň täze eýýamynyň Galkynyşy döwründe ýurdumyzda hereket edýän demokratik gatnaşyklar täze röwüşde hil taýdan ýokary derejelere çykýar. 

Türkmenistanyň Halk Maslahatynyň nobatdaky mejlisinde Gahryman Arkadagymyz Halk Maslahatyna gatnaşyjylaryň öňünde maksatnamalaýyn çykyş edip, bu wekilçilikli mejlisiň Garaşsyzlyk ýyllarynda gazanylan üstünlikleri has-da berkitmekde, halkymyzyň abadan ýaşaýşynyň bähbidine öňde duran örän möhüm soraglary maslahatlaşyp, anyk wezipeleri kesgitlemekde uly ähmiýetiniň boljakdygyna berk ynam bildirdi. Gahryman Arkadagymyzyň belleýşi ýaly, ykbalyny halkyň ykbaly bilen mäkäm baglan Gündogaryň beýik akyldar şahyry Magtymguly Pyragynyň doglan gününiň 300 ýyllygy halkara derejede giňden bellenilýän ýylynda, geçen 33 ýylda biz amala aşyran işlerimiziň netijesinde halk bilen häkimiýetiň, döwlet bilen raýatyň arasynda örän mäkäm we synmaz gatnaşyklary – milli bähbitlerimiziň bitewüligini üpjün etdik. Bu bolsa Garaşsyz Türkmenistanyň ösüş nusgasynyň düýpli aýratynlygydyr – diýip, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz belledi. 

Arkadagly Gahryman Serdarymyz özüniň taryhy çykyşynyň dowamynda: «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasy» esasynda ýurdumyzy ösdürmek üçin şu ýylyň ahyryna çenli 38 milliard 500 million manat möçberinde düýpli maýa goýumlar özleşdiriler. Bu serişdeleriň hasabyna täze önümçilik we medeni-durmuş maksatly desgalar gurulýar hem-de döwrebaplaşdyrylýar. Şäherlerimizi, obalarymyzy özgerdip, ýaşaýyş jaý toplumlaryny giň gerimde bina edýäris. Döwrebap kärhanalarda öndürilýän, dünýä bazarlarynda bäsdeşlige ukyply önümlerimiziň möçberi hem-de görnüşleri artdyrylar» diýip belledi.

 Şeýle - de hormatly Prezidentimiz öz taryhy çykyşynda: «Gadymy Beýik Ýüpek ýoluny täzeden dikeltmekde ýurdumyzda nusgalyk işler durmuşa geçirilýär. Ulag kommunikasiýalar toplumynda netijeli özgertmeler amala aşyrylýar. Ulagyň ähli görnüşleri bilen ýolagçy we ýük dolanyşygyny ösdürmek, halkara üstaşyr ulag mümkinçiligimizi doly ulanmak boýunça degişli işler ýerine ýetirilýär. Bu ugurda ýurdumyz Birleşen Milletler Guramasy we beýleki iri halkara guramalar bilen hyzmatdaşlygy alyp barýar» diýip, ulag ulgamyndaky ösüşlere-de ünsi çekdi. 

Hormatly Prezidentimiz mejlise gatnaşyjylara ýüzlenip, biziň ykdysady syýasatymyzyň baş maksadynyň halkymyzyň ýaşaýyş-durmuşyny yzygiderli gowulandyrmakdan ybaratdygyny nygtady. Häzirki döwürde ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynda we 2028-nji ýyla çenli döwür üçin Oba milli maksatnamasynda şu ýyl üçin göz öňünde tutulan esasy wezipeleriň ählisi diýen ýaly üstünlikli durmuşa geçirilýär. Gurmak we döretmek Berkarar döwletiň täze eýýamynyň Galkynyşy döwrüniň esasy şygarydyr diýip, döwlet Baştutanymyz innowasion önümçilikleri döretmek, ilatyň ýaşaýyş-durmuş şertlerini düýpli özgertmek boýunça gurluşyk we senagat toplumynda uly işleriň amala aşyrylýandygyny belledi. Şunuň bilen baglylykda, Arkadagly Serdarymyz Aşgabat we Arkadag şäherlerinde geçirilýän nusgalyk işler barada aýratyn durup geçdi. 

Gahryman Arkadagymyz mundan beýläk hem her bir raýatymyzyň abadan, bagtyýar durmuşda ýaşamagy, Berkarar döwletiň täze eýýamynyň Galkynyşy döwründe uly sepgitlere ýetmek üçin bilelikdäki tagallalar bilen bu möhüm wezipeleriň üstünlikli çözüljekdigine ynam bildirdi. 

Orazdurdy ABDYÝEW, 

Türkmenistanyň Mejlisiniň deputaty, 

mejlisiň Ylym, bilim, medeniýet we ýaşlar 

syýasaty baradaky komitetiniň agzasy

Sport – parahatçylygyň ilçisi. Ony ösdürmekde, sport ulgamynda halkara hyzmatdaşlygy berkitmekde Garaşsyz, hemişelik Bitarap Türkmenistan döwletimiziň uly tagallalary edýändigi hemmämizi guwandyrýar, buýsandyrýar. Ýer ýüzünde sport hyzmatdaşlygyny ýaýbaňlandyrmak boýunça alyp barýan giň gerimli işleri, iri ýaryşlary guramaçylykly geçirmekde toplan baý tejribesi berkarar döwletimiziň dünýäde sport ýurdy diýlip ykrar edilmegini üpjün etdi. Türkmenistanyň başlangyjy bilen Birleşen Milletler Guramasynyň Baş Assambleýasynyň 3-nji iýuny «Bütindünýä welosiped güni» diýip yglan etmek hakynda, şeýle-de, «Durnukly ösüşi gazanmak üçin köpçülikleýin welosiped sürmegi jemgyýetçilik ulag ulgamlaryna girizmek» atly Kararnamalary kabul etmegi bilen, bu ykrarnama täze belentliklere göterildi. 

«Pä­him-paý­has um­ma­ny Mag­tym­gu­ly Py­ra­gy» ýy­lyn­da ýurdumyzyň ab­ra­ýy­ny ar­şa gö­ter­ýän şeý­le şan­ly wa­ka­la­ryň do­wa­mat-dowam bol­ma­gy kal­by­myz­da­ky buý­san­jy­my­zy has-da art­dyr­ýan ajaýyplyk­dyr. Mu­kad­des Ga­raş­syz­ly­gy­my­zyň şan­ly 33 ýyl­ly­gy mynasybet­li toý çä­re­le­ri­niň tu­tuş ýurdu­my­zy gur­şap alan gün­le­rin­de geçi­ri­len BMG-niň Baş As­samb­le­ýa­sy­nyň 78-nji ses­si­ýa­syn­da Türkmenis­ta­nyň baş­lan­gy­jy bi­len «Bir­le­şen Mil­let­ler Gu­ra­ma­sy­nyň oýun­la­ry» at­ly Ka­rar­na­ma­nyň ka­bul edil­me­gi, ýur­du­my­zyň bu başlangyjy­na dün­ýä­niň 87 döw­le­ti­niň aw­tor­daş bol­ma­gy ýurdumyzyň sport dip­lo­ma­ti­ýa­sy­nyň no­bat­da­ky aja­ýyp üs­tün­li­gi bo­lup da­ba­ra­lan­dy. 

Ar­ka­dag­ly Gah­ry­man Ser­da­ry­my­zyň pa­ra­sat­ly baş­tu­tan­ly­gyn­da sport dip­lo­ma­ti­ýa­my­zyň ro­waçlyk­la­ra bes­len­ýän­di­gi­ne BMG-niň Baş As­samb­le­ýasy­nyň «Bir­le­şen Mil­let­ler Gu­ra­ma­sy­nyň oýun­la­ry» at­ly Karar­na­ma­ny ka­bul et­me­gi­niň my­sa­lyn­da hal­ka­ra jem­gy­ýet­çi­ligi nobatda­ky ge­zek göz ýetir­di. Türk­me­nis­ta­nyň sport ýur­dy diý­lip yk­rar edil­me­gi­ne ge­ti­ren be­ýik iş­le­riň göz­ba­şyn­da dur­an, bu ugur­da dün­ýä nus­ga­lyk tu­tum­la­ry dur­mu­şa ge­çi­ren türk­men hal­ky­nyň Mil­li Li­de­ri Gah­ry­man Ar­ka­da­gy­my­zyň ju­da jaý­dar bel­leý­şi ýa­ly: «Tä­ze Kararnamanyň ka­bul edil­me­gi dün­ýä bi­le­le­şi­gi­niň Türk­me­nis­tan­da sporty we be­den­ter­bi­ýe-sa­gal­dyş he­re­ke­ti­ni ös­dür­mek, dost-do­gan­ly­gy pug­ta­lan­dyrmak bo­ýun­ça ge­çi­ril­ýän ägirt uly iş­le­ri ma­kul­la­ýandy­gy­nyň hem-de gol­da­ýan­dy­gy­nyň gü­wä­si­dir». 

Per­man SA­PA­ROW, 

Türk­me­nis­ta­nyň Mej­li­si­niň dur­muş sy­ýa­sa­ty 

ba­ra­da­ky ko­mi­te­ti­niň baş hü­när­me­ni.