Berkarar döwletiň täze eýýamynyň Galkynyşy döwründe hormatly Prezidentimiziň ýurdumyzyň, ähli halkymyzyň bähbitlerine gönükdirilen içeri we daşary syýasatynyň netijesinde çekilýän zähmet eziz Diýarymyzy ajaýyp zähmet üstünliklere, belent sepgitlere ýetirýär. Adamzat jemgyýetiniň ösüşiniň  häzirki tapgyrynda ylmyň we tehnologiýalaryň üznüksiz kämilleşmegi ähli ugurlardaky özgerişleriň esasy hereketlendiriji güýjüne öwrülip, adamlaryň ýaşaýyş-durmuş şertlerini ýeňilleşdirip, dürli gurşawlarda täze mümkinçilikleri döredýär. Sanly  ulgama geçişiň  işjeňleşýän  döwründe  islendik ýurduň ykdysady ösüşi, senagatyň, sanly hyzmatlar, ylym-bilim, söwda, işewürlik we beýleki ulgamlaryň ilerlemegi maglumat-aragatnaşyk tehnologiýalary bilen baglanyşykly täzeçil taslamalaryň durmuşa geçirilmegine esaslanýar.

     «Sanly ykdysadyýet» düşünjesine ýurdumyzyň halk hojalygynyň ähli ugurlary babatda merkezi düşünje hökmünde garamagymyz gerek. Sebäbi sanly ykdysadyýet ähli düzümleriň sanly ulgam arkaly dolandyrylmagy bilen aýrylmaz baglanyşyklydyr. Häzirki zaman bazar gatnaşyklaryna geçilmeginiň we raýat jemgyýetiniň gymmatlyklarynyň durmuşa ornaşdyrylmagynyň, Türkmenistany ykdysady, syýasy we medeni-durmuş taýdan ösdürmek, ähli ugurlarda sanly ulgama geçmek boýunça alnyp barylýan işleriň, gazanylýan üstünlikleriň gözbaşynda sanly ulgamyň kämil kanunçylyk binýadynyň bolmagy, alnyp barylýan döwlet syýasaty, maksatnamalaýyn amala aşyrylýan işler durýar. 

     Sanly ulgama geçmek, sanlylaşdyrmakda öňde goýlan wezipeleri üstünlikli we öz wagtynda ýerine ýetirmegiň hökmany şertleriniň biri bu ugurda kämil kanunçylyk binýadynyň bolmagydyr. Ýurdumyzda ykdysadyýeti sanlylaşdyrmagy üpjün etmäge gönükdirilen kadalaşdyryjy hukuk namalaryň esasy binýady hökmünde Türkmenistanyň Konstitusiýasy çykyş edýär. Esasy Kanunymyzyň 16-njy maddasynda döwletiň ylmyň, tehnikanyň we tehnologiýalaryň ösüşine ýardam edýändigi, ylmy-tehniki syýasaty jemgyýetiň we her bir adamyň bähbitlerine ýöredilýändigi, ylmyň we tehnikanyň gazananlarynyň önümçilige ornaşdyrylmagynyň, şeýle hem bu ugurlarda halkara hyzmatdaşlygyny goldaýandygy barada konstitusion kadalar öz beýanyny tapýar. Bu bolsa milli ykdysadyýetiň ähli pudaklarynda alnyp barylýan sanlylaşdyrylmak işleriniň kämil derejede bolmagyna hukuk taýdan esas bolup durýar. 

     Türkmenistanyň Konstitusiýasyna esaslanýan «Döwlet ylmy-tehniki syýasaty hakynda», «Aragatnaşyk hakynda», «Türkmenistanda Internet torunyň ösüşini we internet-hyzmatlaryny etmegi hukuk taýdan düzgünleşdirmek hakynda», «Elektron hökümet hakynda», «Elektron resminama, elektron resminama dolanyşygy we sanly hyzmatlar hakynda», «Kiber howpsuzlyk hakynda», «Maglumat we ony goramak hakynda», «Innowasiýa işi hakynda», «Integral mikroshemalaryň topologiýalarynyň hukuk goragy hakynda» we beýleki ençeme Türkmenistanyň Kanunlarynyň hereket etmegi ýurdumyzda innowasiýalaryň, elektron resminama dolanyşygynyň, sanly ulgamy ornaşdyrmagyň, maglumatyň goraglylygynyň hukuk binýadynyň döredilendigine şaýatlyk edýär. Ýokarda agzalan Kanunlarda sanly ulgamyň mümkinçilikleri, sanly hyzmatlar, täze innowasiýalar, elektron resminama dolanyşygy, pudagara elektron maglumat alyş-çalyş ulgamy baradaky kadalaryň öz beýanyny tapmagy we olaryň halkara hukugynyň umumy ykrar edilen kadalaryna hem-de döwrüň talabyna görä kämilleşdirilip durulmagy giň mümkinçilikleri döredýär. 

     Gahryman Arkadagymyzyň başlangyçlaryny üstünlikli dowam etdirýän hormatly Prezidentimiziň durnukly ykdysady ösüşiň binýady hökmünde innowasion tehnologiýalaryň, sanly ulgamyň ornaşdyrylmagy, sanly ykdysadyýetiň ösdürilmegi ugrunda edýän taýsyz tagallalary ýurdumyzyň täze ösüşleri gazanmagynda aýratyn möhüm ähmiýete eýedir. Sanly ykdysadyýete geçmekde ýurdumyzda maksatnamalaýyn işler ýörite meýilnamalar esasynda alnyp barylýar. 

     2025-nji ýylyň 8-nji oktýabrynda «Türkmenistanda sanly ykdysadyýeti ösdürmegiň 2026 — 2028-nji ýyllar üçin Konsepsiýasyny», şeýle-de bu Konsepsiýada göz öňünde tutulan wezipeleriň amala aşyrylmagyny üpjün etmek maksady bilen, 2026-njy ýylyň 30-njy ýanwarynda «Türkmenistanda sanly ykdysadyýeti ösdürmegiň 2026 — 2028-nji ýyllar üçin Döwlet maksatnamasy» hem-de ony amala aşyrmak boýunça ýerine ýetirilmeli çäreleriň meýilnamasy tassyklandy. «Türkmenistanda sanly ykdysadyýeti ösdürmegiň 2026 — 2028-nji ýyllar üçin Döwlet maksatnamasynda» sanly ykdysadyýete geçmek bilen bagly öňde goýlan wezipeleriň meýilnamalaýyn esasda, tapgyrlaýyn durmuşa geçirilmegi, sanly bilim, sanly lukmançylyk, maliýe pudagyny sanlylaşdyrmak ýaly ugurlara aýratyn üns berilýär. Bu maksatnamanyň durmuşa geçirilmegi bilen sanly bilim-ylym, sanly lukmançylyk, telelukmançylyk we beýleki hyzmatlar ulgamynda täze sepgitlere ýetilýär. Hususy pudagy goldamagyň çäklerinde kiçi we orta telekeçiligi sanlylaşdyrmaga, dolandyryşyň netijeliligini we hödürlenýän hyzmatlaryň hilini ýokarlandyrmaga şertleri döreder. Fiziki we ýuridik şahslaryň işlerinde has amatly şertleri üpjün edip, olaryň netijeliligi ýokarlandyrmaga, halk hojalygynyň dürli pudaklarynda emeli aňdan ýerlikli peýdalanyp, ösüşleriň gazanylmagyna, ilatyň sanly sowatlylygynyň ýokarlanmagyna, internet  hyzmatlarynyň durnukly bolmagyna, elektron söwdanyň we sanly töleg hyzmatlarynyň has-da ösmegine, ýurdumyzda durnukly ösüşiň gazanylmagyna ýardam eder. Elektron Döwlet hyzmatlary portalyndan («e.gov.tm») peýdalanýanlaryň sany artýar hem-de maglumat tehnologiýalarynda, innowasiýalardan peýdalanmakda, programmirlemekde zenanlaryň orny hem-de inklýuziw gatnaşyklar ýokarlanar. Her bir raýatyň elektron hökümetiň mümkinçiliklerinden netijeli peýdalanmagyna, önümçilikde emeli aňyň mümkinçiliklerinden peýdalanmaga, ýokary ussatlygy bolan hünärmenleri taýýarlamaga, sanly tejribeleri ornaşdyrmaga, ýurdumyzda sanly ulgamyň hukuk binýadyny has-da kämilleşdirmäge, döwrebaplaşdyrmaga ýardam edýär. 

     Ýurdumyzda adamyň gündelik durmuşyna öňdebaryjy, kämil tehnologiýalary ornaşdyryp, ylmyň, tehnikanyň, önümçiligiň baglanyşygynda amala aşyrylýan tutumly işler dünýä ýurtlary we döwür bilen aýakdaş gitmäge ýardam berýär. Eziz Diýarymyzda sanly ulgam babatda maksatnamalaýyn işleriň durmuşa geçirilmegi, berkarar Watanymyzda jemgyýetiň iň gymmatly baýlygy hasaplanylýan adam hakynda bimöçber alada edilýän Gahryman Arkadagymyzyň, hormatly Prezidentimiziň janlary sag, ömürleri uzak bolsun, mähriban halkymyzyň bagtyýar durmuşda ýaşamagy üçin alyp barýan işleri rowaçlyklara beslensin! 

Nepes ROZYÝEW, Türkmenistanyň Mejlisiniň deputaty, Mejlisiň Ylym, bilim, medeniýet we ýaşlar syýasaty baradaky komitetiniň agzasy.

     Halk arasynda «Her döwür — bir döwür» diýlen aýtgy bar. Türkmeniň häzirki altyn asyrynda döwrüň döwrany üýtgeşik, ýyllary biri-birinden zyýada. Gahryman Arkadagymyzyň paýhasyndan binýat bolan Berkarar döwletiň täze eýýamynyň Galkynyşy döwri bolsa hormatly Prezidentimiziň parasatly baştutanlygynda bedew batly ösüşleriň dowamat tapyp, halkymyzyň altyn taryhynyň ýazylýan döwrüdir. Bu döwür geçmişiň şöhratlanýan, geljegiň belent ynam bilen gurulýan döwrüdir. Bu döwür berkarar döwleti islän Magtymguly Pyragynyň hem-de paýhasly pederlerimiziň, watansöýer gerçekleriň arzuwlarynyň wysalydyr. Täze taryhy döwre çenli geçilen mertebeli menziller, şöhratly ýollar halkyň ýagşy niýetlerinden, agzybirliginden, ynam-ygtykadyndan, iň esasy zat hem, watanperwerliginden rowaçlanandyr. Döwrüň okgunly ösüşleriniň binýady pederlerimiziň döwlet gurmakda we dolandyrmakda döreden paýhas mekdebine, köpýyllyk tejribesine, Gahryman Arkadagymyzyň, Arkadagly Gahryman Serdarymyzyň irginsiz zähmetine, Watan, il-halk bilen bagly tagallalaryna esaslanýar. Häzirki döwrümiziň bedew batly ösüşleri döwletimiziň at-abraýyny, halkymyzyň mertebesini dünýäde şöhratlandyrýar. Şu ýerde Gahryman Arkadagymyzyň «Gadamy batly bedew» atly kitabyndaky: «Bedew batly wakalar döwrüň beýik sepgitleriniň durmuş hakykatynyň aýdyň subutnamalarydyr» diýen setirlerini mysal getirmek has-da ýerlikli bolar. 

     Berkarar döwletiň täze eýýamynyň Galkynyşy döwründe her ýyly mynasyp şygar bilen atlandyrmak ýaly asylly däbe eýerilýän ýurdumyzda Türkmenistanyň Mejlisiniň Karary esasynda 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» ýyly diýlip atlandyrylmagy «At — myrat» diýen ýagşy niýeti ýaran edinen halkymyzyň behişdi bedewlerimize bolan egsilmez söýgüsiniň bedew batly ösüşlerimiziň dowamat-dowam bolmagy baradaky arzuw-umytlary bilen sazlaşýandygynyň aýdyň güwäsine öwrüldi. Ýurt Garaşsyzlygymyzyň şanly 35 ýyllyk baýramynyň giňden toýlanyljak ýylynyň şygary bedew batly taryhy wakalary bilen halkymyzyň buýsanjyny artdyrýar.

    Şanly ýylymyzyň ilkinji günlerinde Gahryman Arkadagymyzyň başlangyjy bilen döredilen «Galkynyş» milli at üstündäki oýunlar toparyna Monako Knýazlygynyň Monte-Karlo şäherinde geçirilen 48-nji halkara sirk festiwalynda Bütindünýä sirk federasiýasynyň hem-de Ýewropa Sirk assosiasiýasynyň halkara şahadatnamalarynyň gowşurylmagy döwrümiziň beýik üstünlikleriniň üstüni ýetirip, bedew ata atlanan türkmeniň hemişe-de ýeňşe ýaran bolýandygyny ýene bir gezek subut eden waka boldy. Şu taryhy waka mynasybetli Gahryman Arkadagymyzyň Arkadag şäherindäki Aba Annaýew adyndaky Halkara atçylyk akademiýasynda hem-de Görogly adyndaky döwlet atçylyk sirkinde bolup, «At — myrat» okuw merkeziniň çagalary, şeýle-de «Galkynyş» milli at üstündäki oýunlar toparynyň agzalary bilen duşuşyp, olar bilen söhbetdeş bolmagy, hususan-da, merkeziň maddy-enjamlaýyn binýadyny berkitmek maksady bilen, «At — myrat» okuw merkeziniň çagalaryna Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan 1 million 500 müň manat möçberinde pul sowgadyny, halkara derejede uly abraýa eýe bolan «Galkynyş» milli at üstündäki oýunlar toparyna bolsa hormatly Prezidentimiziň 3 million manat sylagyny, toparyň agzalarynyň her birine ussatlyk bilen ýasalan at eýerlerini gowşurmagy at bilen örküni baglan türkmen ýaşlary bilen birlikde tutuş halkymyzyň buýsanjyny artdyrdy. Duşuşygyň dowamynda Gahryman Arkadagymyzyň «Garaşsyz» atly bedew aty «Galkynyş» milli at üstündäki oýunlar toparyna sowgat bermegi ýurt Garaşsyzlygymyzyň şanly 35 ýyllygynyň şöhratlanýan ýylynda çuňňur many-mazmuna eýe boldy. Sebäbi türkmen ruhuna kybap gelýän bedewlerimiziň erkinligi halkymyzyň eşretli ýaşaýşyny, behişdi jandaryň batly howalasy bolsa belentser, şirhaýbat türkmeniň ruhy keşbini suratlandyrýar.

     Halkymyzyň milli buýsanjyna öwrülen ahalteke bedewlerimiziň şan-şöhratyny belende göterip, atçylyk sportuny, atly oýunlary ösdürmeklige aýratyn ähmiýet berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak bolup, bedew batly Diýarymyzyň ösüşleriniň dowamat-dowam bolmagy ugrunda alyp barýan tutumly işleri rowaçlyklara beslensin! 

Annabagt MAÝEWA, welaýat Baş bilim müdirliginiň mekdebe çenli terbiýe, bilim we mekdepden daşary edaralar bölüminiň başlygy, Türkmenistanyň Mejlisiniň deputaty.

     Ber­ka­rar döw­le­tiň tä­ze eý­ýa­mynyň Gal­ky­ny­şy döw­rün­de ýurdumyz ro­waç­lyk­la­ra bes­le­nip, be­ýik ösüş­ler gö­wün­le­ri galkyn­dyr­ýar. Be­dew batly ösüş­le­re bes­len­ýän ýur­du­myz­da alnyp ba­ryl­ýan giň göw­rüm­li ne­ti­je­li iş­ler hal­ky­my­zyň bagtyýarly­gy­na, ýur­duň gül­läp ös­me­gi­ne gö­nük­diri­len­dir. «Garaş­syz, ba­ky Bi­ta­rap Türk­me­nis­tan­ - ­be­dew bat­ly at-myradyň me­ka­ny» diý­lip  at­lan­dy­ryl­ýan  şöh­rat­ly ýy­ly­my­zyň her bir gü­ni, her pur­sa­dy ýat­da ga­ly­jy toý­-baý­ra­ma, şan­ly wakala­ra bes­len­ýär. Bu ha­ky­kat aja­ýyp döw­rü­mi­ziň ady­na myna­syp bagty­ýar­lyk  döw­ri  bo­lup, bu gün­ki gün ag­zy­bir jemgy­ýe­ti­mi­ziň bag­tyýar­ly­gy­nyň, aba­dan döw­le­ti­mi­ziň berkarar­ly­gy­nyň mizemez­di­gin­den ha­bar ber­ýär. 

     Hor­mat­ly Pre­zi­den­ti­mi­ziň baş­tu­tanly­gyn­da köp san­ly ma­ýa goýum tas­lama­la­ry üs­tün­lik­li dur­mu­şa ge­çi­ril­ýär. Iň döw­re­bap we ýo­ka­ry teh­no­lo­gi­ýa­ly tä­ze se­na­gat kär­ha­na­la­ry yzy­gi­der­li gurul­ýar, dur­muş-­me­de­ni mak­sat­ly des­ga­lar bi­na edil­ýär. Hut şonuň neti­je­sin­de hem ýur­du­my­zyň bi­na­gärlik keş­bi ta­nal­maz de­re­je­de öz­ger­di. Ar­ka­dag şä­he­ri döw­re­bap müm­kin­çi­likle­ri, san­ly ul­ga­myň iň ýo­ka­ry ne­ti­je­si­ni özün­de jem­läp, «akyl­ly» şäher kon­sepsi­ýa­sy­nyň üs­tün­lik­li dur­mu­şa ge­çi­rilýän­di­gi­niň aýdyň be­ýa­ny­na öw­rül­ýär. Be­lent öz­gert­me­le­re bes­len­ýän häzirki aja­ýyp döw­rü­miz­de halk bähbit­li iş­ler ro­waç­lan­ýar. Gahry­man Ar­ka­da­gy­my­zyň hem­-de Ar­ka­dag­ly Gah­ry­man Serdary­my­zyň taý­syz tagal­la­la­ry ne­ti­je­sin­de gül­läp ös­ýän ýurdumyz­da al­nyp ba­ryl­ýan iş­ler bi­ziň her bir gü­nü­mi­ziň rowaçlyk­la­ra bes­len­ýän­di­gi­niň aý­dyň beýa­ny bo­lup ta­ry­ha girýär.

     Ýur­du­my­zy has-­da ös­dür­mä­ge gö­nük­di­ri­len mak­sat­na­ma­lar üstün­lik­li dur­mu­şa ge­çi­ril­ýär. Şeý­le be­ýik öz­gert­me­le­ri bi­lim ulga­myn­da  hem aýdyň gör­ýä­ris. Mä­lim bol­şy ýa­ly, ýaş nesilleriň  bi­lim  öw­ren­mek­le­ri üçin iň döw­re­bap mümkinçilikler  döredilýär.  Hal­ka­ra  se­na­gat­çy­lar  we telekeçiler  uniwersitetiniň  aja­ýyp bi­nasy­ny, bu ýer­de dö­re­di­len giň  mümkin­çi­lik­le­ri  aý­ra­tyn  nyg­ta­mak ge­rek. Çün­ki mu­nuň özi bilim ul­ga­my­ny has­-da ösdür­mek­de  iň  tä­ze okuw bi­na­la­ryň gur­lup ulan­ma­ga berilýändigi­niň be­ýa­ny bo­lup dur­ýar. 

     Ba­şy­my­zyň tä­ji, göz­le­ri­mi­ziň  röw­şe­ni ata Wa­ta­ny­myz­da eýelen­ýän  şeý­le ýo­ka­ry sep­git­ler,  ga­za­nyl­ýan üs­tün­lik­ler, ilkinji  no­bat­da, hal­ky­my­zyň  ag­zy­bir­li­gi­niň, je­bis­li­gi­niň, asyl­ly  ýörelge­si­niň  bar­ha rowaç­lan­ýan­dy­gy­nyň ny­şa­ny­dyr. Agzybirlik,  je­bis­lik  we bi­te­wü­lik  ýö­rel­ge­si ýur­du­myz­da döwlet sy­ýa­sa­ty­nyň  ile­ri tu­tul­ýan ug­ry bo­lup dur­ýar. Äh­li üstün­lik­le­ri­mi­ziň hem ro­waçlyk­la­ry­my­zyň se­re­si bo­lan bu mukad­des ýol­-ýö­rel­gä­niň hä­zir­ki aja­ýyp za­ma­na­myz­da has­-da pug­ta­lan­ýan­dy­gy­nyň şa­ýa­dy bol­mak her bir il­de­şi­miz üçin guwan­dy­ry­jy­dyr. 

     Goý, Gah­ry­man Ar­ka­da­gy­my­zyň hem-de Arkadag­ly Gahryman Ser­da­ry­my­zyň hal­ky­my­zyň bag­ty­ýar dur­muş derejesi­niň  üp­jün  edil­me­gi­ne, ýurdu­my­zyň gül­läp ös­me­gi­ne gö­nük­di­ri­len be­ýik işle­ri mun­dan beý­läk­de ro­waç­lykla­ra beslensin! 

Perman SAPAROW, Türkmenistanyň Mejlisiniň Durmuş syýasaty baradaky komitetiniň baş hünärmeni.

     Türk­men­le­riň ýyl­dyz se­ne­na­ma­sy bo­ýun­ça 8-nji few­ral­dan gy­şyň dördün­ji döw­ri — ahyr­ky ga­ra­gyş başlan­ýar. Ýig­ri­mi gün­läp  do­wam edýän  ki­çi çil­le döw­ri öz or­nu­ny ahyr­ky garagy­şa ber­ýär.

     En­tek yl­my maglu­mat­la­ra  esas­lanýan aý-gün senenamasynyň dö­re­me­zin­den ozal, hal­ky­myzyň ýyldyz­la­ryň he­re­ke­ti­ne  esaslanyp  ýö­re­den  halk se­ne­na­masy hä­li-hä­zi­re çen­li öz ähmiýeti­ni ýi­tir­män gelýär. Mun­da esa­sy asman­da­ky ýag­ty ýyldyz­la­ryň dogýan we ýaş­ýan se­ne­le­ri­ne, me­teo­ro­logik we fenolo­gik tebi­gat üýt­geş­me­le­ri­ne esas­la­nyp ýö­re­di­lip­dir. Bu sene­na­ma, esa­san, eke­ran­çy­lar we çar­wa­lar üçin ze­rur bo­lup­dyr. Şol bir wag­tyň  özün­de  hal­ky­myz ösüm­lik­le­riň, mör-möjekleriň, guş­la­ryň­dyr haýwanla­ryň özleri­ni alyp ba­ryş­la­ry bilen baglanyşyk­ly he­re­ket­lere üns be­rip, dür­li yrym-ynanç­la­ry döredip, ho­wa­ny öňün­den  çak­lap bil­me­gi ba­şa­ryp­dyr­lar. Ýyldyz se­ne­na­ma­sy­na la­ýyk­lyk­da, ýy­lyň döwürle­ri on iki döwre, hä­zir­ki do­wam ed­ýän gyş pas­ly hem dört döw­re bölünipdir. Bu ha­sap bo­ýunça gyş döw­ri 22-nji no­ýabr­da garagyş diý­lip at­lan­dy­ry­lan dö­wür bi­len baş­lanyp, ol on bäş gün­läp do­wam edip­dir. Soň­ra 8-nji dekabrdan 17-nji ýan­wa­ra çen­li kyrk gün­läp do­wam ed­ýän uly çil­le döw­rü­ni, 18-nji ýanwar­dan 7-nji fewra­la çen­li ýig­ri­mi gün­läp do­wam ed­ýän ki­çi çil­le döw­rü­ni, şeý­le hem 8-nji fewraldan 22-nji few­ra­la çen­li on bäş gün­läp dowam ed­ýän ahyr­ky ga­ra­gyş döw­rü­ni öz içi­ne alypdyr. Şun­luk­da, tog­san dolup, gyş döw­ri ta­mam­la­nyp­dyr. Bu ba­ra­da Mag­tym­gu­ly Pyragy «Ýa­şy­myz» at­ly şyg­ryn­da: «Ili­miz ulaş­syn sowulmaz ýa­za, Tog­san do­lup, ta­mam bol­sun gyşymyz» di­ýip ýa­zyp­dyr.

     Ahyr­ky ga­ra­gy­şyň gel­me­gi bi­len öý guş­la­ry bir aýa­gy­nyň üstün­de dur­sa, onda ho­wa­nyň so­wap, gar ýag­jak­dy­gy­na, guş­lar to­par-to­par bo­lup uç­sa­lar, Aýyň hem ýü­zi sol­gun bol­sa, ýaz aýla­ryn­da yga­lyň bol ýag­jak­dy­gy­na yna­nyp­dyrlar. Şeý­le hem bu möw­süm­de suw­lar bu­la­nyp ak­sa, Aý gy­zy­lym­tyl reň­ke gir­se, ýel­li ho­wa köp bo­lar di­ýip çak edip­dir­ler. Bu­lut­lar ýe­re ga­çaý­jak ýa­ly as­man­da top­la­nyp dur­sa­lar, ygal köp ýa­gyp, bug­daý­la­ryň bol ha­syl ber­jek­digi­ne yna­nyp­dyr­lar. Gün­diz­ki ho­wa atyň toýnagy­ny gyz­dyr­sa, gi­je­de sy­gyr­la­ryň şa­hy bur­ju­la­sa, mart aýynyň ygal­ly bolja­gy­ny aň­la­dyp­dyr. Ba­ry-ýo­gy on bäş gün dowam ed­ýän­di­gi­ne ga­ra­maz­dan, bag­ba­na-da, mal­da­ra-da bu dö­wür örän ha­tyr­jem çe­me­leş­me­gi ta­lap ed­ýär.

     Gyş­da ma­za­ly­ja dynç alan köp­ýyl­lyk ösüm­lik­ler­dir agaç­lar tä­ze­den jan­la­nyp, gül­läp pyn­tyk­la­ma­ga dur­ýar. Çün­ki gi­jä­niň gys­ga­lyp, gün­di­ziň uza­ma­gy bilen, ma­ýyl ho­wa­ly gün­ler başlaýar. Gyş uku­sy­na gi­den mör-mö­jek­ler­dir haý­wanlar bol­sa gaý­ta­dan jan­lan­ýar. Bir­ýyl­lyk ösüm­lik­ler top­ra­gyň ýü­zün­de görnüp ug­ra­ýar. Meý­dan­da­ky ha­şal ot­lar bol­sa ýa­şyl öw­süp, ownuk we iri şah­ly mal­lar üçin iý­mit bo­lup hyz­mat ed­ýär. Gyrym­sy agaç­la­ryň bal­dak­la­ryn­da şi­re­je­ler dö­reýär ýa-da ozaldan bar bo­la­ny he­re­ket edip baş­la­ýar. 

     Daý­han­lar  üçin  hem jo­gap­kär­li  möwsüm baş­lan­ýar. Güýzde eken bug­da­ýy ýag­şy­ja gyş­lan­dan soň, ho­wa ma­ýyl gelen­de, olara gaý­ta­dan jan gi­rip ug­ra­ýar. Şeý­le­lik bi­len, ozaldan  eki­len  ha­sy­lyň ide­gi ar­typ baş­la­ýar. Eke­ran­çy­lar mellek ýer­le­rin­de  ýeral­ma ek­mä­ge gi­riş­ýär­ler. Bag­la­ra ideg işle­ri do­wam etdirilýär. Miwe­li agaç­la­ra, üzüm­le­re ti­mar­la­ýyş iş­le­ri ge­çi­ril­ýär. Zy­ýan­ly mör-mö­jek­le­re gar­şy gö­reş çä­re­le­ri görülýär.

     Mal eýe­le­ri ow­lak-gu­zy möw­sü­mi­ne taý­ýar­lan­ýar. Ow­nuk şah­ly mal­la­ryň de­ri­le­ri­niň ýum­şap baş­la­ma­gy, ma­ýyl gün­le­riň go­laý­la­ýan­dy­gy­ny ala­mat­landy­ryp­dyr. Ahyr­ky ga­ra­gy­şa durnuksyz, üýt­gäp dur­ýan ho­wa­ly gün­ler mah­sus bo­lan­soň, maldar­lar  örän  ha­tyr­jem çeme­leş­me­li. Kä ýyl­lar bu dö­wür maýyl gel­se-de, kä­te so­wuk, gar-ýa­gyş­ly, aýaz­ly gün­ler agdyklyk edip, ýer­de ga­ryň ýat­ýan wagt­la­ry-da duş gel­ýär. Şu ýyl hem ki­çi çille­de ga­ryň ýag­ma­gy, suwla­ryň doň­ma­gy ýa­ly tebi­gy  hadysalar  bo­lan­soň, «Gy­şyň gü­ni kyrk tüýs­li» diý­li­şi ýaly, tä tog­san do­lup, ýe­re ýy­ly gir­ýän­çä taý­ýar­lyk­ly bol­ma­gy ta­lap edýär.

Orazgeldi SAPAROW, Türkmenistanyň Mejlisiniň Daşky gurşawy goramak, tebigatdan peýdalanmak we agrosenagat toplumy baradaky komitetiniň agzasy, Mejlisiň deputaty.

     Şu ýylyň «Garaşsyz, baky Bitarap Türkmenistan — bedew batly at-myradyň mekany» diýlip yglan edilmegi ýurdumyzyň ähli ulgamlarda gazanýan üstünlikleriniň, ösüşiniň bedew badyna deňelýändigini, milli gymmatlyklarymyza goýulýan hormatyň näderejede belentdigini ykrar edýär. Gündogar senenamasynda belgilenen ýylky ýyly güýç-kuwwaty, asyllylygy, belent maksada ýetmek üçin tutanýerli we okgunly erki aňladýar. 

     Türkmen bedewleri halkymyzyň köp asyrlaryň dowamynda ösdürip ýetişdiren we kämilleşdiren sungatydyr. Türkmen halkynyň Milli Lideri Gahryman Arkadagymyz we hormatly Prezidentimiz Arkadagly Gahryman Serdarymyz tarapyndan gadymy atçylyk sungatyny täzeden dikeltmek, ösdürmek boýunça giň gerimli  işler alnyp barylýar.  Seýisçilik  sungatynda  ata-babalarymyzyň iň oňat däplerini dowam etdirip, deňsiz-taýsyz tohum atlaryň arassalygyny saklamak, beden gurluşyny kämilleşdirmek, olaryň saýlama tohumlarynyň sanyny artdyrmak boýunça netijeli çäreler görülýär.

     Diňe bir ýurdumyzda däl, eýsem, dünýä ýüzünde janköýerleri ýetik milli gymmatlygymyz bolan ahalteke bedewleriniň şan-şöhratyny «Galkynyş» milli at üstündäki oýunlar toparynyň çykyşlary has-da belende göterýär. Topar geçen ýyl Monte-Karloda geçirilen 47-nji halkara sirk sungaty festiwalynda altyn baýraga mynasyp boldy. Watanyň öňünde bitiren aýratyn hyzmatlary we ýokary hünär ussatlygy üçin toparyň agzalary döwlet sylaglary bilen sylaglanyldy. Şu ýylyň 16 - 25-nji ýanwary aralygynda Monako Knýazlygynyň Monte-Karlo şäherinde geçirilen 48-nji halkara sirk sungaty festiwalynyň çäklerinde geçirilen dabaraly çärede sirk sungatyna goşan uly goşandy üçin «Galkynyş» milli at üstündäki oýunlar toparyna Bütindünýä sirk federasiýasy we Ýewropa Sirk assosiasiýasy tarapyndan halkara şahadatnamalar gowşuryldy. Bu bolsa bedewbatly ýylymyzyň turuwbaşdanbelent üstünliklere beslenýändiginiň güwäsine öwrüldi, türkmen atçylyk sungatyny has-da dabaralandyrdy. Meşhur seýislerimiziň yhlasly zähmetiniň netijesi bolan ahalteke bedewleriniň şan-şöhratyny dünýä doldurýan Gahryman Arkadagymyzyň we Arkadagly Gahryman Serdarymyzyň halkymyzyň bagtyýar geljeginiň bähbidine bedewbatly tutumlary mundan beýläk-de rowaç alsyn! 

Mähriban KURAMBAÝEWA, Garaşsyzlyk etrap bilim bölüminiň hünärmeni, Türkmenistanyň Mejlisiniň deputaty.

     Berkarar döwletiň täze eýýamynyň Galkynyşy döwrüniň ýyllarynda Garaşsyz, baky Bitarap döwletimiziň milli ykdysadyýeti ösüşli döwri başdan geçirýär. Hormatly Prezidentimiz Arkadagly Gahryman Serdarymyzyň baştutanlygynda halk hojalygynda durmuşa geçirilýän özgertmeleriň bady artýar. Ýurdumyzyň ykdysady kuwwaty ýokarlanyp, dünýäniň ösen ýurtlarynyň hataryndaky ornyhas-da pugtalanýar. Şeýle ösüş depginiň 2026-njy — “Garaşsyz, baky BitarapTürkmenistan — bedew batlyat-myradyň mekany” diýlip atlandyrylan üstümizdäki ýylda-da saklanyp galýandygy guwandyrýar. 

     Oba hojalygy ýurdumyzyň halk hojalygynyň iri we möhüm pudagy bolmak bilen, döwlet Baştutanymyz onuň çalt depginlerde we durnukly ösdürilmegine uly üns berýär. Şeýlelikde, pagtanyň, dänäniň, gant şugundyrynyň bol hasyly alynýar. Aýratynam, dokma senagatynyň kärhanalary üçin gymmatly çig mal bolan “ak altynyň” öndürilişine uly ähmiýet berilýär. Şu ýerde bir zady bellemelidiris. Garaşsyzlyk ýyllarynda pagtany gaýtadan işläp, bäsleşige ukyply taýýar önümleriň alynmagy bilen döwletimiziň ykdysady taýdan ösüşinde aýgytly ädim ädildi.  Bu ädim bolsa, Garaşsyz, Bitarap döwletimiziň ykdysady kuwwatynyň has-da ýokarlanmagyna itergi berdi. 

     Pagta arassalaýjy kärhanamyzda önümçilik talabalaýyk ýola goýlup, ýokary görkezijiler gazanylýar. Kärhanamyzyň bölümleriniň  sazlaşykly işi pagtany gaýtadan işlemekde ýokary netijeleriň gazanylmagyna ýardam edýär. Pagta gaýtadan işlenende alynýan süýümiň  hili hemişe gözegçilikde saklanylyp, oňa uly üns berilýär. Kärhanamyzda 2025-nji ýylyň pagta hasylynyň 20 müň tonnadan gowragy gaýtadan işlenildi. Bu ýerde tehnologiki düzgün-nyzamyň berk berjaý edilmegi işimiziň ilerlemeginde möhüm ähmiýete eýe bolýar. 

     2026-njy — “Garaşsyz, baky Bitarap Türkmenistan — bedew batly at-myradyň mekany” diýlip yglan edilen ýyla ýokary ruhubelentlikde gadam basan zähmetsöýer işçilerimiz tutanýerli zähmet çekýärler. Şanly ýylymyzda öňümizde wajypwezipeler durup, olaryň berjaý edilmegi ugrunda ähli tagallalary edýäris.

Kerwen ZYRRYÝEW. Garagum pagta arassalaýjy kärhanasynyň taýýar önümler we çig mal bölüminiň başlygy, Türkmenistanyň Mejlisiniň deputaty

    Çagalaryň abadan we bagtyýar durmuşyny üpjün etmek, olaryň şahsyýet hökmünde kemala gelmegi hem-de ukyp-başarnyklaryny doly açmagy üçin şertleriň döredilmegi, ýaş nesle mynasyp bilim-terbiýe berilmegi Berkarar döwletiň täze eýýamynyň Galkynyşy döwrüniň möhüm, strategik maksatlarynyň biridir. Bu babatda halkara bileleşikleri, şol sanda BMG we onuň iri düzümleri, Çagalar gaznasy (ÝUNISEF) bilen geljege gönükdirilen gatnaşyklaryň ösdürilmegine möhüm ähmiýet berilýär. Bu gurama eneligi we çagalygy goramak, ýaş nesliň hemmetaraplaýyn ösmegi, maşgalanyň maddy abadançylygyny ýokarlandyrmak, bilim we saglygy goraýyş ulgamlaryny kämilleşdirmek, sagdyn durmuş ýörelgelerini wagyz etmek boýunça ýurdumyzda amala aşyrylýan maksatnamalaryň durmuşa geçirilmegine işjeň gatnaşýar. Bu barada Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa bilen BMG-niň Çagalar gaznasynyň (ÝUNISEF) Türkmenistandaky wekili Jalpa Ratnanyň arasynda 24-nji ýanwarda geçirilen duşuşykda hem giňişleýin gürrüň edildi.

    Mälim bolşy ýaly, Türkmenistan 1994-nji ýylda BMG tarapyndan 1989-njy ýylda kabul edilen Çaganyň hukuklary hakynda Konwensiýa goşuldy hem-de ösüp gelýän nesil üçin has amatly durmuş şertleriniň üpjün edilmeginde öz ýokary jogapkärçiligini tassyklady. Şol jogapkärçilige doly ygrarly bolmak bilen, bu günki gün Garaşsyz Diýarymyzda Gahryman Arkadagymyz tarapyndan başy başlanylyp, hormatly Prezidentimiziň öňdengörüjilikli syýasaty netijesinde täze ösüşlere eýe bolýan syýasatyň saýasynda çagalaryň bagtyýar şu güni we geljegi ugrunda amala aşyrylýan işleriň gerimi ýylsaýyn giňeýär. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň alyp barýan işleri gysga wagtyň içinde ynsanperwer ýörelgeleri amala aşyrmagyň ajaýyp nusgasyna öwrüldi. Gazna bilen ÝUNISEF-niň Türkmenistandaky wekilhanasynyň arasynda gol çekilen özara düşünişmek hakynda Ähtnamany durmuşa geçirmegiň çäklerinde ýurdumyzda howandarlyga mätäç çagalara ýokary derejeli lukmançylyk kömegini bermek, durmuş goldawyny üpjün etmek boýunça alnyp barylýan işleriň gerimi barha giňeýär. Bu barada ynsanperwerlik ýörelgelerine esaslanýan hyzmatdaşlygyň rowaçlanmagyna bagyşlanan duşuşygyň barşynda hem kanagatlanma bilen bellenilip geçildi. Häzirki wagtda bu hyzmatdaşlyk yzygiderli we uzak möhletleýin häsiýete eýe bolup, saglygy goraýyş, inklýuziw bilim, çagalaryň durmuşa goşulyşmagy ýaly dürli ugurlary öz içine alýar.

    Dünýäniň meşhur kompozitorlarynyň biri M.I.Glinkadan iň ýakymly owaz barada soranlarynda: «Çaga gülküsi» diýip jogap beripdir. Hakykatdan-da, çagajyklaryň şadyýan gülküleri bigamlyk bilen ýaňlanyp durmasa, galan owazlar öz şirinligini ýitirýär. Şonuň üçinem çagajyklaryň päkize dünýäsini täsinliklere besläp, olaryň şadyýan gülki sesleriniň durmuşymyzy bezemegini gazanmak — ulularyň baş maksady. Şeýle sogaply işleri yzygiderli durmuşa geçirip, ýüzlerçe çagalaryň dünýäsine şatlyk çaýýan Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa bilen BMG-niň Çagalar gaznasynyň (ÝUNISEF) Türkmenistandaky wekili Jalpa Ratnanyň arasyndaky duşuşykda ara alnyp maslahatlaşylan meýilnamalaryň durmuşa geçirilmegi-de çagalaryň röwşen geljegini üpjün etmek işinde täze-täze sepgitlere ýetmäge mümkinçilik berer. 

    Bagtyýar geljegimiziň eýeleriniň hemmetaraplaýyn ösmeklerine, olaryň saglygyna gönükdirilen ynsanperwer ýugrumly beýik tutumlary durmuşa geçirýän hormatly Prezidentimiziň, Gahryman Arkadagymyzyň janlary sag, ömürleri uzak bolsun, döwletli başlangyçlary rowaç alsyn!

Jahangül MYRADOWA, Türkmenistanyň Mejlisiniň baş hünärmeni.

     Berkarar döwletiň täze eýýamynyň Galkynyşy döwrüniň her bir ýyly şöhrat-şana beslenip, taryhyň gatyna altyn harplar bilen ýazylýar. Bu 2025-nji — “Halkara parahatçylyk we ynanyşmak ýyly babatynda hem şeýle boldy. Dabarasy dünýä dolan ýurdumyz bu ýylda üstünlikleriň täze belentliklerine çykdy. Halk hojalygynyň ähli pudaklarynda ýokary görkezijilere eýe bolundy. Bu bolsa halkymyzyň has hem bolelin durmuşda ýaşamagyny üpjün etdi. Munuň üçin halkymyz Gahryman Arkadagymyza, Arkadagly Gahryman Serdarymyza çäksiz alkyş aýdýar. 

     2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip atlandyrylmagy bolsa, halkymyzy has hem ruhubelentlik bilen zähmet çekmäge ganatlandyrdy. 

     Häzirki döwürde beýik Garaşsyzlygymyzyň şanly 35 ýyllygynyň hormatyna alnyp barylýan işleriň giň gerimli bolmagy munuň şeýledigini aýdyň görkezýär. 

     Garaşsyz, baky Bitarap döwletimiz halkara derejesinde hem belent mertebä eýedir. Bu günki günde Türkmenistan Watanymyz umumadamzat bähbitli teklipleri Milletler Bileleşigi tarapyndan oňlanylýan döwlet hökmünde tanalýar. Ýurdumyzda geçirilýän  halkara forumlary, maslahatlary hem ata Watanymyzyň abraý-mertebesiniň belentdiginden habar berýär.

     Ýurdumyzy şeýle gülledip ösdürip, biziň ajaýyp durmuşda ýaşamagymyzy üpjün edýän Gahryman Arkadagymyza, Arkadagly Gahryman Serdarymyza alkyşlarymyz çäksizdir. 

Jumamuhammet ŞIRMÄMMEDOW.  Wekilbazar etrabyndaky 35-nji orta mekdebiň müdiri, Türkmenistanyň Mejlisiniň deputaty

     Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» ýylynda jemgyýetçilik durmuşynda möhüm wakalaryň biri boljak 29-njy martda geçiriljek saýlawlary demokratik ýörelgeler esasynda, ýokary guramaçylyk derejesinde geçirmek üçin Türkmenistanda Saýlawlary we sala salşyklary geçirmek boýunça merkezi topar tarapyndan degişli taýýarlyk işleri alnyp barylýar. Bu möhüm jemgyýetçilik-syýasy çäräniň ýokary derejede, guramaçylykly geçirilmegi hormatly Prezidentimiziň parasatly baştutanlygynda türkmen jemgyýetiniň demokratik sütünlerini has-da berkitmekde möhüm ähmiýeti bolar.

     Garaşsyz, hemişelik Bitarap döwletimiz hormatly  Prezidentimiziň öňdengörüjilikli syýasatynyň durmuşa geçirilmegi netijesinde ösüşlere beslenýär. Türkmenistanyň Mejlisi tarapyndan döwletimiziň milli kanunçylygyny halkara hukugyň kadalaryna laýyklykda kämilleşdirmek, döwlet dolandyryşyny has-da demokratiýalaşdyrmak babatda işler yzygiderli alnyp barylýar.

     2025-nji ýylda kabul edilen, 2026-njy ýylyň 1-nji ýanwaryndan güýje girizilen «Saýlawçylaryň bitewi döwlet sanawy hakynda» Türkmenistanyň Kanuny Türkmenistanda saýlawlarda we sala salşyklarda ses bermäge hukugy bolan raýatlaryň bitewi döwlet sanawyny döretmegiň we ýöretmegiň hukuk  hem-de guramaçylyk esaslaryny kesgitleýär. Bu Kanunyň hereket etmegi ýurdumyzyň saýlaw ulgamynyň döwrebaplaşdyrylmagynda möhüm ähmiýeti bolmak bilen, Türkmenistanyň Prezidentiniň, Türkmenistanyň Mejlisiniň deputatlarynyň, welaýat, welaýat hukukly we döwlet ähmiýetli şäher, etrap, etrap hukukly şäher halk maslahatlarynyň, Geňeşleriň agzalarynyň saýlawlaryny, ählihalk we ýerli sala salşyklary geçirmek üçin saýlawçylaryň sanawyny düzmekden ybaratdyr.

     Hormatly Prezidentimiziň parasatly baştutanlygynda ýurdumyzda jemgyýetçilik durmuşyny demokratiýalaşdyrmaga, saýlawlaryň açyk-aýdyňlygyny üpjün etmäge uly üns berilýär. Häzirki wagtda demokratik saýlawlar babatda halkara hukugyň umumy ykrar edilen kadalaryna laýyk gelýän we saýlawçylaryň erkin, açyk ses bermegini üpjün etmek üçin ygtybarly hukuk binýady bolup durýan Türkmenistanyň saýlaw kodeksi hereket edýär. Türkmenistanyň saýlaw kodeksine laýyklykda, Türkmenistanyň Mejlisiniň deputaty, halk maslahatynyň, Geňeşiň agzasy möhletinden öň çykyp giden halatynda, degişli saýlaw okrugynda täze saýlawlar geçirilýär.

     Mälim bolşy ýaly, welaýatlarda täze döredilen etraplarda halk maslahatlarynyň agzalarynyň hem-de Türkmenistanyň Mejlisiniň möhletinden öň çykyp giden deputatlarynyň we welaýat, etrap, şäher halk maslahatlarynyň hem-de Geňeşleriň çykyp giden agzalarynyň ýerine saýlawlary bellemek hakynda Türkmenistanyň Mejlisiniň 2026-njy ýylyň 7-nji ýanwaryndaky kararyna laýyklykda, şu ýylyň 29-njy martynda saýlawlary geçirmek bellenildi. Ýurdumyzyň welaýatlarynda täze döredilen Ahal welaýatynyň Altyn asyr etrabynyň, Daşoguz welaýatynyň Garaşsyzlyk, Gubadag etraplarynyň, Lebap welaýatynyň Döwletli, Farap, Garabekewül etraplarynyň hem-de Mary welaýatynyň Oguzhan etrabynyň halk maslahatlarynyň agzalarynyň,  Lebap welaýatynyň 74-nji «Amyderýa», 79-njy «Darganata», Mary welaýatynyň 104-nji «Peşanaly»  we 106-njy «Wekil» saýlaw okruglary boýunça Türkmenistanyň Mejlisiniň deputatlarynyň möhletinden öň çykyp gidendikleri bilen baglylykda, şol saýlaw okruglary boýunça Türkmenistanyň Mejlisiniň deputatlarynyň, şeýle-de welaýat, etrap, şäher halk maslahatlarynyň, Geňeşleriň möhletinden öň çykyp giden agzalarynyň ýerine saýlawlary ýokary derejede we guramaçylykly geçirmek üçin häzirki wagtda zerur işler alnyp barylýar. Şunuň bilen baglylykda, 14-nji ýanwarda ýurdumyzyň syýasy partiýalarynyň we jemgyýetçilik guramalarynyň jogapkär işgärleriniň, köpçülikleýin habar beriş serişdeleriniň wekilleriniň gatnaşmaklarynda Türkmenistanda Saýlawlary we sala salşyklary geçirmek boýunça merkezi toparyň mejlisi geçirildi. Mejlisde saýlaw möwsüminiň 2026-njy ýylyň 15-nji ýanwaryndan başlanýandygy yglan edildi.

     Döwletimizde adam hakyndaky alada hemişe baş wezipeleriň hatarynda kesgitlenilýär, adamy goramak, goldamak we oňa hyzmat etmek Kanunlar bilen kepillendirilen ýörelgedir. BMG-niň Baş Assambleýasy tarapyndan üç gezek ykrar edilen hemişelik Bitaraplyk hukuk ýagdaýyna eýe bolan döwletimiz adam hakyndaky halkara hukuk kadalaryny doly ykrar etmek bilen, adamyň bähbitlerini we hukuklaryny döwlet syýasatynyň möhüm ugry hökmünde öňe sürýär. Türkmenistanyň Konstitusiýasynda: «Türkmenistanda jemgyýetiň we döwletiň iň ýokary gymmatlygy adamdyr. Adamy goramak, goldamak we oňa hyzmat etmek döwlet häkimiýet edaralarynyň baş wezipeleridir» diýlip bellenilýär. 

     Milli kanunçylygymyzy demokratik esaslarda kämilleşdirmek babatdaky tagallalary üçin Gahryman Arkadagymyza we hormatly Prezidentimiz Arkadagly Gahryman Serdarymyza tüýs ýürekden sagbolsun aýdýarys.

Allaýar OMAROW, Türkmenistanyň Mejlisiniň deputaty, Mejlisiň Daşky gurşawy goramak, tebigatdan peýdalanmak we agrosenagat toplumy baradaky komitetiniň agzasy.