Be­ýik ösüş­le­re, be­lent üs­tün­lik­le­re bes­len­ýän her bir gü­nü­miz dö­re­di­jilik­li zäh­met çek­mä­ge ruh­lan­dyr­ýar. «Ga­raş­syz, ba­ky Bita­rap Türk­me­nistan­ - be­dew bat­ly at­-my­ra­dyň meka­ny» ýylynda dur­mu­şa ge­çi­ril­ýän be­ýik iş­ler hal­ky­my­zyň bag­ty­ýar dur­mu­şy­ny üp­jün ed­ýär, ýur­du­my­zy tä­ze üs­tün­lik­le­re alyp barýar. Gah­ry­man Ar­ka­da­gy­my­zyň be­ýik baş­lan­gyç­la­ry­ny üstün­lik­li do­wam ed­ýän hor­mat­ly Pre­zi­den­ti­mi­ziň baştutanlygyn­da eziz Di­ýa­ry­myz ös­ýär, öz­ger­ýär, şä­her­le­ri­miz tä­ze keş­be eýe bol­ýar. Hor­mat­ly Pre­zi­den­ti­mi­ziň taý­syz tagallala­ry bi­len Aş­ga­bat we Ar­ka­dag şä­her­le­rin­de, şeý­le hem ýur­du­my­zyň dür­li se­bit­le­rin­de döre­dil­ýän her bir bi­na­gär­lik dürdäne­le­ri gö­zel keş­bi bi­len aja­ýyp sazla­şy­gy eme­le ge­tir­ýär. Ol bi­na­lar­da bag­ty­ýar­lyk döw­rü­mi­ziň be­lent ruhy, ösen döwrümi­ziň ýa­ra­şyk­ly­ly­gy we aja­ýyp­ly­gy öz be­ýa­ny­ny tap­ýar. Hor­mat­ly Pre­zi­den­ti­mi­ziň dur­mu­şa ge­çir­ýän sy­ýa­sa­ty­nyň ile­ri tu­tul­ýan ugur­la­ry bo­lup dur­ýan mak­sat­na­mala­ryň we taslamalaryň  çäk­le­rin­de  ama­la aşy­ryl­ýan be­ýik iş­ler ösü­şiň täze be­lent­lik­le­ri­ne ta­rap ynam­ly öňe bar­ýan ata Wa­ta­ny­my­zyň ykdysa­dy kuw­wa­ty­nyň bar­ha art­ýan­dy­gynyň su­but­na­ma­sy­dyr. 

     Ýurdumyzda durmuşa geçirilýän beýik işler milli ykdysadyýetimiziň ösüşleriniň aýdyň subutnamasydyr. Şeýle beýik işleriň many­-mazmuny hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen baş taglymatynda beýanyny tapýar. Adam hakyndaky aladany baş maksada öwrüp, baky Bitarap ýurdumyzyň, merdana halkymyzyň gurujylyk hem döredijilik kuwwatyny barha rowaçlandyrýan Gahryman Arkadagymyzyň, Arkadagly Gahryman Serdarymyzyň tagallalary bilen ýurdumyzyň ähli sebitlerinde döredilýän täze binagärlik dürdäneleri, milli binagärlik ýörelgelerimiz gurluşyk ylmynyň iň täze gazananlary bilen sazlaşykly utgaşdyrylýar. Olaryň her birinde mukaddes türkmen topragynyň gözelliklerini görmek bolýar.

     Eziz Diýarymyzyň beýik ösüşleri biziň her birimizi guwandyrýar, buýsandyrýar. Hormatly Prezidentimiziň parasatly baştutanlygynda gazanylýan şeýle ösüşler ýurdumyzy dünýä meşhur edýär. Şeýle ösüşleriň ählisi halkymyzyň bagtyýar durmuşyny üpjün etmäge gönükdirilendir. Garaşsyz, baky Bitarap Türkmenistanda adamyň bagtyýar durmuşy, halkyň abadançylygy baş wezipeleriň biridir. Şu nukdaýnazardan hem, Berkarar döwletiň täze eýýamynyň Galkynyşy döwründe durmuş maksatly beýik işler amala aşyrylýar.

     Mälim bolşy ýaly, «Garaşsyz, baky Bitarap Türkmenistan — bedew batly at-­myradyň mekany» ýylynda mukaddes Garaşsyzlygymyza 35 ýyl bolýar. Hut şu nukdaýnazardan, ýurdumyzyň ösüşlere beslenip, halkymyzyň toý sowgatlary bilen baýramlaryň joşgunly bedewleriň toýlaryň bezegi boljakdygyny aýratyn bellemek gerek. Gurýan, döredýän, ynamly öňe barýan ýurdumyzda beýik ösüşlere buýsanmak we wasp etmek bagtyýarlykdyr. Şonuň üçin hem halkymyz bu beýik işlere buýsanýar, guwanýar. Gahryman Arkadagymyzyň, Arkadagly Gahryman Serdarymyzyň tagallalary bilen gazanylýan üstünlikler, beýik ösüşler äleme dolýar. Bu günki ajaýyp döwrümiziň aýdyň görkezijisi bolýan beýik binalar, medeni-­durmuş maksatly desgalar ýurdumyzyň ykdysady ösüşiniň şuglasydyr. 

Perman SAPAROW, Türkmenistanyň Mejlisiniň Durmuş syýasaty baradaky  komitetiniň baş  hünärmeni.

    Ýakynda türkmen halkynyň Milli Lideri Gahryman Arkadagymyz Köpetdagyň etegindäki gözel künjekleriň birinde ýerleşýän Türkmenistanyň Prezidentiniň Ahalteke atçylyk toplumynda bolup, bu ýerde «Garaşsyz, ba­ky Bi­ta­rap Türkmenis­tan — be­dew bat­ly at-myradyň mekany» ýylynyň şanly wakalarynyň birine öwrüljek Türkmen bedewiniň milli baýramyna görülýän taýýarlyk işleri bilen tanyşdy. Gahryman Arkadagymyzyň toý-baýramlaryň bezegine öwrülen bedewleriň halkymyzyň durmuşynda möhüm orun eýeleýändigini aýdyp, merdana pederlerimiziň, hünärine yhlas edýän seýisleriň tagallasy bilen dünýäde deňi-taýy bolmadyk ahalteke bedewleriniň ösdürilip ýetişdirilýändigini bellemegi buýsandyryjydyr.

      Behişdi bedewler  müňlerçe ýyl bäri halkymyzyň buýsanjyna deňelip, türkmen durmuşynyň aýrylmaz bölegine öwrülipdir. Ahalteke bedewlerine aýratyn gadyr goýýan Gahryman Arkadagymyzyň başyny başlan işlerini hormatly Prezidentimiziň üstünlikli durmuşa geçirmegi netijesinde ýurdumyzda atçylyk sportuny ösdürmek, arassa ganly ahalteke bedewleriniň  baş sanyny artdyrmak, olaryň dünýädäki şöhratyny has-da belende götermek bilen baglanyşykly meseleler döwletimiziň hemişelik üns merkezinde durýar. 2026-njy ýylyň «Ga­raş­syz, ba­ky Bi­ta­rap Türk­me­nis­tan — bedew batly at-myradyň mekany» ýyly şygary astynda üstünliklere beslenmegi hem bu hakykatyň aýdyň beýanydyr.

      Umumadamzat gymmatlyklarynyň hatarynda mynasyp orun alan türkmen bedewleriniň abraýy dünýä dolýar. Gahryman Arka­da­gy­my­zyň «Ahal­te­ke be­de­wi — biziň buýsanjymyz we şöhratymyz», «Gadamy batly bedew» we pähim-paýhasa ýugrulan beýleki ençeme eserleri milli buýsanjymyz bolan ahalteke bedewleriniň müňýyllyklaryň dowamynda kemala gelşi, gylyk-häsiýetleri barada gymmatly maglumatlaryň çeşmesidir. Alym Arkadagymyzyň «Atda wepa-da bar, sapa-da» atly eserinde şeýle setirler bar: «Taryhymyzyň iň çylşyrymly pursatlarynda hem biziň halkymyz bedewe yhlasly bolup galdy. Sebäbi asyrlaryň dowamyndaky bu bitewülik adamlaryň aňyna, janyna hem-de tutuş durkuna ornady. Ol bedewi bilen ýaşady, şeýdibem ahalteke bedewi halkyň ruhy baýlygyna eserlerdäki ýyldyz ýaly bolup girdi». Bu parasatly jümleler gözelligi, ýyndamlygy we wepalylygy bilen şöhratlanýan bedewleriň halkymyz üçin ähmiýetini doly äşgär edýär. 

Begençgeldi  BAÝRAMMYRADOW, Türkmenistanyň Mejlisiniň deputaty, Ykdysady meseleler baradaky komitetiň agzasy.

     Berkarar döw­le­tiň hu­kuk bin­ýa­dy kä­mil ka­nun­lardyr. Kanunlar we hu­kuk ýö­rel­ge­ler Kons­ti­tu­si­ýa­dan gözbaş al­ýar.  Kons­ti­tu­sion ka­da­la­ryň gyşarnyksyz ýe­ri­ne ýe­ti­ril­me­gi asudalygy üp­jün et­me­giň  iň esasy şer­ti­dir. 

     Ös­ýän döw­re gö­rä tä­ze ka­nun­la­ryň iş­le­nip taý­ýarlan­ma­gy, he­re­ket ed­ýän ka­nun­la­ryň döw­rüň ta­lap­lary­na hem-de hal­ka­ra hu­kuk ul­gam­la­ry bi­len ut­ga­şyk­ly bol­ma­gy­ny ga­zan­mak maksadyn­da kä­mil­leş­di­ril­megi, ilkin­ji no­bat­da, kons­ti­tu­sion  bin­ýa­da bag­ly­dyr.  Ar­ka­dag­ly Gah­ry­man Ser­da­ry­my­zyň bel­leý­şi ýa­ly, ýurdumyz­da ka­nu­ny ýö­rel­ge­le­re de­giş­li döw­re­bap özgertme­le­ri gi­riz­mek Türk­me­nis­ta­nyň  Mej­li­si­niň öňünde goýlan we­zi­pe­le­riň ne­ti­je­sin­de ama­la aşy­ryl­ýar. Hal­ky­my­zyň asyr­lar­bo­ýy top­lan dur­muş tejribesi­niň ýurt asu­da­ly­gyn­da­ky ähmi­ýe­ti örän ulu­dyr.  Hor­mat­ly Pre­zi­den­ti­miz  ta­ry­hy  ähmiýet­li çykyş­la­ryn­da ýurdumyzyň esa­sy Ka­nu­ny­nyň­ ­Konstitu­si­ýa­sy­nyň  hem öz göz­ba­şy­ny  hal­ky­my­zyň mil­li  ýörel­ge­le­rin­den alýan­dy­gy­ny nyg­ta­ýar. Kons­ti­tu­si­ýa döw­le­tiň, hal­kyň ýö­rel­ge­le­ri­ne we is­leg­le­ri­ne laýyklyk­da  yk­rar eden resmi hu­kuk bin­ýa­dy­dyr. Hut şo­nuň üçin hem ýur­dumyz­da  ama­la  aşy­ryl­ýan  beýik iş­ler Esa­sy Ka­nu­ny­myz bi­len­ berk bagly­dyr.  Adam­la­ryň bo­le­lin  dur­muş­da ýa­şa­ma­gy, dynç almagy üçin äh­li müm­kin­çi­lik­le­riň  döredilme­gi Konstitusiýanyň baş ma­ny-­maz­mu­ny­dyr.

      Ber­ka­rar döw­le­tiň tä­ze eý­ýa­my­nyň Gal­ky­ny­şy döwri halkymy­zyň öz mak­sat­ly men­zil­le­ri­ne ýe­ten döwrüdir. Se­bä­bi ýur­du­my­zyň Kons­ti­tu­si­ýa­sy adam­la­ryň iň aja­ýyp  is­leg­le­ri­ni utgaş­dy­ry­jy, jem­gy­ýe­tiň bag­tyýar­ly­gy­nyň çeş­me­si bo­lup durýan­dy­gy üçin kä­mil­dir. 

     Goý, mäh­ri­ban hal­ky­my­zy şeý­le bag­ty­ýar dur­muşa ýe­ti­ren Gah­ry­man Ar­ka­da­gy­my­zyň, Ar­ka­dag­ly Gahryman Serdarymyzyň jan­la­ry sag, ömür­le­ri uzak bol­sun, il­-ýurt bäh­bit­li be­ýik iş­le­ri mun­dan beý­läk hem üs­tün­lik­le­re bes­len­sin!

Orazdurdy ABDYÝEW, Türkmenistanyň Mejlisiniň deputaty, Ylym, bilim, medeniýet we ýaşlar syýasaty baradaky komitetiň agzasy.

     2025-nji Halkara parahatçylyk we ynanyşmak ýylynda ýurdumyzda şanly wakalar bir-birine ulaşdy. Arkadagly Gahryman Serdarymyzyň parasatly syýasaty we başlangyçlary, agzybir halkymyzyň zähmetsöýerligi bilen ýokary görkezijiler gazanylyp, öňde goýlan wezipeler üstünlikli ýerine ýetirildi. 

     Birleşen Milletler Guramasynyň Baş Assambleýasy tarapyndan üç gezek ykrar edilen hemişelik Bitaraplygymyzyň şanly 30 ýyllyk baýramynyň uludan bellenilen ýylynda «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň, «Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygyny ösdürmek» atly halkara maslahatyň, Aşgabatda  Halkara parahatçylyk we ynanyşmak ýylyna, Halkara Bitaraplyk gününe hem-de Türkmenistanyň hemişelik Bitaraplygynyň 30 ýyllygyna bagyşlanan ýokary derejedäki halkara forumyň üstünlikli geçirilmegini döwrümiziň taryhy wakalarynyň hatarynda buýsanç bilen görkezmek bolar. Diýarymyzyň dürli künjeginde ýaşaýyş jaýlarynyň, medeni-durmuş, önümçilik maksatly binalaryňdyr desgalaryň ulanylmaga berilmegi bolsa geçen ýylda hem il-ýurt bähbitli işleriň rowaçlyklara beslenendiginiň, halk we onuň bagtyýar durmuşy hakynda döwletimiz tarapyndan edilýän aladanyň egsilmezdiginiň güwäsidir. «Garaşsyz, baky Bitarap Türkmenistan – bedew batly at-myradyň mekany» ýyly diýlip yglan edilen 2026-njy ýylda bu işleriň dowamat-dowam bolýandygy bolsa kalplarymyzy çäksiz buýsanja besleýär. 

     Berkarar döwletiň täze eýýamynyň Galkynyşy döwründe halkymyzyň eşretli durmuşyny üpjün edýän, ýurdumyzyň abraý-mertebesiniň has-da beýgelmegi üçin ägirt uly işleri amala aşyrýan döwlet Baştutanymyz türkmen halkyna Täze ýyl Gutlagynda: «Hoşniýetli arzuw-umytlar bilen garşy alýan täze ýylymyzda mukaddes Garaşsyzlygymyzyň şanly 35 ýyllygyny belläp geçeris. Watanymyzy bagtyýarlygyň we rowaçlygyň mekanyna öwürmek ugrunda yhlas bilen zähmet çekeris» diýip, aýratyn belledi. «Garaşsyz, baky Bitarap Türkmenistan – bedew batly at-myradyň mekany» ýylynda hem eziz Diýarymyzda döwletli tutumlara badalga berlip, ýurdumyzyň, halkymyzyň, umumadamzadyň bähbidine gönükdirilen işler giň gerime eýe bolar. 

Perman SAPAROW, Türk­me­nis­ta­nyň Mej­li­si­niň dur­muş syýasa­ty ba­ra­da­ky ko­mi­te­ti­niň baş hü­när­me­ni

     Hor­mat­ly Pre­zi­den­ti­mi­ziň «Türk­me­nista­nyň Bi­ta­rap­ly­gy – parahat­çy­ly­gyň we yna­nyş­ma­gyň aý­dyň ýo­ly» at­ly tä­ze ki­ta­by türk­men Bi­ta­rap­ly­gy­nyň 30 ýyl­lyk şöh­rat­ly men­zi­lin­de bo­lup geçen şan­ly wa­ka­la­ra, onuň ta­ry­hy kök­le­ri­ne göz ýe­tir­mek­de gym­mat­ly  gol­lan­ma­dyr.  Eser­de Bir­le­şen Mil­let­ler Guramasynyň Baş Assamb­leýa­sy ta­ra­pyn­dan üç ge­zek yk­rar edilen he­mi­şe­lik Bi­ta­rap­ly­gy­my­zyň äh­mi­ýe­ti, ýur­du­my­zyň Ýer ýüzün­de parahatçy­ly­gy, yna­nyş­ma­gy, dost-do­gan­ly­gy berkitmäge gönükdi­ri­len baş­lan­gyç­la­ry ba­ra­da giňişle­ýin gürrüň be­ril­ýär.

     Do­kuz bö­lüm­den yba­rat ese­ri okap çy­ka­nyň­dan soň­ra berkarar döw­le­ti­miziň he­mi­şe­lik Bi­ta­rap­lyk hu­kuk de­re­je­si­niň ata Watany­my­zyň aba­dan­çy­ly­gy­ny, türk­men hal­ky­nyň eş­ret­li, bagty­ýar dur­mu­şy­ny üp­jün et­mek­de mö­hüm äh­miýe­te eýe­di­gi­ne has-da aý­dyň göz ýe­tir­ýär­siň. 

     Ki­tap­da Türk­me­nis­ta­nyň dün­ýä­niň iň uly sy­ýa­sy gu­ra­ma­sy bolan Birle­şen Mil­let­ler Gu­ra­ma­sy bi­len hyz­mat­daş­lyk­da top­lan baý tej­ri­be­si, ba­ky Bi­ta­rap­ly­gy­my­zyň şan­ly 30 ýyl­ly­gy giň­den bel­le­ni­len Hal­ka­ra pa­ra­hat­çy­lyk we yna­nyş­mak ýy­ly­nyň şan­ly wa­ka­la­ry aý­dyň be­ýa­ny­ny tap­ýar. Ese­ri okap, ýur­du­my­zyň dünýä­de pa­ra­hat­çy­ly­gy, dost-do­gan­ly­gy, öza­ra bäh­bit­li hyzmatdaş­ly­gy pug­ta­lan­dyr­mak­da bi­ti­ren ägirt uly iş­le­ri­ne buýsanç­dan ba­şyň gö­ge ýet­ýär we bu aja­ýyp­lyk­la­ryň gözbaşynda dur­ýan Gahryman Arkadagymyza hem-de Arkadagly Gahryman Serdarymyza al­kyş söz­le­ri dil­le­ri­mi­ziň sena­syna öw­rül­ýär.

 Begenç GURBANGELDIÝEW, Türk­me­nis­ta­nyň Mej­li­si­niň depu­ta­ty, Yk­dy­sa­dy me­se­le­ler ba­ra­da­ky komitetiň ag­za­sy.

     2026-njy ýylyň «Garaşsyz, baky Bitarap Türkmenistan — bedew batly at-myradyň mekany» diýlip atlandyrylmagy döwletimiziň dünýädäki at-abraýyny has-da artdyrmaga, Watanymyzyň mukaddes Garaşsyzlygynyň 35 ýyllygynyň bellenilýän ýylynda bedew batly beýik ösüşlere gönükdirilen işleri dowam etdirmäge uly ruhy güýç berdi. Geçen ýyllarda bolşy ýaly, bu şanly ýylymyzda hem ähli ugurlar boýunça giň gerimli maksatnamalaryň çäginde düzülen meýilnamalary ýokary derejede ýerine ýetirmek boýunça tutanýerli işler durmuşa geçirilýär. 9-njy ýanwarda geçirilen Ministrler Kabinetiniň mejlisinde ýurdumyzyň ministrlikleriniň we pudaklaýyn dolandyryş edaralarynyň şu ýyl üçin niýetlenen iş meýilnamalarynyň taslamalaryna garalyp, olar hormatly Prezidentimiz tarapyndan makullanyldy.

     Ýur­du­myz­da hal­ky­my­zyň ýa­şa­ýyş-dur­muş de­re­je­si­ni yzygider­li ýo­kar­lan­dyr­mak il­kin­ji de­re­je­li we uly äh­mi­ýetli wezi­pe ha­sap­lan­ýar. Şo­ňa gö­rä hem, 2026-njy ýyl üçin niýetlenen iş me­ýil­na­ma­la­ryn­da «Ber­ka­rar döw­le­tiň tä­ze eýýamy­nyň Gal­ky­ny­şy: Türk­me­nistany 2022 — 2052-­nji ýyllarda dur­muş­-yk­dy­sa­dy taý­dan ös­dür­me­giň Mil­li maksatnama­syn­da» göz öňün­de tu­tu­lan we­zi­pe­ler­den ugur alnan­dyr. Olar­da mil­li yk­dy­sa­dy­ýe­ti­mi­ziň dur­nuk­ly ösü­şi­ni gazan­mak bi­len Wa­ta­ny­my­zy mun­dan beý­läk-de gül­le­dip ösdürmek ýa­ly we­zi­pe­ler, il­kin­ji no­bat­da, göz öňün­de tu­tul­ýar.

     Me­ýil­na­ma­lar­da Türk­me­nis­tan­da mak­royk­dy­sa­dy durnuklyly­gy we ýur­du­my­zyň dur­muş yk­dy­sa­dy taý­dan dep­gin­li ösü­şi­ni üp­jün et­mek, ma­ýa go­ýum sy­ýa­sa­ty­ny kämil­leş­dir­mek, amat­ly ma­ýa go­ýum, işe­wür­lik gur­şa­wy­ny dö­ret­mek, san­ly ulgamy we döw­re­bap san­ly teh­no­lo­giýa­la­ry giň­den or­naş­dyr­mak ýa­ly iş­ler esa­sy we­zi­pe­le­riň ha­ta­ryn­da kes­git­le­nil­ýär. Şu­nuň bilen bag­ly­lyk­da, Döw­let býu­je­ti­niň üs­tün­lik­li ýe­ri­ne ýetirilmegi­ni ga­zan­mak hem mö­hüm iş­le­riň ha­ta­ryn­da dur­ýar. Ýur­du­my­zyň oba ho­ja­lygy­ny ös­dür­mek, oba ho­ja­lyk ekin­le­ri­niň tä­ze gör­nüş­le­ri­ni dö­ret­mek, hal­ky­my­zy ýur­du­myz­da ýetişdirilýän we öndü­ril­ýän azyk önüm­le­ri bi­len do­ly de­re­je­de üp­jün et­mek hem esa­sy we­zi­pe­ler bol­ma­gyn­da gal­ýar. Meýilnama­lar­da daş­ky gur­şa­wy go­rap sak­la­mak, eko­lo­gik abadan­çy­ly­gy üp­jün et­mek, ahal­te­ke be­dew­le­ri­niň baş sa­ny­ny art­dyr­mak, ola­ryň dün­ýä­dä­ki şan-şöh­ra­ty­ny has-da be­len­de galdyr­mak bi­len bag­la­ny­şyk­ly we­zi­pe­ler hem göz öňün­de tutulýar.

     Me­ýil­na­ma­la­ra la­ýyk­lyk­da, ýur­du­myz­da döw­re­bap kärhanala­ry gur­mak, hi­mi­ýa we gur­lu­şyk se­na­ga­ty pu­dakla­ry­nyň eks­port müm­kin­çi­lik­le­ri­ni art­dyr­mak, aw­to­mo­bil ýol­la­ry­ny we köp­rü­le­ri, döw­re­bap de­mir ýol men­zil­le­ri­ni, de­ňiz gä­mi­le­ri­ni, önüm­çi­lik we dur­muş äh­mi­ýet­li des­gala­ry gur­mak hem meýilleş­di­ril­ýär. Ýur­du­myz­da ulan­ma­ga ber­len ulag infrastruktu­ra­sy­ny se­bi­tiň üs­ta­şyr müm­kin­çilik­le­ri bi­len ne­ti­je­li ut­gaş­dyr­mak ar­ka­ly ýük do­la­ny­şy­gy­ny art­dyr­mak, bu ugur­lar­da ma­ýa go­ýum­lar üçin amat­ly şert­le­ri dö­ret­mek, hal­ka­ra hyzmatdaş­ly­gy ös­dür­mek ile­ri tu­tul­ýan we­zi­pe­ler hök­mün­de kes­git­le­nil­ýär.

     Ga­raş­syz döw­le­ti­miz he­mi­şe­lik Bi­ta­rap­lyk hu­kuk ýagda­ýy­na eýer­mek bi­len, dün­ýä­de äh­lu­mu­my aba­dan­çy­ly­ga gö­nük­di­ri­len da­şa­ry sy­ýa­sa­ty alyp bar­ýar. Ýur­du­myz hal­ka­ra hyzmatdaşlygynyň ge­ri­mi­ni gi­ňelt­mä­ge, da­şa­ry ýurt­ly hyzmatdaş­lar bi­len söw­da-­yk­dy­sa­dy gat­na­şyk­la­ry ös­dür­mä­ge mö­hüm äh­mi­ýet ber­ýär. Şu­nuň bi­len bag­lylyk­da «Bi­ta­rap Türkme­nistanyň da­şa­ry sy­ýa­sat ug­ru­nyň 2022 — 2028-nji ýyl­lar üçin Konsep­si­ýa­sy­na» la­ýyk­lyk­da, ýur­du­my­zyň dün­ýä­niň dür­li ýurt­la­ry bi­len gat­na­şyk­la­ry­ny ber­kit­mek, hal­ka­ra ma­li­ýe-ykdysa­dy dü­züm­ler bi­len alyp bar­ýan iş­le­ri­ni pug­ta­lan­dyr­mak ug­run­da ze­rur iş­le­ri alyp bar­mak göz öňün­de tu­tul­ýar. 

     Me­ýil­na­ma­lar­da göz öňün­de tu­tul­ýan giň möç­ber­li iş­leriň ama­la aşy­ryl­ma­gy Gah­ry­man Ar­ka­da­gy­my­zyň «Döw­let adam üçin­dir!», hor­mat­ly Prezidentimiziň «Wa­tan di­ňe hal­ky bi­len Wa­tan­dyr! Döw­let di­ňe hal­ky bi­len döw­letdir!» di­ýen be­ýik tagly­mat­la­ry­nyň da­ba­ra­lan­ýan­dy­gy­nyň aý­dyň ny­şa­ny­dyr.

Allaýar OMAROW, Türkmenistanyň Mejlisiniň deputaty, Mejlisiň Daşky gurşawy goramak, tebigatdan peýdalanmak we agrosenagat toplumy baradaky komitetiniň agzasy.

     Gahryman Arkadagymyzyň asylly başlangyçlaryny üstünlikli durmuşa geçirýän hormatly Prezidentimiziň taýsyz tagallalary netijesinde ýurdumyzyň harby we hukuk goraýjy edaralarynyň maddy-enjamlaýyn binýadynyň  yzygiderli  berkidilmegi, döwrebaplaşdyrylmagy we ylmyň  soňky  gazanan sanly tehnologiýalary  bilen enjamlaşdyrylan  täze binalaryň  gurlup  ulanmaga berilmegi  boýunça  giň gerimli işler durmuşa geçirilýär. 

     Berkarar döwletiň täze eýýamynyň Galkynyşy döwründe ýurdumyzyň  hemişelik Bitaraplyk  hukuk derejesine  esaslanýan, diňe  goranyş häsiýetine  eýe bolan Harby doktrina laýyklykda, Milli goşunymyzyň goranmak ukybyny pugtalandyrmak, harby we hukuk goraýjy  edaralary  iň täze tehnikalar bilen üpjün etmek, harby gullukçylaryň döwrebap iş we ýaşaýyş şertlerini döretmek babatda uly işler üstünlikli durmuşa geçirilýär. Harby gullukçylar Watanymyzy goramak boýunça öz borçlaryny ähli zatdan ileri tutup, mukaddes serhetlerimizde  ýurdumyzyň hem-de halkymyzyň polat galkany, synmaz daýanjy bolmak bilen,  merdana ata-babalarymyzyň  şöhratly  ýörelgelerini mynasyp  dowam  etdirýärler. Häzirki wagtda ýurdumyzda hereket edýän birnäçe kanunlar  bilen bir hatarda, harby we hukuk goraýjy edaralara  degişli 35-den gowrak Türkmenistanyň Kanunlary hereket edýär. Olardan «Harby borçlulyk we harby gulluk hakynda», «Goranmak hakynda», «Türkmenistanyň içeri işler edaralary hakynda», «Türkmenistanyň Serhet goşunlary hakynda», «Türkmenistanyň Döwlet serhedi hakynda», «Gümrük gullugy hakynda», «Harby  ýagdaý  hakynda», «Ýarag hakynda», «Ýangyn howpsuzlygy hakynda», «Türkmenistanyň  içerki  goşunlary  hakynda», «Administratiw önümçilik hakynda», «Harby gullukçylaryň  maddy jogapkärçiligi  hakynda», «Harby gullukçylaryň hukuk ýagdaýy hakynda», «Hukuk bozulmalarynyň öňüni almak hakynda», «Adatdan daşary ýagdaýlaryň öňüniň alynmagy we ýok edilmegi hakynda» we  başga-da birnäçe Türkmenistanyň Kanunlaryny aýtmak  bolar. «Goranmak hakynda» Türkmenistanyň Kanuny Türkmenistanyň goranyşynyň esaslaryny hem-de onuň guralyşyny, goranmak meseleleri boýunça Türkmenistanyň Prezidentiniň, döwlet häkimiýet we dolandyryş  edaralarynyň ygtyýarlyklaryny, ýerine ýetiriji  ýerli häkimiýet, ýerli  öz-özüňi dolandyryş edaralarynyň, kärhanalaryň, edaralaryň, guramalaryň we olaryň wezipeli adamlarynyň wezipelerini, şeýle hem raýatlaryň hukuklaryny we borçlaryny, Türkmenistanyň Ýaragly Güýçleriniň gurluşyny we guralyşyny, goranmak çygryndaky Türkmenistanyň kanunçylygynyň, şeýle-de goranmaga degişli beýleki  hukuk kadalarynyň bozulmagy üçin  jogapkärçiligi kesgitleýär. Şeýlelikde, bu babatda ýurdumyzyň kanunçylyk-hukuk binýady döwrüň talabyna laýyklykda has-da kämilleşdirilýär.

     Ýurdumyzda «Garaşsyz, baky  Bitarap Türkmenistan — bedew batly at-myradyň mekany» diýlip yglan edilen 2026-njy ýylda ata Watanymyzyň şanly baýramy — mukaddes Garaşsyzlygymyzyň 35 ýyllyk ýubileýine  barýan Diýarymyz uly üstünliklere beslenip, belent sepgitlere ýetýär. Ýurdumyzda ýaş nesliň watansöýüji, mert, edermen, ýurduna, halkyna wepaly bolup ýetişmegine uly üns berilýär. Bu ugurda Gahryman Arkadagymyzyň «Watan goragy mukaddesdir», «Mert ýigitler gaýrat üçin dogulýar», «Mertler Watany beýgeldýär», «Türkmeniň döwletlilik ýörelgesi» ýaly atalyk kitaplary ýaşlary watançylyk ruhunda terbiýelemekde uly ähmiýete eýedir. Bu kitaplar terbiýe mekdebi bolmak bilen, harby we hukuk goraýjy edaralaryň şahsy düzüminiň jogapkärçiligini, abraýly kärine ygrarlylygyny has-da ýokarlandyrýar.

     Her ýylyň 27-nji ýanwarynda Watanymyzyň mukaddes Garaşsyzlygyny, hemişelik Bitaraplyk hukuk ýagdaýyny, konstitusion gurluşyny, asyrlardan gözbaş alýan milli gymmatlyklarymyzy goraýan Watan goragçylarynyň gününiň döwlet derejesinde dabaraly ýagdaýda bellenilmegi olara goýulýan uly hormatyň we egsilmez ynamyň subutnamasydyr.

Watan goragçylarynyň güni mynasybetli Gahryman Arkadagymyzy, Arkadagly Gahryman Serdarymyzy, agzybir halkymyzy tüýs ýürekden gutlaýarys. 

     Goý, Garaşsyz, hemişelik Bitarap Watanymyzyň Ýaragly Güýçleriniň harby kuwwatynyň pugtalandyrylmagy üçin ähli şertleri döredýän Arkadagly Gahryman Serdarymyzyň, türkmen halkynyň Milli Lideri Gahryman Arkadagymyzyň janlary sag, ömürleri uzak, belent başlary aman bolsun, ähli tutumly işleri rowaçlyklara beslensin! 

Muhammetberdi GELDIMÄMMEDOW, Türkmenistanyň Mejlisiniň deputaty, Mejlisiň Kada-kanunçylyk baradaky komitetiniň agzasy.

     Gahryman Arkadagymyzyň ýaňy-ýakynda Türkmenistanyň Prezidentiniň Ahalteke atçylyk toplumynda bolup, Türkmen bedewiniň milli baýramyna görülýän taýýarlyk işleri bilen tanyşlygyň barşynda belleýşi ýaly, üstümizdäki ýylda bu şanly sene mynasybetli guralýan toý-dabaralar ýylymyzyň şygarynyň çuň mazmunyna we belent ruhuna utgaşýar. Çünki türkmen halky müňýyllyklaryň  dowamynda  özüniň milli özboluşlylygyny, ahlak ýörelgelerini, ruhy baýlygyny saklap gelen gadymy halkdyr. Ata-babalarymyzyň  ýaşaýyş durmuşynda, kalbynda aýratyn orny eýeläp, biziň günlerimize çenli  gelip ýeten milli gymmatlyklarymyzyň naýbaşylarynyň biri-de türkmen bedewleridir.

     Berkarar Watanymyzda ahalteke bedewlerimiz milli mirasymyzyň aýrylmaz bölegi bolmak bilen bir hatarda ösüşiň, döwletliligiň we aýdyň geljege bolan ynamyň nyşany hökmünde orta çykýar. Türkmen bedewi özüniň duýgurlygy, wepadarlygy we gaýratlylygy bilen müňýyllyklaryň dowamynda halkymyzyň ýüreginde orun aldy. Kerem-keramata deňelen bedewlerimiziň keşbi türkmen edebiýatynda batyrlygyň, erkinligiň we beýik maksadyň nyşany hökmünde beýan edilýär. Dessanlarda beýan edilişi ýaly, ahalteke bedewleri öz eýelerini ýeňşe ýetirýär, söýginiň  nyşany, ylhamyň ganaty bolup çykyş edýär. Şahyrlaryň döredijiliginde bedewiň ýelden ýyndam bady diňe bir onuň çapyşynyň tizligini däl, eýsem, wagtyň özünden hem öňe geçýän ruhy okgunlylygy alamatlandyrýar. Garaşsyz, baky Bitarap Türkmenistanyň ösüş ýolunda bedew at milli  döwletlilik ýolumyzyň ruhy keşbine öwrüldi. Bedewiň batly gadamy ýaly, ýurdumyzyň ösüşi hem ynamly, durnukly we beýik maksada gönükdirilendir. Ykdysadyýetde, jemgyýetçilik durmuşynda, bilimde, ylymda we medeniýetde gazanylan üstünlikler halkymyzyň döredijilik kuwwatynyň aýdyň netijesidir.

     Berkarar döwletiň täze eýýamynyň Galkynyşy döwründe ýurdumyzda ýetilen belent sepgitler, amala aşyrylýan iri taslamalar, şäherleriň we obalaryň döwrebap keşbe eýe bolmagy bedew batly ösüşlerimiziň beýanydyr. Üstümizdäki ýylyň «Garaşsyz, baky Bitarap Türkmenistan — bedew batly at-myradyň mekany» diýen şygary hem türkmen bedewiniň waspyny has-da dabaralandyryp, milli ruhumyzyň bitewüligini alamatlandyrýar. Şanly ýylymyzda bedewlerimiz halkymyzyň hakydasynyň, medeni mirasynyň we beýik geljege bolan ynamynyň beýany hökmünde giňden wasp edilýär. Ýylyň dowamynda geçiriljek çäreler bolsa ýaş nesilleriň milli gymmatlyklarymyza bolan söýgüsini has-da artdyrar, olaryň ruhy dünýäsini baýlaşdyrar. 

     Bedew — türkmeniň päkize ýüreginiň sesi, beýik ruhunyň aýnasy, şanly taryhynyň aýrylmaz  bölegi. Garaşsyz, baky Bitarap Türkmenistanda bedew batly ösüş ýolumyz halkymyzyň agzybirligi, milli buýsanjy we geljege bolan ynamy bilen rowaçlanýar. Gahryman Arkadagymyzyň binýadyny goýan döwletli ýol-ýörelgesi häzirki wagtda Arkadagly Gahryman Serdarymyzyň ýolbaşçylygynda üstünlikli dowam etdirilýär.  Milli gymmatlyklarymyzy gorap saklamak, dünýä ýaýmak we ýaş nesillere ýetirmek ugrunda  tutumly işler ýokary derejede amala aşyrylýar.  Ähli durmuşa geçirilýän beýik işleriň özeninde bolsa halkyň bähbidi bar.

     Goý, «Garaşsyz, baky Bitarap Türkmenistan — bedew batly at-myradyň mekany» ýylynda bedew batly ösüşlerimiziň depgini has-da öňe ilerläp, Watanymyzyň abraý-mertebesi mundan beýläk-de belende göterilsin!

Amangeldi  HEZZIÝEW, welaýat häkimliginiň  baş hünärmeni, Türkmenistanyň Mejlisiniň deputaty.

     Hormatly Prezidentimiziň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly kitaby türkmen Bitaraplygynyň ähmiýetini, häsiýetli aýratynlygyny beýan edýän, halkymyzyň ynsanperwerlige, parahatçylyk söýüjilik däplerine esaslanýan syýasy ýoluny şöhratlandyrýan gymmatly gollanmadyr. Ajaýyp eseriň mazmunynda ýurdumyzyň hemişelik Bitaraplygynyň taryhy kökleri hem-de beýik üstünlikleri hakynda çeperçiligiň ýokary ussatlygynda söhbet edilýär. Arkadagly Gahryman Serdarymyzyň köňül buýsanjyna eýlenen kitabyndaky: «Parahatçylyk türkmen halkynyň diňe bir saýlap alan ýörelgesi däl, eýsem, müňýyllyklardan bäri kemala gelen ýaşaýyş pelsepesidir. Bu garaýyş ata-babalarymyzyň tebigat, jemgyýet we ynsanperwerlik bilen sazlaşykly gatnaşyklaryndan gözbaş alýar» diýen sözleri bitaraplyk taglymatynyň halkymyzyň ruhy garaýyşlary, ýaşaýyş pelsepesi bilen gabat gelip, bir bitewi sazlaşygy emele getirýändigi baradaky hakykaty açyp görkezýär. Türkmeniň ruhy dünýäsiniň hemişe parahatçylygy saklamak, adamlar bilen sazlaşykly ýaşamak düşünjesi bilen aýrylmaz baglanyşykly bolandygyny ündeýär. Taryhda ençeme döwletleri döreden halkymyzyň dünýä meşhur şäherlerinde ýaşaýşyň güýç bilen däl-de, söwda, ylym, sungat we dinler arasyndaky özara hormat bilen dowam edendigi baradaky gürrüňler hem ynsanperwerlik medeniýetiniň, dostluk ýörelgesiniň nusgasy hökmünde kitapda giňden beýan edilýär.

     Hormatly Prezidentimiziň nygtaýşy ýaly, Türkmenistanyň hemişelik Bitaraplygy ynanyşmagy ündeýän beýik taglymatdyr, parahatçylykly ýaşamagyň sungatydyr, ata-babalarymyzyň syýasy ýörelgesidir, taryhy mirasydyr. Dünýäde üç gezek ykrar edilen türkmen Bitaraplygy parahatçylyk arkaly durnukly ösüşi gazanmagyň binýady bolmak bilen, halklaryň arasyndaky dostlugy, goňşuçylyk däplerini we hyzmatdaşlyk gatnaşyklaryny pugtalandyrýan ygtybarly syýasatdyr. Bu babatda hormatly Prezidentimiz gymmatly kitabynda: «Bitaraplyk müňýyllyk parahatçylyk däp-dessurlarynyň häzirki zaman daşary syýasy görnüşindäki  beýanydyr. Taryhy tejribämiziň, medeniýetimiziň, ruhy gymmatlyklarymyzyň ykrar edilmegidir. Hyzmatdaşlygyň, söwdanyň, medeniýetiň ýolunyň has netijeli bolýandygynyň jar edilmegidir» diýip belleýär.  Arkadagly Gahryman Serdarymyzyň «Türkmenistanyň Bitaraplygy parahatçylygyň we ynanyşmagyň aýdyň ýoly» atly kitaby diňe bir türkmen Bitaraplygynyň özboluşlylygyny we gymmatyny beýan etmek bilen çäklenmän, eýsem, parahatçylygyň wekili bolmaga, geljekki nesillere mirasy ýetirmäge, adamzadyň parahatçylykly geljegini gurmakda jebisleşmäge hem özboluşly çagyryşdyr.

    Ata-babalarymyzyň miras galdyran ruhy hazynasyny — parahatçylygy wagyz etmekde, Garaşsyz Türkmenistan döwletimiziň hemişelik Bitaraplygynyň ähmiýetini dünýä ýaýmakda taýsyz tagallalary edýän hormatly Prezidentimiziň jany sag, ömri uzak, gymmatly kitaplarynyň höwri köp bolsun!

Annabagt Maýewa, welaýat baş bilim müdirliginiň mekdebe çenli terbiýe, bilim we mekdepden daşary edaralar bölüminiň  başlygy, Türkmenistanyň Mejlisiniň deputaty.