Döwlet derejesinde kabul edilýän resminamalar, çözgütler ilatyň ýaşaýyş-durmuş derejesine, abadançylygyna gönüden-göni täsirini ýetirýär. Çünki ýurdy ösdürmegiň täze belentliklerini nazarlaýan çözgütler şol ýurduň ilatynda ýagty geljege ynamy berkidýär. Ynamyň bar ýerinde agzybirligiňem, rowaçlygyňam pugtalanýandygy hakykat. Haçan-da adam döwlet tarapyndan edilýän aladany, döredilýän mümkinçilikleri duýanda, jebislige, döredijilikli zähmete ymtylýar. Geňeşmelerdir maslahatlary gurap, birek-biregiň garaýşyny öwrenmek, özara düşünişmek we ylalaşykly goldaw ýaly jemgyýetçilik gatnaşyklary raýat jemgyýetiniň ýörelgelerini kemala getirýär.

Gahryman Ar­ka­da­gy­my­zyň «Ömrü­miň ma­ny­sy­nyň do­wa­ma­ty» atly kita­byn­da nyg­taý­şy ýa­ly, Halk Mas­la­ha­ty öz maz­mu­ny bo­ýun­ça ata-baba­la­ry­my­zyň ýa­şu­lu­lar­dan mas­la­hat so­rap, akyl­dar, ylym­dar, il bähbidi­ni ara­ýan ge­ňeş­dar­la­ryny ýyg­nap, ka­ra­ra gel­mek ýö­relge­si bi­len umu­my esa­sy aň­la­dyp, sy­ýa­sa­ty öw­re­niş nuk­daý­na­zaryn­dan al­nan­da, demok­ra­ti­ýany dur­mu­şa or­naş­dyr­ma­gyň bir ug­ru­dyr. Mu­nuň özi hal­kyň weki­li­niň döw­le­ti do­lan­dy­ryş işi­ne gat­na­şy­gy ba­bat­da ýo­ka­ry mümkinçilik­le­ri­ni gör­kez­ýär. “Her bir ada­myň mu­kad­des­lik­le­re, halallyk ýö­rel­ge­le­ri­ne, päk gö­wün­li­lige, zäh­met­sö­ýer­li­ge we beý­le­ki asyl­ly hä­si­ýet­le­re bo­lan ga­raýşyn­dan dur­mu­şyň bin­ýa­dy tu­tulýar, döw­let sü­tü­ni bi­na bol­ýar. Döw­le­ti döw­let, ili il ed­ýän hem adam­lar­dyr” di­ýip, Gah­ry­man Ar­ka­da­gy­myz nyg­ta­ýar. 

Il­-ýurt bäh­bit­li me­se­le­le­riň maslahat­lar­da çö­zül­me­gi gadym­dan göz­baş al­ýar. Asyr­laryň jümmüşinden gaýd­ýan halk hä­ki­mi­ýe­ti­niň ýörel­ge­le­ri­ni, demok­ra­tik däp­le­ri­ni özün­de jemlän halk mas­la­hat­la­ryn­da sy­ýasy, ho­ja­lyk we hu­kuk me­se­le­le­ri bo­ýun­ça wa­jyp ka­rar­lar çykarylypdyr. Sol­tan­lar, han­lar has wa­jyp me­se­le­ler­de mas­la­hat ge­çi­rip, ge­ňeş gu­rap, gu­tar­nykly ne­ti­jä gelip­dir­ler. Türk­me­nista­nyň Halk Maslaha­ty hal­kyň döw­let gur­lu­şy babat­da toplan tej­ri­be­le­ri­ni, döwrüň ta­lap­la­ry­ny, ta­ry­hy däp­-des­sur­la­ry özün­de jem­le­mek bi­len, asyl­ly ýörelgele­riň hä­zir­ki za­man do­wa­ma­ty­ny ala­mat­lan­dyr­ýar. 

Halk Mas­la­ha­ty ýur­duň ýo­kary we­kil­çi­lik­li eda­ra­sy hök­mün­de ykdy­sa­dy­ýe­tiň äh­li pu­dak­la­ry­nyň we ra­ýat­la­ryň bäh­bit­le­ri­ni sazla­ýar. Döw­let hä­ki­mi­ýe­ti­niň ýer­li eda­ra­la­ry­nyň ha­ta­ryn­da welaýatlarda, etraplar­da we şä­her­ler­de dö­re­dil­ýän ýer­li we­kil­çi­lik­li edara­la­ryň aý­ra­tyn äh­mi­ýe­ti bar­dyr. Ola­ryň ag­za­la­ry de­giş­li do­lan­dyryş­ çäk bir­lik­le­rin­de ykdy­sa­dy, dur­muş we me­de­ni taý­dan ösüş maksatnama­la­ry­nyň ýe­ri­ne ýeti­ril­me­gi­ni gu­ra­ma­ga gat­naş­ýar. Býu­je­ti we onuň ýe­ri­ne ýe­ti­ri­li­şi hakyn­da ha­sa­ba­ty tas­syk­la­ýar. Ka­nu­nçy­ly­gyň ber­jaý edi­li­şi­ne we jemgyýet­çi­lik ter­ti­bi­niň go­ralyp sak­lan­ma­gy­na ýardam edýär. Şol bir wagt­da onuň jemgy­ýet­çi­lik bir­le­şik­le­ri bi­len öza­ra gat­na­şy­gy­nyň ýo­la go­ýul­ma­gyda üns be­ril­mä­ge my­na­syp­dyr. Ýurdumyzyň sy­ýa­sy partiýala­ry, jem­gy­ýet­çi­lik gu­ra­ma­la­ry Halk Maslaha­ty­nyň ge­çen mejlisle­riniň ne­ti­je­le­ri­ni köp­çü­lik­le­ýin habar be­riş se­riş­de­le­rin­de düşündir­mä­ge iş­jeň gat­naş­ýarlar. 

Hä­zir­ki za­man türk­men jem­gyýe­ti­ne döw­re­bap­lyk, ka­nu­ny­lyk, milli we dün­ýä tej­ri­be­si­ni utgaşdyr­mak ýö­rel­ge­le­ri mah­sus­dyr. Mu­nuň şeý­le­di­gi­ni ga­za­nan üstünlik­le­ri­mi­ziň ne­ti­je­sin­den görmek bol­ýar. «Berka­rar döw­letiň tä­ze eý­ýa­my­nyň Gal­ky­ny­şy: Türk­me­nis­ta­ny 2022­—­2052­nji ýyl­lar­da durmuş-­yk­dy­sa­dy taýdan ös­dür­me­giň Mil­li maksatnama­syn­da» ykdysady­ýe­tiň se­na­gat­laş­ma de­re­je­si­ni ýokarlandyrmak, san­ly ykdysadyýe­ti we teh­no­lo­gi­ýa­la­ry or­naşdyr­ma­gy çuň­laş­dyr­mak, amat­ly işe­wür­lik gur­şa­wy­ny dö­ret­mek, yk­dy­sa­dy­ýe­tiň pu­dak­la­ýyn ösüşi­ni dowam et­dir­mek; eko­lo­gi­ýa we azyk howpsuzlygyny üp­jün et­mek, adam ma­ýa­sy­ny ös­dürmek, ra­ýat­la­ryň ýaşa­ýyş­-dur­muş de­re­je­si­ni, durmuş go­rag­ly­ly­gyny ýo­kar­lan­dyr­mak bilen bag­ly mak­sat­la­ra aý­ra­tyn äh­mi­ýet beril­di. Bu ugur­lar­da­ky üstünlikler ra­ýat­la­ryň sy­ýa­sy düşünjesiniň, dur­muş­-yk­dy­sa­dy işjeňliginiň we hu­kuk me­de­ni­ýe­ti­niň ýokar­lan­dyryl­ma­gy bi­len üp­jün edil­ýär. Gah­ry­man Ar­ka­da­gy­my­zyň nyg­taý­şy­ ýa­ly,­ “Geç­miş­de­ di­ňe halal­hon,­ yn­sap­ly,­ adam­kär­çi­lige­ mah­sus­ sy­pat­la­ra­ eýe­ bo­lan adam­lar­ iliň­ öňü­ne­ düş­me­gi­ başa­ryp­dyr­lar.­ Şeý­le­ adam­lar­dan mas­la­hat­ so­ra­lyp,­ ola­ryň­ pi­ki­ri dur­muş­da ­is­len­dik ýagdaýda dogry, ­mak­sa­da­la­ýyk­ he­re­ket­ etmä­ge dog­ry­ ýol­ gör­kez­ýän­ çel­gi­ hasap edi­lip­dir”.­ 

Hal­ky­lyk döw­let, jem­gy­ýet, şah­sy­ýet gat­na­şyk­la­ry­nyň bitewüliginiň şöh­le­len­me­si­dir. Jebis iş­jeň­lik­de, yla­la­şyk­da hal­ka hyz­mat et­mek, onuň bäh­bit­le­ri­ni go­ra­mak we jem­gy­ýet­de dep­ginli ösü­şi üp­jün et­mek we­zi­pe­le­ri döw­le­tiň esa­sy mak­sat­la­ryn­da aý­ra­tyn orun eýe­le­ýär. Hal­ky­lyk türk­men döw­le­ti­niň hä­si­ýet­li aý­ratyn­ly­gy­dyr. Çün­ki pederlerimi­ziň «Ge­ňeş­li sa­la­mat bo­lar», «Il gözi­—­te­re­zi», «Iliň ag­zy bir bol­sa, da­gy go­pa­rar» di­ýen pä­him­le­ri­niň öze­nin­de jem­gy­ýe­tiň bitewüligi, yn­san­la­ryň raý­daş­ly­gy, ili­ne-­ýurdu­na we­pa­dar­ly­gy jemlenýär. Da­na şa­hy­ry­myz Mag­tym­gu­ly Py­ra­gy: «Goç ýi­gi­de toý­dur-baýram, Her iş gel­se il bi­lä­ni» diýmek bi­len, iliň abat­ly­gyn­da öz öm­rüň, öýüň aba­dan­ly­gy­nyň hasyl bol­ýan­dy­gy­ny ün­de­ýär. Ag­zybir­lik­de köplügiň pa­ra­sa­dy­na we tej­ri­be­si­ne da­ýa­ny­lyp, halk bi­len ge­ňe­şi­len işe döw­let­li­li­gi­ňem ýaran bol­ýan­dy­gy­ny, to­ýu­ňam uzaga gid­ýän­di­gi­ni taryhy wa­ka­lar­da has aý­dyň gör­ýä­ris. 

Hä­zir­ki dö­wür­de ýur­du­myz­da döw­let hä­ki­mi­ýe­ti­niň äh­li şahalarynyň or­nu­ny we yg­ty­ýar­lyk­lary­ny kesgit­le­mek, bu dü­züm­le­riň hal­ka hyz­mat et­me­gi üçin amat­ly hu­kuk ýag­da­ýy­ny dö­ret­mek, ýerli öz­-özü­ňi do­lan­dy­ry­şy gi­ňelt­mek hem-­de halkyň aba­dan­çy­ly­gy­nyň bähbidine dur­nuk­ly ösü­şi üp­jün et­mek üçin ykdy­sa­dy işi ka­da­laşdyr­mak ýa­ly mö­hüm we­zi­pe­ler iş ýü­zün­de dur­mu­şa ge­çi­ril­ýär. Türk­me­nis­ta­nyň Halk Mas­la­ha­tynyň öň­de du­ran mej­li­si­niň çöz­gütle­ri Mil­li Li­de­ri­mi­ziň ýo­la go­ýan baş­lan­gyç­la­ry­nyň hor­mat­ly Prezi­den­ti­mi­ziň pa­ra­sat­ly baştutanlygyn­da do­wam et­di­ril­ýän döwrün­de de­mok­ra­tik öz­gert­me­le­riň üs­tün­lik­li ama­la aşy­ryl­ýan­dy­gy­ny no­bat­da­ky ge­zek äş­gär eder. Täze kabul edil­ýän hu­kuk res­mi­nama­la­ry­nyň, çözgütle­riň öze­nin­de halk häkimi­ýe­ti­niň ýo­ka­ry we­kil­çili­gi­niň, döwrebap­ly­gy­nyň hem­-de her bir ada­myň dur­muş taý­dan goraglylygynyň, dö­re­di­ji­lik­li zähme­ti­niň üp­jün edil­me­gi­ne gö­nükdi­ri­len ýö­rel­ge­ler aý­dyň şöh­le­lenýär. 

Merjen BORJAKOWA, 

Türkmenistanyň Mejlisiniň Durmuş syýasaty 

baradaky komitetiniň hünärmeni

30.08.2023

Hormatly Prezidentimiziň taýsyz tagallalary netijesinde bedew bady bilen öňe barýan ýurdumyzda bu günki gün bagtyýar türkmen halky asudalygyň, parahatçylygyň, bolçulygyň hözirini görüp ýaşaýar. Ynha, şu günler ýurdumyzyň ähli künjeginde bolşy ýaly, paýtagtymyzda hem täze 2023 — 2024-nji okuw ýylyna giňden taýýarlyk görülýär. Awgust aýynyň başyndan şäheriň ähli ak bazarlarydyr söwda merkezlerinde ýörite mekdep bazarlary işläp başlady. Aşgabat şäher Alyjylar jemgyýetleri birleşigine degişli bolan bazarlarda, söwda merkezlerinde birnäçe ýerde ýörite mekdep bazarlary açylyp, halkymyza hyzmat edýär. Mekdep bazarlarynyň işläp başlan gününden bäri söwda-satuw işleri gyzgalaňly dowam edýär.

 Bu ýerde okuwçylar üçin niýetlenilen egin-eşikleriň, aýakgaplaryň, okuwçy torbalarynyň, galamdyr dürli ýazuw depderleriniň we surat albomlarynyň, gündelikleriň, kitap daşlyklarynyň birnäçe görnüşleri bar. Bu ýere gelýän alyjylar gerekli okuw esbaplaryny, sport eginbaşlaryny uly höwes bilen satyn alýarlar. Söwda hyzmatlarynyň giňden ýola goýulmagy, harytlaryň aglaba böleginiň öz ýurdumyzda öndürilendigi bellenilmäge mynasypdyr. Munuň özi harytlaryň elýeterli nyrhlardan bolmagyny üpjün edip, alyjylarda kanagatlanma duýgusyny döredýär. Mekdep bazarlaryna aýlanyp göreniňde, okuwçylara niýetlenen harytlaryň bolçulygynyň şaýady bolýarsyň. 

Türkmen halkynyň durmuş abadançylygy barada alada edýän, ýurdumyzda ýaş nesillerimiziň döwrebap bilim almaklary ugrunda beýik işleri durmuşa geçirýän Gahryman Arkadagymyzyň, Arkadagly Serdarymyzyň janlary sag, ömürleri uzak bolsun, il-ýurt bähbitli beýik işleri rowaçlyklara beslensin! 

Muhammetberdi GELDIMÄMMEDOW, 

Türkmenistanyň Mejlisiniň deputaty, 

Mejlisiň Kada-kanunçylyk baradaky 

komitetiniň agzasy.