Ýy­lyň  ­şy­ga­ryn­da  ­«Ga­raş­syz­»,­ «baky­ Bi­ta­rap­»,­ «be­dew­ batly­ at­-my­ra­dyň­ me­ka­ny»­ ýa­ly gym­mat­ly­ düşünjele­riň­ orun al­ma­gy­ aý­ra­tyn­ bel­le­nil­mä­ge my­na­syp­dyr.­ Çün­ki­ türk­men hal­ky­ Garaşsyz­lyk­  bi­len­  galky­nyp,­  he­mi­şe­lik­  Bi­ta­rap­ly­gyň  goýnunda­  ba­ky­  bag­ty­ýar­lyga,­ ber­ka­rar­ly­ga­  ýet­di.­ Be­dew at­ bol­sa­ döwlet­li­li­giň­ ny­şa­ny.­ Üs­tün­li­giň,­ýe­ňşiň­ buş­luk­çy­sy.­

     Döwrümiziň hem «Berkarar döwletiň täze eýýamynyň Galkynyşy döwri» diýlip atlandyrylmagy ýöne ýere däl. Geljek otuz ýyly nazarlaýan döwrümiz bilen atdaş uzak möhletleýin maksatnamanyň, onuň çäklerinde orta we gysga möhletleýin maksatnamalaryň, konsepsiýalardyr strategiýalaryň kabul edilmegi, göz öňüne tutulan wezipeleriň ýylyň ýylyna üstünlikli durmuşa geçirilmegi hormatly Prezidentimiziň alyp barýan durmuş ugurly döwlet syýasatynyň aýdyň netijesini berýändiginiň güwäsidir.

     Ýylymyzyň şygary bilen nyşanynyň arasynda simwoliki baglanyşyk bar. Şol baglanyşyk her bir ildeşimize ruhy güýç berýär. Ol bolsa maksat tutany myradyna, arzuwyny wysala gowşurýar. 2026­-njy ýylyň nyşanynda orun alan reňkleriň, ýazgylaryň, şekilleriň giň manysy bar. Nyşanyň düşeginiň ak reňkde bolmagy aýratyn bellenilmäge mynasypdyr. Halkymyz «Ak zat alnyňa ýagşy» diýmek bilen, aklyga aýratyn gadyr goýupdyr. Ak reňkiň rysgal, döwlet, bereket getirýändigini pähimdar pederlerimiz nygtapdyrlar. Geçmişde ata-babalarymyzyň ýaşan öýlerini «ak öý» diýip atlandyrmaklarynda hem aklygyň durmuşy hemişe ýagşylyga atarýandygy baradaky ynançlary görünýär. Ýylyň nyşanynyň hem ýerliginiň ak reňkde bolmagy, galan şekilleriňdir ýazgylaryň şol aklygyň üstünden orun almagy, her bir günümiziň aklykda, ýagşylykda, bagtyýarlykda geçjekliginden habar berýär. 

     Nyşanda zeýtun agajynyň bugdaý sümmüllerine çalymdaş altynsow şahalarynyň ýerleşdirilmegi bolsa, hemişelik Bitaraplygy üç gezek ykrar edilen Türkmenistanyň daşary syýasatda parahatçylyk we ynanyşmak ýörelgelerine eýerýän «Açyk gapylar» syýasatynyň bütin dünýäde barha dabaralanýandygyny alamatlandyrýar. Şeýle mazmunyň dowamy bolan «Garaşsyz, baky Bitarap Türkmenistan — bedew batly at-­myradyň mekany» ýazgy nyşana aýratyn bezeg berýär. Ondaky gyzyl, ýaşyl, sary, gök we mawy reňkleriň sazlaşygy ýarym aýlaw görnüşli bolup, ýurdumyzyň bäş welaýatyny alamatlandyrýar. Munuň özi halkymyzyň agzybirliginiň, jebisliginiň  alamatlandyrylmasydyr. Gahryman Arkadagymyzyň «Türkmeniň döwletlilik ýörelgesi» atly kitabynda belleýşi ýaly, «Agzybirlik il-­halkymyzyň owal-ahyr ygrarly, tutuş durmuşynyň manysyna öwren ýörelgesidir». 

     Nyşanyň merkezinde mawy asmanyň reňkinde Ýer şaryny ýatladýan şekiliň ýerleşmegi asudalygyň, parahatçylygyň aňladylmasydyr. Ýer şarynyň şekiliniň içinde ýurdumyzyň kartasy orun alan. Şeýle hem türkmeniň nepis haly gölleri nyşana özboluşly görk goşýar. 

     Şanly ýylyň nyşanynyň merkezi bölegine türkmeniň uçar ganaty, toýlarynyň bezegi­-buşlukçysy ahalteke bedewiniň toý bagyny kesip barýan pursady öz beýanyny tapýar. Bu bolsa Gahryman Arkadagymyzyň «Ahalteke bedewi — biziň buýsanjymyz we şöhratymyz» atly kitabynda nygtaýşy ýaly, «At — türkmen üçin hemme zat. Bu geçmişde-­de, şu günlerem şeýle».

 Orazgeldi SAPAROW, Türkmenistanyň Mejlisiniň deputaty

     San­ly yk­dy­sa­dy­ýet äh­li dü­züm­le­riň san­ly ul­gam ar­ka­ly dolandyryl­ma­gy bi­len aý­ryl­maz bag­la­ny­şyk­ly­dyr. San­ly ulgamyň ösdürilýän döwründe tä­ze­çil tas­la­ma­la­r işjeň dur­mu­şa ge­çi­ril­ýär.

     San­ly ul­ga­my ösdürmek san­ly­laş­dyr­mak­da öň­de goý­lan wezipele­ri üs­tün­lik­li we öz wagtyn­da ýe­ri­ne ýe­tir­me­giň hökmany şert­le­ri­niň bi­ri­dir. Ýur­du­myz­da yk­dy­sa­dy­ýe­ti sanlylaşdyrma­gy üp­jün et­mä­ge gö­nük­di­ri­len ka­da­laş­dy­ryjy hukuk na­ma­la­ryň esa­sy bin­ýa­dy hök­mün­de Türk­me­nis­ta­nyň Kons­ti­tu­si­ýa­sy çy­kyş ed­ýär. Esa­sy Ka­nu­ny­my­zyň 16­-njy maddasyn­da döwle­tiň yl­myň, teh­ni­ka­nyň we teh­no­lo­gi­ýa­la­ryň ösü­şi­ne ýar­dam ed­ýän­di­gi, yl­my-­teh­ni­ki sy­ýasa­ty jem­gy­ýe­tiň we her bir ada­myň bäh­bit­le­ri­ne ýö­red­ýän­di­gi, yl­myň we teh­ni­ka­nyň ga­za­nanla­ry­nyň önüm­çi­li­ge or­naş­dy­ryl­ma­gy­nyň, şeý­le hem bu ugur­lar­da hal­ka­ra hyz­mat­daş­ly­gy­nyň gol­da­nyl­ýan­dy­gy ba­ra­da kons­ti­tu­sion ka­da­lar be­ýa­ny­ny tap­ýar. Bu bol­sa mil­li ykdysadyýe­tiň äh­li pu­dak­la­ryn­da al­nyp ba­ryl­ýan sanlylaşdyrmak  iş­le­ri­niň kä­mil de­re­je­de bol­ma­gy­na hu­kuk esas bo­lup dur­ýar. 

     Türk­me­nis­ta­nyň Kons­ti­tu­si­ýa­sy­na esas­lanýan «Döw­let yl­my­-teh­ni­ki sy­ýa­sa­ty ha­kyn­da», «Ara­gat­na­şyk ha­kyn­da», «Türkmenis­tan­da In­ter­net to­ru­nyň ösü­şi­ni we in­ter­net hyzmatlary­ny et­me­gi hu­kuk taý­dan düz­gün­leş­dir­mek ha­kyn­da», «Elektron hö­kü­met ha­kyn­da», «Elekt­ron res­mi­na­ma, elekt­ron res­mi­na­ma do­la­ny­şy­gy we san­ly hyz­mat­lar ha­kyn­da», «Kiberhowp­suz­lyk ha­kyn­da», «Mag­lu­mat we ony go­ra­mak hakyn­da», «In­no­wa­si­ýa işi ha­kyn­da», «In­teg­ral mikroshemalaryň to­po­lo­gi­ýa­la­ry­nyň hu­kuk go­ra­gy ha­kyn­da» we beý­le­ki en­çe­me Türk­me­nis­ta­nyň Ka­nun­la­ry­nyň he­re­ket et­me­gi ýur­du­myz­da in­no­wa­si­ýa­la­ryň, elekt­ron res­mina­ma dolanyşygynyň, san­ly ul­ga­my or­naş­dyrma­gyň, mag­lu­ma­tyň gorag­ly­ly­gy­nyň hu­kuk bin­ýa­dy­nyň dö­re­di­len­di­gi­ne şa­ýat­lyk edýär. Bu Ka­nun­lar­da san­ly ul­ga­myň müm­kin­çi­lik­le­ri, san­ly hyz­mat­lar, tä­ze in­no­wa­si­ýa­lar, elekt­ron res­mi­na­ma do­la­ny­şy­gy, pu­da­ga­ra elekt­ron mag­lu­mat alyş­-ça­lyş ul­ga­my ba­ra­da­ky kadalaryň öz be­ýa­ny­ny tap­ma­gy we ola­ryň hal­ka­ra hu­ku­gy­nyň umu­my yk­rar edi­len ka­da­la­ry­na hem­-de döw­rüň ta­la­by­na gö­rä kä­mil­leş­di­ri­lip du­rul­ma­gy giň müm­kin­çi­lik­ler dö­red­ýär.

     Gah­ry­man Ar­ka­da­gy­my­zyň be­ýik baş­langyç­la­ry­ny üs­tün­lik­li do­wam ed­ýän hor­mat­ly Pre­zi­den­ti­mi­ziň dur­nuk­ly yk­dy­sa­dy ösüşiň bin­ýa­dy hök­mün­de in­no­wa­sion teh­no­lo­gi­ýala­ryň, san­ly ul­ga­myň or­naş­dy­ryl­ma­gy, san­ly yk­dy­sa­dy­ýe­tiň ös­dü­ril­me­gi ugrun­da ed­ýän taý­syz ta­gal­la­la­ry ýur­du­my­zyň tä­ze ösüş­le­ri gazan­ma­gyn­da aý­ra­tyn mö­hüm äh­mi­ýe­te eýedir. San­ly ykdysady­ýe­te geç­mek­de ýur­du­myzda mak­sat­na­ma­la­ýyn iş­ler ýö­ri­te me­ýil­na­ma­lar esa­syn­da al­nyp ba­ryl­ýar.

     Ýur­du­my­zyň dur­nuk­ly dur­muş-­yk­dy­sa­dy ösü­şi­ni kesgitlemek, döw­let hyz­mat­la­ry­nyň hi­li­ni ýo­kar­lan­dyr­mak, teleke­çi­li­gi ösdürmek, mag­lu­mat-­ara­gat­na­şyk teh­no­lo­gi­ýa­la­ry­ny we innowa­si­ýa­la­ry giň­den or­naş­dyr­mak, san­ly ekoul­ga­my döretmek «Türk­me­nis­tan­da san­ly yk­dy­sa­dy­ýe­ti ös­dür­me­giň 2026­—­ 2028-­nji ýyl­lar üçin Döw­let mak­sat­na­ma­sy­nyň» baş mak­sa­dy­dyr. Bu mak­sat­la­ra ýet­mek üçin maksat­na­ma­da san­ly yk­dy­sa­dy­ýe­ti ösdür­me­giň anyk we­zi­pe­le­ri kes­git­len­di. 

     Mag­lu­mat-­ara­gat­na­şyk teh­no­lo­gi­ýa­la­ry bi­lim al­ma­gy, ylym öwren­me­gi örän ýe­ňilleş­dir­di we luk­man­çy­lyk hyz­mat­la­ry­nyň san­ly­laş­dy­ryl­ma­gy­na giň ýol aç­dy. Jem­gyýe­tiň ösü­şi ýaş nes­liň ra­ýat­lyk, wa­tan­çy­lyk, ru­hy-­ah­lak ga­ra­ýyş­la­ry­na, dünýägaraýşyna, be­den sag­ly­gy­na bag­ly­dyr. Ýaş­la­ryň ki­çi­lik­den san­ly teh­no­lo­gi­ýa­la­ry do­lan­dyr­mak en­dik­leri­ni, so­wat­ly­ly­gy­ny kä­mil­leş­dir­mek, ada­myň in­tel­lek­tual müm­kin­çi­lik­le­ri­ni peýdalan­mak san­ly yk­dy­sa­dy­ýe­te geç­mek­de mö­hüm äh­miýe­te eýe­dir.

Nepes ROZYÝEW, Türkmenistanyň Mejlisiniň deputaty, Mejlisiň Ylym, bilim, medeniýet we ýaşlar syýasaty baradaky komitetiniň agzasy.

     Berkarar döwletiň  täze  eýýamynyň  Galkynyşy döwründe her ýyl uly ösüşler gazanylýar. Muňa ýurdumyzyň milli ykdysadyýetiniň makroykdysady görkezijileriniň depginli we durnukly ösüşi hem şaýatlyk edýär. Hormatly Prezidentimiziň parasatly baştutanlygynda maksatnamalaýyn çäreleriň üstünlikli durmuşa geçirilmegi netijesinde, 2025-nji ýylda jemi içerki önümiň durnukly ösüşi 6,3 göterim artdy. Bu görkeziji senagat pudagynda 1,8 göterime, gurluşykda 7,9 göterime, ulag we aragatnaşyk  pudagynda 9,8 göterime, söwdada 9,6 göterime, oba hojalygynda 7 göterime, hyzmatlar ulgamynda 7,5 göterime deň boldy. Hasabat döwründe iri we orta kärhanalarda jemi 7 müňe golaý täze iş orny döredildi.

     2026-njy ýylyň 13-nji fewralynda hormatly Prezidentimiziň baştutanlygynda geçirilen Türkmenistanyň Ministrler Kabinetiniň giňişleýin mejlisinde «Garaşsyz, baky Bitarap Türkmenistan — bedew batly at-myradyň mekany» ýyly üçin «Türkmenistany 2026-njy ýylda durmuş-ykdysady taýdan ösdürmegiň we maýa goýum Maksatnamasynyň» kabul edilmegi hem mukaddes Garaşsyzlygymyzyň şanly 35 ýyllyk toýunyň bellenilýän ýylynda bedew batly ösüşleriň çelgisini kesgitleýän möhüm resminama bolup çykyş edýär. Bu resminama ministrlikler, pudaklaýyn dolandyryş edaralary, welaýatlaryň, Aşgabat we Arkadag şäherleriniň häkimlikleri bilen bilelikde işlenip taýýarlanyldy. Maksatnamanyň taslamasynda  2026-njy ýylda ýetilmeli makroykdysady görkezijiler, ykdysadyýetiň ähli pudaklary boýunça önümçilik meýilnamalary, ýerine ýetirilmeli işler, Aşgabat we Arkadag şäherleri, welaýatlar boýunça durmuş-ykdysady, maýa goýum görkezijileri bellenildi. Şeýle-de onda ilatymyzyň girdejilerini yzygiderli artdyrmak, ýaşaýyş-durmuş derejesini has-da gowulandyrmak bilen bagly çäreler göz öňünde tutuldy.

    «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda» bellenen wezipeleri üstünlikli durmuşa geçirmek üçin bir ýyllyk Maksatnama taýýarlanylmagy möhüm ähmiýetlidir. Maksatnama laýyklykda, ýokarda bellenilip geçilişi ýaly, möhüm makroykdysady görkeziji bolup çykyş edýän jemi içerki önümiň  2026-njy ýylda ösüş depginini 6,3 göterimde saklamak meýilleşdirilýär. Bu görkeziji ösüp barýan ýurtlaryň ykdysadyýeti üçin çaklanylýan amatly görkeziji hasaplanylýar. Şeýle amatly görkezijiniň dünýäde ýüze çykýan sebitleýin we ählumumy oňaýsyz ýagdaýlara garamazdan, saklanyp galmagy ýurdumyzyň ykdysady binýadynyň sagdynlygyny alamatlandyrýar. Iş üpjünçiligini ýokarlandyrmak, işsizligi aradan aýyrmak hem ýurtlaryň esasy makroykdysady görkezijileriniň biri, şeýle hem ýurduň çäginde alnyp barylýan durmuş syýasatynyň aýrylmaz bölegi bolup durýar. Şu ýagdaýda ýurdumyzyň sebitlerini durnukly ösdürmek, önümçilik kärhanalaryny doly güýjünde işletmek, täze kärhanalary gurmagyň hasabyna 5 müň 300-e golaý täze iş ornuny döretmek wezipesi ýurdumyzda 2026-njy ýylda garaşylýan möhüm sepgitleriň biridir. 

     «Türkmenistany 2026-njy ýylda durmuş-ykdysady taýdan ösdürmegiň we maýa goýum Maksatnamasynda» ýurdumyzyň ykdysadyýetine  maliýeleşdirmegiň  ähli çeşmeleriniň hasabyna jemi 41,2 milliard manada golaý maýa goýumlary gönükdirmek meýilleşdirilýär. Şeýle ýokary mukdarda maýa goýum serişdeleriniň önümçilige goýberilmegi geljekki ýyllar üçin ýurdumyzyň  milli ykdysadyýetiniň bedew batly ösüşleriniň täze çelgilerini kesgitlemäge, ilatyň ýaşaýyş-durmuş derejesiniň ýokarlandyrylmagyny, täze iş orunlarynyň we hyzmatlaryň görnüşiniň işe girizilmegini alamatlandyrar. Mundan başga-da, maýa goýum mukdary «Multiplikator täsiri» ykdysadyýetde ilkinji  maýa goýumynyň ýa-da çykdajynyň jemi içerki önümiň birnäçe esse artmagyna getirýär. Bu ýagdaý ýakyn ýyllarda ýurdumyzyň jemi içerki önüminiň durnukly ösüşini kepillendirýär. 

     Ýurdumyzy ähli ugurlar boýunça ösdürmegiň uzak geljegini aýdyň kesgitleýän hem-de beýik maksatlara ýetmek ugrunda ynsanperwer döwlet syýasatyny durmuşa geçirýän hormatly Prezidentimiziň, Gahryman Arkadagymyzyň janlary sag, belent başlary aman bolsun!

Kerimguly GELDIÝEW, Türkmenistanyň Mejlisiniň Halkara we parlamentara aragatnaşyklar baradaky komitetiniň agzasy.

     Türk­men hal­ky «Ga­raş­syz, ba­ky Bi­ta­rap Türk­me­nis­tan — bedew bat­ly at-my­ra­dyň me­ka­ny» ýy­lyn­da mu­kad­des Garaşsyzlygy­my­zyň şan­ly 35 ýyl­lyk baý­ra­my­ny bel­lemä­ge uludan taý­ýar­lyk gör­ýär. Özyg­ty­ýarly ösü­şiň şan-şöh­ra­ta beslenen ýyllarynyň ýur­du­my­zyň ta­ry­hyn­da aý­ra­tyn buý­sanç­ly döwürdigini bel­le­mek mö­hüm­dir. Çünki hal­ky­myz Ga­raş­syz döw­let hök­mün­de dün­ýä çyk­ma­gyň ru­hy gal­ky­ny­şy­ny başdan geçi­rip, bo­le­lin­li­giň hö­zi­ri­ni gö­rüp, bag­ty­ýar dur­mu­şyň eş­re­ti­ni du­ýup ýa­şamak ýa­ly be­ýik döw­re ýet­di.

     Türkmen halky Gahryman Arkadagymyzyň  hem-de hormatly Prezidentimiziň döreden, kämilleşdiren, ösdürýän döwletlilik ýoly bilen ynamly hereket edip, durmuş-ykdysady ösüşde uly üstünlikleri gazanýar, ägirt uly maksatnamalary amala aşyrýar. Garaşsyz, baky Bitarap Türkmenistan, syýasy-jemgyýetçilik, ruhy-aňyýet ugurlarynda bolşy ýaly, durmuş-ykdysady ösüşlerde-de öz milli ýörelgelerini kemala getiren ýurtdur. Ähli döwürde, ähli ýurtda bolşy ýaly, döwletiň ykdysady binýady halkyň ýaşaýşynyň esasydyr we hil görkezijisidir. Ykdysady ösüş döwleti dolandyrmagyň baş wezipesi bolup, bu babatda her bir döwletiň öňünde ägirt uly jogapkärçilik durýar.

     Türkmenistanyň Konstitusiýasynyň 13-nji maddasynda: “Döwlet adamyň we jemgyýetiň bähbitlerine ykdysady işi düzgünleşdirmegi amala aşyrýar, ähli halkyň abadanlygyna durnukly ösüşi üpjün edýär” diýlip kesgitlenendir. Şeýle hem Esasy Kanunymyzda Türkmenistanyň her bir adamyň durmuş taýdan goraglylygyny kepillendirýän döwletdigi bellenilýär. Bu kesgitlemeleriň durmuşda öz beýanyny tapmagy ugrunda döredilýän ykdysady şertler döwletimiziň Garaşsyzlyk eýýamyndaky durmuş-ykdysady syýasatynyň aýratynlyklaryny ýüze çykarýar. Garaşsyzlyk döwrüniň jemgyýetçilik durnuklylygyny saklamakda, halkyň durmuş goraglylygyny üpjün etmekde döwletiň ykdysadyýetimiziň esasy kuwwatlyklaryna eýeçilik babatdaky meselelere örän aýawly we oýlanyşykly çemeleşmegi zerurdyr. Milli kanunçylykda ýerüsti we ýerasty baýlyklaryň Türkmenistanyň umumymilli baýlygy bolup durýandygy, olaryň döwlet tarapyndan goralýandygy hem-de rejeli peýdalanylmagynyň kanun esasynda üpjün edilýändigi bellenendir. Bu bolsa eýeçiligi özgertmek, bazar gatnaşyklaryna geçmek bilen bagly meseleleri döwletiň­dir halkyň bähbidine çözmekde dogry çözgütleri tapmaga ýardam eden şertleriň biri boldy.

     Tebigy baýlyklardan başga-da, ykdysady düzümleriň esasy pudaklary hem döwlet eýeçiliginde bolmak bilen, olar umumymilli  ösüşiň  berk daýanjyna öwrüldi. Aziýa we Ýewropa yklymlarynyň çatrygynda, amatly çäkde ýerleşýän Türkmenistanyň dünýäniň iri energetika döwleti bolmagy hem-de beýleki ykdysady serişdeleriň ägirt uly mümkinçilikleri ýurdumyzda bu şertleri has giň­den ulanyp, ösen ykdysadyýetli milli jemgyýeti kemala getirmäge ýardam berdi. Ösüş di­ňe tebigy we ykdysady mümkinçilikler bilen çäklenmeýär. Bu babatda örän oýlanyşykly, öň­dengörüjilikli döwlet syýasaty zerurdyr. Güýçli, kuwwatly döwletiň ösen jemgyýeti gurmakda mümkinçiliginiň uly bolýandygyny döwrüň hakykaty hökmünde öz ösüş ýolunyň dowamynda dünýä äşgär eden Türkmenistanda önümçilik düzümlerini döretmekde, ylym-bilim, medeniýet ulgamlaryny, saglygy goraýşy, sporty ösdürmekde, ýurdumyzyň harby-goranyş kuwwatyny döwrebaplaşdyrmakda düýpli işler amala aşyryldy. Şol bir wagtda Diýarymyz her ýyl üçin meýilleşdirýän Döwlet býujetiniň serişdeleriniň agramly bölegini durmuş goraglylygyny üpjün etmäge gönükdirýär.

     Durmuş-ykdysady düzümleri döretmekde we ösdürmekde örän paýhasly hereket edilmegi, ýurduň, halkyň derwaýys zerurlyklarynyň aýratyn göz öňünde tutulmagy Garaşsyzlyk döwrüniň ykdysady syýasatynyň üstünlikli tarapy boldy. Mysal üçin, ilkibaşda dokma pudagynyň täze önümçilik düzümleriniň döredilmeginiň milli ykdysadyýetimiziň döwrebap ösdürilmeginde örän ýerlikli çözgüt bolandygyny bellemek möhümdir. Bu bolsa oba hojalygynda pagtaçylyk möhüm orun eýeleýän ýurdumyzda dokma senagatyny ösdürmegiň birnäçe meselelerini çözmäge ýardam etdi. Gowaça ösdürip ýetişdirmegiň möçberini durnukly saklamak, bu ugurda gaýtadan işleýän önümçiligi has-da giňeltmek, pudaga täze tehnologiýalary ornaşdyrmak bilen, öndürilýän önümleriň eksport mümkinçiligini artdyrmak, iş orunlaryny döretmek, oba hojalygyny girdejili pudaga öwürmegi çaltlandyrmak babatda dokma senagatynyň döwrebap düzümlerini çalt depginde döretmegiň ähmiýeti uly boldy.

     Döwletiň hem-de daşary ýurt maýa goýumlaryny çekmek arkaly gazhimiýa senagatynyň, nebiti gaýtadan işlemegiň, gurluşyk serişdelerini öndürmegiň täze kuwwatlyklarynyň döredilmeginde bitirilýän işler milli ykdysadyýetimizi döwrüň talaplaryna görä, ýokary derejede kemala getirmekde, ýurdumyzyň eksport mümkinçiliklerini artdyrmakda örän ähmiýetlidir. Balkan welaýatynyň Garabogaz şäherinde, Gyýanly şäherçesinde gazhimiýa kärhanalarynyň, Ahal welaýatynda aýna zawodynyň, tebigy gazdan benzin öndürýän zawodyň gurulmagy, Mary welaýatyndaky “Galkynyş” gaz käniniň özleşdirilip, ol ýerde eksport üçin harytlyk gaz öndürmäge niýetlenen kuwwatly önümçilikleriň açylmagy, Lebap, Balkan, Ahal welaýatlarynda sement zawodlarynyň işiniň ýokary derejede ýola goýulmagy ýurdumyzyň durmuş-ykdysady ösüşinde wajyp orny eýeläp, diwersifikasiýa ýoly bilen daşarky bazarlara çykmaga şert döretdi.

     Türkmenbaşyda Halkara de­ňiz portunyň ulanmaga berilmegi, Aşgabatda, Kerkide, Balkanabatda täze Halkara howa menzilleriniň gurulmagy, Daşoguzda, Maryda, Türkmenabatda howa menzilleriniň döwrebaplaşdyrylmagy we ösüş üçin ägirt uly ähmiýeti bolan beýleki desgalaryň gurluşygy Türkmenistanyň halkara ykdysady hyzmatdaşlyk strategiýasynyň ösüşlerini kepillendirýän, onuň mümkinçiliklerini has-da artdyrýan anyk şertler boldy. Gahryman Arkadagymyz senagat taýdan tapgyrlaýyn ösüşi häsiýetlendirmek bilen, ykdysady ösüşiň iki döwri baradaky garaýşyny öňe sürdi we onuň birinji döwrüniň 2018 — 2024-nji ýyllary öz içine alýandygyny belledi. Bu döwürde, esasan, geologiýa çig mallarynyň ähli görnüşlerini senagat taýdan özleşdirmäge çekmek boýunça iri möçberli taslamalar amala aşyryldy. Öz çig malymyzy senagat taýdan gaýtadan işlemegi çuň­laşdyrylan ýagdaýda ösdürmek dowam etdirildi. Senagatlaşdyrmagyň  ikinji döwri 2025 — 2030-njy ýyllar diýlip kesgitlenildi. Bu döwrüň esasy häsiýetli aýratynlygy hökmünde innowasiýalaryň, sanly ulgamyň, maglumat tehnologiýasynyň giň­den ornaşdyrylyp, senagat taýdan ösüşiň başga hilli görnüşine geçilmegi göz öňünde tutulandyr. Arkadagly Gahryman Serdarymyzyň öň­dengörüjilikli syýasaty esasynda bu ugurda netijeli çäreler durmuşa geçirilýär.

     Milli Liderimiziň ýurdumyza baştutanlyk eden ýyllarynda milli ykdysadyýetimiziň döwlete we halkymyza bähbitli bolan möhüm pudagyny — hususy eýeçiligi ösdürmekde taryhy ädimler ädildi. Ykdysady ösüşiň bu ugruny bütinleý täzeden ýola goýmak döwlet hem jemgyýetçilik ösüşiniň köp taraplaryny öz içine alýardy we bu babatda halkyň milli durmuş ýörelgelerinden ugur alyp, howlukman öňe gitmek zerurdy. Gahryman Arkadagymyz ykdysadyýetimiziň bazar gatnaşyklaryna geçmegini ilerletmekde düýpli özgertmeleri amala aşyryp, Watanymyzyň ykdysady kuwwatynyň çalt depginde artmagy üçin hususy işewürligiň ösdürilmegine gönükdirilen köp çäreleri durmuşa geçirdi. Garaşsyzlyk eýýamynyň ykdysady ösüşleriniň iň dogry çözgütleriniň biri-de bazar gatnaşyklaryna örän oýlanyşykly, tapgyrlaýyn geçilmegi boldy. Bu barada türkmen halkynyň Milli Lideri: “Bazar gatnaşyklaryna has çuň­ňur girişmäge çynlakaý üns berýäris. Bu, hiç hili ulaldyp aýtmanyň­da-da, biziň öň­dengörüjilik bilen, akylly-başly ýola goýan, barha ösdürýän örän ähmiýetli işlerimiziň biridir. Şonuň netijesinde ýurdumyzyň esasy maýa goýumlarynyň umumy göwrüminde hususyýetçileriň paýy döwlet kärhanalarynyň we guramalarynyň paýyna seredeniň­de görnetin artýar. Munuň özi, hakykatdan-da, biziň döwletimiziň gazanýan aýratyn uly üstünliklerindendir” diýip nygtaýar.

     13-nji fewralda geçirilen Ministrler Kabinetiniň gi­ňişleýin mejlisinde hormatly Prezidentimiz “Türkmenistany 2026-njy ýylda durmuş-ykdysady taýdan ösdürmegiň we maýa goýum Maksatnamasyna” laýyklykda, “Garaşsyz, baky Bitarap Türkmenistan — bedew batly at-myradyň mekany” ýylynda kiçi we orta telekeçiligi ösdürmek wezipesiniň wajypdygyny aýdyp, jemi içerki önümiň düzüminde hususy pudagyň paýyny 72,9 göterime ýetirmegiň göz öňünde tutulýandygyny mälim etdi. Ýangyç-energetika pudagy ýaly strategik önümçilikden başga, beýleki ykdysady pudaklaryň öndürýän önümleriniň arasynda hususy bölegiň paýynyň şeýle ýokary derejä ýetirilmegi Watanymyzyň ykdysady syýasatynyň oňyn netijesidir. Şunda garaşsyz ösüş ýyllarynda hususy pudagy taýýar önümçilikleri howul-hara hususylaşdyrmagyň hasabyna däl-de, işewürleriň başarnygy bilen, täze düzümleri oýlanyşykly döretmek arkaly ösdürmegiň örän bähbitli bolandygyny bellemek gerek. Hususy işewürlik di­ňe bir ykdysady pudak bolmak bilen çäklenmän, eýsem, ol jemgyýetçilik gatnaşyklarynda, durmuş ýörelgelerinde, kanunçylyk-hukuk babatda-da özboluşly, aýratyn bir hereket ulgamy bolup durýar. Şeýle ulgamy döretmäge kem-kemden, tapgyrlaýyn geçilmegi Garaşsyzlyk eýýamynyň milli ykdysadyýetiniň döwrebap, çeýe, durmuşa ukyply ösüş hereketini sazlaşykly alyp gitmegiň berk esasyny döretmäge ýardam berdi. Döwletimiziň dolandyryjy, kanun çykaryjy, ýerine ýetiriji häkimiýetleri bilen ýakyn hyzmatdaşlykda, ykdysady ösüşiň möhüm pudagy hökmünde jemgyýetde öz ornuny pugtalandyran hususy pudak öz mümkinçilikleri bilen ýurdumyzyň hem-de tutuş jemgyýetiň bähbitlerine netijeli işleri durmuşa geçirmekde belent derejelere ýetdi.

     Hökümetiň gi­ňişleýin mejlisinde Arkadagly Gahryman Serdarymyz: “Biz şu ýyl Aşgabat şäheriniň “Parahat — 7” ýaşaýyş toplumynda 30 sany ýaşaýyş jaýyny hem-de köp sanly söwda we hyzmatlar öýlerini, Büzmeýin etrabyndaky ýaşaýyş jaý toplumynda 46 sany häzirki zaman ýaşaýyş jaýyny, paýtagtymyzda 127 sany iki gatly kottej görnüşli ýaşaýyş jaýyny, 4 müň orunlyk köpugurly medeni merkezi gurup ulanmaga tabşyrarys. Şeýle-de Aşgabatda Halkara pediatriýa, Halkara onkologiýa ylmy-kliniki merkezlerini we Stomatologiýa merkezini ulanmaga bereris. “Arçman” şypahanasynda bolsa 400 orunlyk täze binalar toplumy raýatlara hyzmat edip başlar” diýip nygtady. Şeýle-de şu ýyl Aşgabat — Türkmenabat ýokary tizlikli awtomobil ýolunyň Mary — Türkmenabat bölegi, Balkan welaýatynyň Gyzylarbat etrabynda täze, döwrebap oba, Gyzylarbat etrabynda köpugurly elektrik stansiýasy, Türkmenbaşy etrabynyň Guwlymaýak şäherçesinde ýaşaýyş jaýlar we binalar toplumy ulanmaga berler. Türkmen döwlet binagärlik-gurluşyk institutynyň, Seýitnazar Seýdi adyndaky Türkmen döwlet mugallymçylyk institutynyň täze binalar toplumlary dabaraly açylar.

     Bir ýylda bitiriljek bu giň gerimli işler, ýylyň-ýylyna yzygiderli dowam edýän il-ýurt bähbitli özgertmeler Gahryman Arkadagymyz tarapyndan başy başlanyp, hormatly Prezidentimiziň baştutanlygynda üstünlikli amala aşyrylýan durmuş-ykdysady syýasatyň taryhy ähmiýetli beýik ösüş ýolunyň ýokary derejesini görkezýär. Bu ýol türkmen halkyny täze sepgitlere tarap ynamly öňe alyp barýar.

 Ata SERDAROW, Türkmenistanyň Demokratik partiýasynyň başlygy, Mejlisiň deputaty.

     «Watanyňa we halkyňa tüýs ýüregiň bilen hyzmat etmek dünýäde hemme zatdan arzylydyr, ezizdir» diýip nygtaýan hormatly Prezidentimiziň parasatly baştutanlygynda Berkarar döwletiň täze eýýamynyň Galkynyşy döwründe ýurdumyzda raýatlaryň abadan hem bagtyýar durmuşda ýaşamagy, aýratynam, ata Watanymyzyň geljegi bolan ýaşlaryň ösen aň-düşünjeli, sagdyn, ýokary adamkärçilikli adamlar bolup ýetişmekleri üçin giň şert-mümkinçilikler döredilýär. Döwlet Baştutanymyzyň  taýsyz tagallasy bilen müňýyllyklara uzaýan ak ýoluň ajaýyp ösüşlere beslenýän döwründe ýurdumyzyň haýsy ulgamyny alsaňam, onuň kämillik derejesine ýetendiginiň şaýady bolýarsyň. Bu zatlaryň ählisi hem halkymyzyň agzybirligi  hem-de yhlasly  zähmetiniň  netijesinde amala aşýar. Garaşsyz, baky Bitarap Türkmenistan Watanymyzda amala aşyrylýan jemgyýetçilik-syýasy özgertmeler döwletimiziň ykdysady hem-de durmuş taýdan durnukly ösüşini üpjün edýär. Halkymyzyň ýaşaýyş-durmuşyny belent derejelere göterýär. «Berkarar döwletiň täze eýýamynyň Galkynyşy: Türkmenistany 2022 — 2052-nji  ýyllarda  durmuş-ykdysady taýdan ösdürmegiň Milli maksatnamasy» mukaddes Watanymyza bolan söýgimizden kemal tapan maksatlarymyzyň binýadydyr. Şeýle uzak  möhletleýin  maksatnama döwlet Baştutanymyzyň daşynda jebisleşen halkymyzyň belent maksat-tutumlaryny bir ugra gönükdirýär.

     Ýurdumyzyň ähli ýerlerinde bolşy ýaly, welaýatymyzda hem ägirt uly özgertmeler amala aşyrylyp, obalar, şäherçeler, şäherler has özgerdi. Diýarymyz durnukly ösüşi üpjün etmegiň milli ýörelgesi bilen halkara jemgyýetçilikde nusgalyk derejä göterildi. Şonuň netijesinde-de ösüşi hem-de parahatçylygy üpjün etmek babatda ägirt uly işler amala aşyrylýar. Bu bolsa Garaşsyz Watanymyzyň hemmetaraplaýyn ösmeginiň özboluşly kepilnamasydyr. Syýasatda, ykdysadyýetde gazanylýan üstünlikler halkymyzyň bolelin, abadan hem eşretli durmuşda ýaşamagyny üpjün edýär. Durnukly ösüş bolsa, ilkinji nobatda, ýurduň durmuş-ykdysady taýdan gülläp ösmegidir, adamlaryň ýaşaýyş derejesiniň gowulanmagydyr. Şeýle bolansoň, maksatnamalaýyn amala aşyrylýan işler Watanymyzyň dünýä ykdysadyýetine işjeň goşulyşmagyna ýardam etmek bilen birlikde, halkymyzyň ýaşaýyş-durmuş derejesini has-da ýokarlandyrmaga, bagtyýar durmuşda ýaşamagyny, sagdyn durmuş ýörelgesiniň rowaçlanmagyny üpjün etmäge gönükdirilendir. Türkmenistanyň senagat taýdan ösen döwlete öwrülmegi, sanly ykdysadyýetiň durmuşymyza giňden ornaşdyrylmagy, täze iş orunlarynyň döredilmegi, ýurdumyzyň we onuň sebitleriniň ykdysady kuwwatyny berkitmäge gönükdirilen çäreleriň yzygiderli geçirilmegi muňa giň mümkinçilik berýär. 

     Umuman, bagtyýarlyk bilen gurşalan döwrümizde badalga berilýän her bir başlangyç, kabul edilýän her bir maksatnama, ilkinji nobatda, adam hakyndaky aladadan, hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen ýörelgesinden gözbaş alýar. Gazanylýan üstünlikler, ýetilýän belent sepgitler Watanymyzyň, halkymyzyň abraý-mertebesini belende göterýär. 

     Goý, Watanymyzy «Garaşsyz, baky Bitarap Türkmenistan — bedew batly at-myradyň mekany» ýylynda hem mukaddes Garaşsyzlygymyzyň  şuglaly ýolundan bedew bady bilen ynamly öňe alyp barýan Gahryman Arkadagymyzyň we hormatly Prezidentimiziň janlary sag, ömürleri uzak bolup, il-ýurt bähbitli beýik işleri barha rowaç alsyn! 

Şemşat MÄMIÝEWA, Balkanabat şäheriniň Gumdag şäherçesiniň hassahanasynyň baş lukmanynyň orunbasary, Türkmenistanyň Mejlisiniň deputaty.

     Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde halkymyzyň saglygy, abadan we bagtyýar durmuşy bilen bagly meseleler döwlet syýasatynyň ileri tutulýan wezipeleriniň hatarynda kesgitlenilýär. Muňa Berkarar döwletiň täze eýýamynyň Galkynyşy döwründe milli saglygy goraýyş ulgamyny ösüşleriň täze belentliklerine çykarmak ugrunda alnyp barylýan asylly işler hem aýdyň şaýatlyk edýär. 

     Ýaňy-ýakynda hormatly Prezidentimize Bütindünýä Saglygy Goraýyş Guramasynyň «Saglygy goraýyşda parahatçylygy, agzybirligi we diplomatiýany öňe sürmekde goşan goşandy üçin» atly ýörite sylagynyň gowşurylmagy ýurdumyzda saglygy goraýyş ulgamynda alnyp barylýan işlere we gazanylýan netijelere dünýä jemgyýetçiligi tarapyndan berilýän ýokary bahanyň ykrarnamasydyr.

     Türkmenistan dünýä derejesinde sagdynlygy we abadançylygy üpjün etmek, adamlaryň saglygyny, beden hem ruhy taýdan sazlaşykly ösüşini gazanmak, daşky gurşawyň arassalygyny gorap saklamak, saglygy goraýyş ulgamyny kämilleşdirmek meselelerinde Birleşen Milletler Guramasynyň ýöriteleşdirilen düzümleri bolan Bütindünýä Saglygy Goraýyş Guramasynyň, Çagalar gaznasynyň, Ilat gaznasynyň saglygy goraýyş, ilat we ösüş ugrundaky umumy strategiýalaryny goldaýar. Ýurdumyz olar bilen bilelikdäki taslamalardyr maksatnamalary üstünlikli durmuşa geçirip, bu ugurda möhüm başlangyçlary öňe sürýär.

     Köp ýyllaryň dowamynda ýurdumyzyň saglygy goraýyş ulgamyna ýolbaşçylyk eden Gahryman Arkadagymyzyň asylly başlangyjy bilen öňe sürlen we işlenip taýýarlanylan «Saglyk» Döwlet maksatnamasynyň yzygiderli durmuşa geçirilmegi netijesinde täze taryhy eýýamymyzda saglygy goraýyş ulgamynyň işi düýpli kämilleşdirildi. Şunuň bilen bir hatarda jemgyýetimizde sagdyn durmuş ýörelgelerini ornaşdyrmak, ilaty bedenterbiýe, sport bilen meşgullanmaga köpçülikleýin çekmek, öňüni alyş işlerini geçirmek, ýokanç keselleri irki döreýiş wagtynda anyklamak we netijeli bejermek bilen bagly işlerde uly üstünliklere ýetildi.

     Gahryman Arkadagymyzyň düýbüni tutan döwletli ýörelgeleriniň hormatly Prezidentimiz tarapyndan üstünlikli dowam etdirilmegi netijesinde ýurdumyzda amala aşyrylýan giň gerimli maksatnamalar, uzak geljegi nazarlaýan taslamalar diňe bir halkymyzyň däl, eýsem, umumadamzat bähbitlerine gönükdirilýär. Häzirki günlerde paýtagtymyzda dünýä ülňülerine laýyk gelýän Halkara pediatriýa, Halkara onkologiýa ylmy-kliniki merkezlerini we Stomatologiýa merkezini ulanmaga bermek, «Arçman» şypahanasynda bolsa 400 orunlyk täze binalar toplumyny işe girizmek bilen bagly alnyp barylýan düýpli işler hem şu asylly maksatdan ugur alýar. Hut şu mynasybetli Arkadagly Gahryman Serdarymyza Bütindünýä Saglygy Goraýyş Guramasy tarapyndan «Saglygy goraýyşda parahatçylygy, agzybirligi we diplomatiýany öňe sürmekde goşan goşandy üçin» atly abraýly sylagyň gowşurylmagy tutuş halkymyzda çäksiz buýsanç döredýär. Biz hormatly Prezidentimizi bu ýokary derejeli sylagy bilen tüýs ýürekden gutlap, janynyň sag, ömrüniň uzak, mertebesiniň belent bolmagyny, halkymyzyň abadançylygynyň, ýurdumyzyň kuwwatlanmagynyň bähbidine amala aşyrýan beýik işleriniň hemişe rowaç almagyny arzuw edýäris.

Gadam HEMRAÝEW, welaýat saglygy goraýyş müdirliginiň  başlygynyň orunbasary, Türkmenistanyň  Mejlisiniň deputaty.

— Etrabymyzyň 2025-nji ýylyň jemleri boýunça ýeňiji bolup,Türkmenistanyň iň gowy etraby diýlip kesgitlenendigi baradaky habar biziň başymyzy göge ýetirip, kalbymyzy joşdurdy. Çünki bu, goýny 360 pirli topragymyza, onuň taryhyna, häzirki döwürdäki bedew batly ösüşlerine, gazanýan netijelerine uly hormat hem-de ýokary baha boldy. 

     Ähli halkymyz bilen birlikde, geçen ýyl etrabymyzyň ýaşaýjylary üçin hem örän düşümli, ýatdan çykmajak ýyllaryň biri boldy. Etrabymyzyň çäginde hormatly Prezidentimiziň tagallasy bilen döredilen Bitaraplyk şäherçesiniň dabaraly ýagdaýda açylmagy hem munuň aýdyň mysalydyr. Biz häzirki wagtda bu ajaýyp şäherçäniň bagtyýar ýaşaýjylary hökmünde özümize şeýle eşretli durmuşyň miýesser bolandygyna örän guwanýarys. Bize şeýle bagtyýarlygy peşgeş beren Gahryman Arkadagymyzyň we Arkadagly Gahryman Serdarymyzyň ömürleriniň uzak, alyp barýan işlerinde uly üstünlikleriň hemra bolmagyny tüýs ýürekden arzuw edýäris.

Aýgözel KUTLYÝEWA, Köneürgenç etrap bilim bölüminiň hünärmeni, Türkmenistanyň Mejlisiniň deputaty:

     Her bir güni uly üstünliklere beslenýän güneşli ülkämizde hormatly Prezidentimiz Arkadagly Gahryman Serdarymyzyň baştutanlygynda “Garaşsyz, baky Bitarap Türkmenistan — bedew batly at-myradyň mekany» ýylynda-da has-da belent sepgitlere ýetmek ugrunda tutumly işlere badalga berilýär. Döwletimizde amala aşyrylýan düýpli özgertmeler jemgyýetçilik durmuşynyň ähli ugurlaryny gurşap alýar. 

     2026-njy ýylyň “Garaşsyz, baky Bitarap Türkmenistan — bedew batly at-myradyň mekany» diýlip atlandyrylmagy göwünlerimizi joşdurdy. Täze taryhy eýýamda ahalteke bedewleri Türkmenistanyň esasy nyşanyna, nesilleriň aýrylmaz arabaglanyşygyna öwrüldi. Ýylky ýylynyň ajaýyp şygary we nyşany il-günümizde buýsanç duýgularyny döretdi. Berkarar döwletiň täze eýýamynyň Galkynyşy döwründe ähli ugurlarda gazanylýan beýik ösüşler her bir ynsany guwandyrýar. Gahryman Arkadagymyz “Atda wepa-da bar, sapa-da” atly kitabynda: “Bedew — ösüşlere ýetmegiň nusgasy, bizi beýik üstünliklere telwaslandyrýan uly güýç” diýip, belleýär. 

     Görnüşi ýaly, atyň wepasy ajaýyp duýgulary, ynsana bolan ýakynlygy özünde jemleýär. Halk arasynda “At üstüne müneni tanar”, «At — ýigidiň diregi, haly — gyzyň ýüregi”, “At saklamak — han saklamak”, «At rysgaly alnynda”, “At aýlanyp, gazygyny tapar, suw aýlanyp, ýarygyny”, “At agynan ýerde toý bolar”, “At ady bilen ýigit ody bilen”, «At basyşyndan belli, är — bakyşyndan” ýaly, türkmen halk döredijili ginde at bilen baglanyşykly nakyllar bar. 

     Bedew sarpasyny belende göterýän, döwletimiziň at-abraýynyň, şan-şöhratynyň ýokary göterilmeginde ägirt uly işleri alyp barýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli, dünýä ähmiýetli tutumly işleri hemişe üstünliklere beslensin! 

Maral GARAGULOWA. Baýramaly etrabyndaky 22-nji orta mekdebiň mugallymy, Türkmenistanyň Mejlisiniň deputaty.

     Berkarar döwletiň täze eýýamynyň Galkynyşy döwründe 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» diýlip atlandyrylmagy türkmen halkynyň müňýyllyklardan gözbaş alýan milli gymmatlyklaryna goýulýan belent sarpanyň aýdyň nyşany boldy. Bu şygar halkymyzyň taryhy ykbalynyň, ruhy dünýäsiniň hem-de ýaşaýyş pelsepesiniň jemlenmesi hökmünde ulus-ilimizi galkyndyrdy. 

     Bedew ýylynda Garaşsyzlygymyzyň şanly 35 ýyllygynyň giňden baýram ediljekdigi buýsanjymyzy artdyrýar. Toýlaryň bezegi hasaplanylýan behişdi bedewlerimiz öz gözelligi, okgunly bady bilen şan-şöhratymyzy dünýä ýaýýar. Munuň aýdyň mysaly hökmünde Monako Knýazlygynyň Monte-Karlo şäherinde geçirilen 48-nji halkara sirk sungaty festiwalynda «Galkynyş» milli at üstündäki oýunlar toparynyň gazanan üstünliklerini görkezmek bolar. Bu festiwalda topar sirk sungatyna goşan uly goşandy üçin halkara şahadatnamalar bilen sylaglanyldy. Bu waka şanly ýylyň özboluşly badalgasyna öwrüldi. 

     Şeýle-de, golaýda Gahryman Arkadagymyzyň Köpetdagyň eteginde ýerleşýän Arkadag şäherindäki Aba Annaýew adyndaky Halkara atçylyk akademiýasyna we “Görogly” adyndaky Döwlet atçylyk sirkine baryp görmegi, şol ýerde “At — myrat” okuw merkeziniň çagalary hem-de “Galkynyş” milli at üstündäki oýunlar toparynyň agzalary bilen duşuşmagy ildeşlerimizde uly guwanç we hoşallyk duýgusyny döretdi. Bu duşuşyklar ýaşlaryň bedewlere bolan gyzyklanmasyny has-da güýçlendirdi. 

     Milli Liderimiziň “At — myrat” okuw merkezine Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan 1 million 500 müň manat möçberinde sowgat berilýändigini aýtmagy jemgyýetimizde gyzgyn goldaw tapdy. Bu sahawatly ädim çagalaryň bedewlere bolan söýgüsini artdyrmakda, olaryň kalbynda mähir we watansöýüjilik duýgularyny terbiýelemekde aýratyn ähmiýete eýe boldy.

     Hormatly Prezidentimiziň «Galkynyş» milli at üstündäki oýunlar toparynyň maddy-enjamlaýyn binýadyny berkitmek maksady bilen, bu topary 3 million manat bilen sylaglamak baradaky Karary halkymyzyň göwün guşuny göge göterdi. Bu goldaw toparyň döredijilik mümkinçiliklerini has-da giňeldip, onuň halkara abraýyny ýokarlandyrmaga uly itergi berdi.

     Behişdi bedewlerimiziň şöhratyna şan goşýan Milli Liderimiz Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak, tutumly işleri hemişe rowaç bolsun! 

Maksat JANMYRADOW. TMÝG-niň welaýat geňeşiniň başlygy, Türkmenistanyň Mejlisiniň deputaty.