В рамках межгосударственного сотрудничества представители Меджлиса Туркменистана и Центральной комиссии по выборам и проведению референдумов в Туркменистане совершили рабочий визит в Республику Таджикистан в составе Миссии наблюдателей от Содружества Независимых Государств для наблюдения за выборами депутатов Маджлиси Намояндагон Маджлиси Оли Республики Таджикистан.

     В настоящее время благодаря усилиям глав государств Туркменистана и Республики Таджикистан туркмено-таджикские отношения, основанные на многовековых традициях дружбы, исторической, духовной и культурной общности двух братских народов, вышли на новый уровень развития. В русле общих тенденций расширяются связи между Меджлисом Туркменистана и Маджлиси Милли Маджлиси Оли Республики Таджикистан. На площадках межпарламентских организаций и во время двусторонних встреч обсуждаются вопросы дальнейшего совершенствования совместной работы по поддержке межгосударственных отношений посредством парламентской дипломатии.

    В Меджлисе Туркменистана и Маджлиси Милли Маджлиси Оли Республики Таджикистан действуют межпарламентские группы дружбы, созданные на двусторонней основе. Это сотрудничество способствует обмену опытом в сфере законотворчества, парламентского контроля за исполнением законов, толкования законов среди общественности. Также мы обмениваемся мнениями и опытом о современных методах работы народных избранников с избирателями и активного участия в реализации государственных программ. 

    Примечательно, что наш визит прошёл в год 30-летия постоянного нейтралитета Туркменистана и Международного года мира и доверия, цель которого заключается в обеспечении всеобщего мира и устойчивого развития, укреплении взаимного доверия между государствами. 

    Нашу делегацию в аэропорту Душанбе встретили как дорогих и желанных гостей, по ходу следования к месту расположения нам рассказали об истории города, его достопримечательностях. 

    В ходе рабочего визита туркменская делегация имела возможность ознакомиться с избирательной системой дружественной страны, состоялась встреча с представителями Центральной избирательной комиссии Республики Таджикистан. На встрече обе стороны дали высокую оценку дипломатическим отношениям и укрепляющемуся по всем направлениям сотрудничеству между двумя странами. Нас проинформировали о ходе подготовки к выборам депутатов Маджлиси Намояндагон Маджлиси Оли Республики Таджикистан и особенностях избирательной системы страны. Таджикская сторона выразила нам благодарность за принятие приглашения в качестве международных наблюдателей. 

    В Национальной библиотеке Душанбе состоялась торжественная церемония вручения верительных грамот туркменской делегации, участвующей в Миссии СНГ в качестве международного наблюдателя. В день голосования наша делегация посетила несколько избирательных участков в городе Душанбе и ознакомилась с созданными возможностями для свободного выбора гражданами своих кандидатов. 

    По завершении процесса голосования состоялась пресс-конференция представителей Миссии наблюдателей от СНГ, которые дали высокую оценку состоявшимся выборам депутатов Маджлиси Намояндагон Маджлиси Оли Республики Таджикистан. 

    Приглашение нас таджикскими братьями на выборы в качестве международных наблюдателей – это знак дружбы между нашими народами и взаимного доверия между Туркменистаном и Республикой Таджикистан.

Сердар Дурдыев, 

депутат Меджлиса Туркменистана, член 

Комитета по работе с органами местной 

представительной власти и самоуправления.

     Täze taryhy döwürde hormatly Prezidentimiziň baştutanlygynda halkymyzyň ýaşaýyş­durmuş derejesini, ýurdumyzyň ykdysady kuwwatyny yzygiderli ýokarlandyrmaga, halkara hyzmatdaşlygyň gerimini giňeltmäge gönükdirilýän tagallalar rowaçlyga beslenýär. Bu ugurdaky işlere milli ykdysadyýetiň hususy pudagy hem mynasyp goşant goşýar. Hemişelik Bitaraplygymyzyň 30 ýyllygynyň dabaralaryna beslenýän Halkara parahatçylyk we ynanyşmak ýylynda Türkmenistanyň Senagatçylar we telekeçiler birleşmesiniň döredilenine 17 ýyl dolýar. Gahryman Arkadagymyzyň başlangyjy esasynda döredilen iri işewürlik düzümi halk­hojalygynyň pudaklarynyň sazlaşykly ösmeginde, dünýä tejribesiniň özleşdirilmeginde möhüm orun eýeleýär.

     Türkmen halkynyň Milli Lideri tarapyndan binýady goýlan ýurdumyzyň ykdysady strategiýasy hormatly Prezidentimiziň baştutanlygynda täze sepgitlere eýe bolýar. Ýurdumyzyň ykdysady kuwwatyny berkitmäge, sebitleriň sazlaşykly ösüşini üpjün etmäge gönükdirilen maksatnamalary yzygiderli durmuşa geçirmekde, innowasiýalary goldamakda we olary iş ýüzünde durmuşa ornaşdyrmakda hususy işewürler hem netijeli işleri alyp barýarlar. Bu gün türkmen telekeçileri döwletimiziň döredýän mümkinçiliklerinden, hususy pudagy ösdürmek ugrunda amala aşyrylýan özgertmelerden ruhlanyp, ýurdumyzyň önümçilik ykdysady kuwwatyny has­da berkitmekde we döwrebaplaşdyrmakda, senagat binýadyny kämilleşdirmekde giň gerimli işleri durmuşa geçirýärler.

     Daşary ýurtlardan getirilýän harytlaryň ornuny tutýan önümleri öndürýän senagatçylardyr telekeçiler ösüşlere uly goşant goşýarlar. Häzirki wagtda telekeçilerimiz oba hojalyk ekinleriniň ýokary hasyl berýän, ir ýetişýän täze görnüşlerini ekýärler. Şunda ulanylýan innowasion usullar bol hasylyň we tebigy serişdelerden netijeli peýdalanmagyň girewi bolup hyzmat edýär. Oba hojalykçy telekeçilerimiz bazarlarymyzy mal we guş eti, balyk we balyk önümleri, ýumurtga, süýt we süýt önümleri, şöhlat, konditer, çörek we çörek önümleri, agyz suwy, miwe içgileri hem­de şireleri, ösümlik ýagy, bugdaý, pagta, gök­bakja, azyklyk däneleri, miweler we üzüm hem­de beýleki önümler bilen üpjün edýärler. 

     Soňky ýyllarda telekeçilik işi gurluşyk senagatynda hem netijeli ugurlaryň birine öwrüldi. Bu gün türkmen gurluşykçylary milli binagärlik däplerimiz esasynda binalaryň, desgalaryň taslamalaryny taýýarlamakda we gurluşygyny alyp barmakda, şeýle­de gurluşyk serişdelerini öndürmekde belent sepgitlere ýetdiler. Ýerli kärhanalar iri gurluşyk taslamalaryny, häzirki zaman edara binalaryny, ýaşaýyş toplumlaryny, önümçilik hem­de medeni­durmuş maksatly iri desgalary gurmakda dünýäniň öňdebaryjy gazananlaryny işjeň özleşdirýärler. Ýakynda Arkadagly Gahryman Serdarymyzyň ak pata bermegi bilen Ahal welaýatynyň Bäherden etrabynda ýurdumyzyň kuwwatly önümçilik kärhanalarynyň üstüni ýetiren häzirki zaman Bäherden keramiki önümler kärhanasynyň dabaraly ýagdaýda açylmagy hem bu ugurda nobatdaky möhüm ädim boldy. Ýerli gurluşykçylar tarapyndan bina edilen bu kärhana ykdysady ösüşde döwlet hususy hyzmatdaşlygynyň oňyn netijeleriniň nobatdaky mysalydyr. 

     Mälim bolşy ýaly, geçen ýylda ýurdumyz boýunça maliýeleşdirmegiň ähli çeşmeleriniň hasabyna önümçilik we medeni durmuş maksatly desgalaryň 86-sy, umumy meýdany 1 million 145 müň inedördül metre deň bolan ýaşaýyş jaýlary ulanmaga berildi. Halkara parahatçylyk we ynanyşmak ýylynda hem Gahryman Arkadagymyzyň başlangyjy bilen gurulýan, ýurdumyzyň taryhynda ilkinji «akylly» şäher bolan Arkadag şäheriniň ikinji tapgyrynyň gurluşygy ýokary depginde dowam etdirilýär, täze önümçilik we durmuş düzümleri döredilýär. Bu üstünliklerde hususy pudagyň wekilleriniň mynasyp goşandy bardyr. Çünki türkmen işewürleri innowasion tehnologiýalary we öňdebaryjy dünýä tejribesini özleşdirmek bilen, ösüşiň täze belentliklerini nazarlaýarlar.

     Şanly wakalar, belent sepgitler bilen taryha ýazylýan Halkara parahatçylyk we ynanyşmak ýyly hem hususy pudagyň wekillerini täze üstünliklere ruhlandyrýar. Eziz Diýarymyzyň ähli babatda gülläp ösmegi, halkymyzyň bagtyýar durmuşda ýaşamagy ugrunda ýadawsyz aladalary edýän Arkadagly Gahryman Serdarymyza we türkmen halkynyň Milli Lideri Gahryman Arkadagymyza tüýs ýürekden alkyş aýdýarys.

Begençgeldi BAÝRAMMYRADOW,

Türkmenistanyň Mejlisiniň Ykdysady meseleler baradaky komitetiniň agzasy.

Asyrlar aşyp gelen ynsanperwerlik, agzybirlik, dostluk ýörelgelerimiz täze taryhy eýýamda barha rowaçlanýar. Bu asylly ýörelgeler döwletimiziň bitaraplyk syýasatynda öz beýanyny tapýar. Dünýäde ykrar edilen Bitaraplyk hukuk derejämiz parahatçylyk medeniýetine, durnukly ösüşi gazanmak meýillerine daýanýar. Parahatçylyk bolsa ýaşaýşyň ajaýyp peşgeşi, ykbalyň gymmatly serpaýydyr, eşretli şu gün, röwşen geljekdir.

Birleşen Milletler Guramasy tarapyndan iki gezek Bitaraplyk hukuk derejesine eýe bolan Türkmenistan döwletimiziň dünýäniň syýasy gurşawynda öňe sürýän baş taglymaty ynsanperwerlik hem-de ynsany hormatlamakdyr, adamyň iň ýokary gymmatlykdygyna bolan düşünjäni, onuň erkin ýaşaýşyna ynamy berkitmekdir. Baky Bitaraplygymyz parahat ýaşamak, erkin zähmet çekmek, adama söýgi döretmek, dost-doganlygy pugtalandyrmak ýaly ýörelgeleri rowaçlandyrýan gymmatlykdyr. Türkmen Bitaraplygynyň aýratynlygy bolsa onuň umumadamzat ýaşaýşyny gözelleşdirmäge, dünýä jemgyýetçiliginiň abadançylygyna gönükdirilýändiginde, milli ýörelgelere esaslanýandygynda jemlenýär. 

Mizemez parahatçylyk kadalarynyň guraly bolan türkmen Bitaraplygynyň peşgeş berýän ajaýyp miwelerinden nesibeli halkymyz Halkara parahatçylyk we ynanyşmak ýylynda Bitaraplygymyzyň şanly 30 ýyllyk toýuny dünýä halklary bilen bilelikde toýlar. Bu baýram dost-doganlygyň, parahatçylygyň, ynanyşmagyň baýramyna öwrüler.

Goý, parahatçylygyň, dostlugyň mekany bolan ata Watanymyzyň şan-şöhraty, abraý-mertebesi has-da belende galsyn!

Tuwakgylyç Weliýew, 

Türkmenistanyň Senagatçylar we 

telekeçiler partiýasynyň welaýat 

komitetiniň başlygynyň orunbasary, 

Türkmenistanyň Mejlisiniň deputaty.

     В нашей стране всё больше отечественных товаропроизводителей, применяя инновационные технологии, добиваются высоких трудовых показателей. В городе Дашогуз действует швейное ателье «Bagtybeg lybaslary», которое специализируется на производстве и пошиве национальных женских платьев с ручной вышивкой.

     Светлое и просторное помещение швейного ателье «Bagtybeg lybaslary», открытого в 2022 году, находится на втором этаже пассажирского автовокзала города Дашогуз. Ежедневно сюда приходят десятки жителей городов и этрапов Дашогузского велаята, чтобы заказать платья с ручной вышивкой, жакеты, доны 

и другие изящные изделия из шёлковой ткани кетени. Как отметила Багтыгуль Меретклычева, руководитель и основатель бренда- товарного знака «Bagtybeg lybaslary», национальные женские свадебные наряды изготавливаются по старинным образцам. Это древнее нестареющее декоративно-прикладное ремесло сегодня вознесено в ранг настоящего искусства. Приятно сознавать, что в последнее время в Туркменистане всё больше женщин отдают предпочтение кетени – ткани, которая во все времена ценилась и пользовалась большим спросом. Одна из главных её отличительных особенностей – неповторимый колорит, придающий представительницам прекрасного пола привлекательность и элегантность.

     В швейном ателье «Bagtybeg lybaslary» установлены и безотказно работают многофункциональные электрические швейные машины «JUKI» от известной компании Китайской Народной Республики,  другие специальные агрегаты современных модификаций, что позволяет своевременно и качественно выполнять заказы. Настоящими мастерицами своего дела зарекомендовали себя молодые швеи – сёстры Айша и Патма Какаевы, Мадина Розумова, Мяхри Ровшенова и другие представительницы почётной профессии. В числе коллективных и 

индивидуальных заказчиков – члены популярных в северном регионе страны фольклорных и песенно-танцевальных коллективов, профессиональные и самодеятельные артисты, солистки, женщины-бахши, студентки Дашогузской велаятской специальной школы искусств имени Магтымгулы Гарлыева, воспитанницы других государственных учреждений культуры. 

      Багтыгуль – постоянная участница всех семинаров-тренингов и традиционных выставок, проводимых ежегодно в Ашхабаде. Востребованная и качественная продукция под брендом «Bagtybeg lybaslary» в последние два года удостаивалась Почётных грамот от общественных организаций. В перспективе планируется расширить частное производство, создать дополнительные рабочие места и открыть фабрику по изготовлению национальной женской одежды.

Расул Садуллаев, 

депутат Меджлиса Туркменистана.

     Hemişelik Bitaraplygymyz ýurdumyzyň ygtybarly daýanjy bolup hyzmat edýär. Bu bolsa hormatly Prezidentimiziň parasatly baştutanlygynda diňe bir halkymyzyň däl, eýsem, ähli halklaryň bähbidini nazarlaýan daşary syýasatynyň gyşarnyksyz amala aşyrylmagydyr. Dünýä ýurtlary, halkara guramalar bilen hyzmatdaşlykda bilelikdäki taslamalaryň, maksatnamalaryň oýlanyşykly durmuşa geçirilmegi netijesinde berkarar döwletimiz ynamdar hyzmatdaş hökmünde uly abraýa eýe bolýar. 

     Türkmenistanyň hemişelik Bitaraplygy sebitde halkara hyzmatdaşlygyň we goňşuçylyk gatnaşyklarynyň ösmegine itergi berýär. Çünki Türkmenistan parahatçylyk söýüjilikli hem ynsanperwer daşary syýasaty amala aşyrýan döwlet hökmünde özüni tanatdy. Hormatly Prezidentimiz «Ýaşlar – Watanyň daýanjy» atly ajaýyp kitabynda şeýle belleýär: «Biziň alyp barýan syýasatymyz Garaşsyz, Bitarap döwletimizi syýasy, ykdysady, hukuk we medeni taýdan berk binýatly, kuwwatly ýurda öwürmekden, halkymyzy bagtyýar, parahat, eşretli durmuşda ýaşatmakdan ybaratdyr». Şu parasatly sözlerden görnüşi ýaly, bu günki günde Garaşsyz, hemişelik Bitarap ýurdumyzda parahat, eşretli durmuş üpjün edilýär, umumadamzat bähbitli başlangyçlar üstünlikli durmuşa geçirilýär. Eziz Diýarymyzyň hemişelik Bitaraplygy häzirki zamanyň asylly ýörelgeleriniň rowaçlanýandygynyň kepilidir. Şonuň üçin hem döwletimiz Birleşen Milletler Guramasy tarapyndan ykrar edilen hemişelik Bitaraplyk derejesinden gelip çykýan halkara borçlaryna eýerip, olary durmuşa geçirmegiň syýasy, ykdysady we ynsanperwer ugurlaryny kesgitleýär hem­de üstünlikli amala aşyrýar. 

     Hemişelik Bitarap ýurdumyz umumadamzat gymmatlyklaryna we demokratiýanyň ýörelgelerine eýermek bilen, dünýä döwletleri bilen dostluk, birek­biregi hormatlamak, ynanyşmak ýörelgeleri esasynda dürli ugurlarda gatnaşyklary ösdürýär. Häzirki wagtda ýurdumyz köp sanly halkara guramalar we dünýä döwletleri bilen hyzmatdaşlyk gatnaşyklaryny alyp barýar. 

     Goý, hemişelik Bitarap ýurdumyzyň asylly ýörelgeleri rowaçlyklara beslensin! Halkymyzy bagtyýar durmuşda ýaşadýan Gahryman Arkadagymyzyň, Arkadagly  Gahryman Serdarymyzyň janlary sag, ömürleri uzak bolsun! 

Perman SAPAROW,

Türkmenistanyň Mejlisiniň Durmuş syýasaty 

baradaky komitetiniň baş hünärmeni.

     Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalarynyň netijesinde halkymyzyň hal-ýagdaýyny, ýaşaýyş-durmuş derejesini has-da ýokarlandyrmaga, raýatlaryň durmuş taýdan goraglylygyny pugtalandyrmaga gönükdirilen uly işler amala aşyrylýar. Şunda ýurdumyzyň zenanlaryna mynasyp durmuş we döredijilikli zähmet çekmek üçin ähli şertleriň döredilýändigi, gender deňliginiň kanun arkaly üpjün edilýändigi aýratyn guwandyryjydyr.

     Mälim bolşy ýaly, ilatyň durmuş taýdan abadançylygynyň ýokary derejesini gazanmak, durmuş kepilliklerini üpjün etmek hormatly Prezidentimiz tarapyndan alnyp barylýan döwlet syýasatynyň möhüm ugurlarynyň biridir. Şu nukdaýnazardan, Gahryman Arkadagymyz hem, Arkadagly Gahryman Serdarymyz hem Mejlisiň deputatlary bilen geçirýän duşuşyklarynda, maslahatlarynda ýurdumyzyň hukuk binýadyny hil taýdan ýokary derejede ösdürmegiň, ilkinji nobatda, her bir adamyň durmuş taýdan goraglylygyny kepillendirýän döwlet hökmünde raýatlarymyzyň durmuş esaslaryny kesgitleýän kanunlary kabul etmegiň zerurdygyny nygtaýarlar. 

     Häzirki wagtda durmuş ulgamyna degişli kanunçylyk namalarynyň birnäçesi hereket edip, şolaryň esasylarynyň biri-de Türkmenistanyň Ilaty durmuş taýdan goramak hakynda kodeksidir. Kodekse laýyklykda, döwletimiz tarapyndan aýallara çaga doglanda we oňa üç ýaşa çenli seretmek üçin döwlet kömek pullary, pensiýa ýaşyna ýetende, pensiýa ýa-da iş döwri bolmadyk ýagdaýynda durmuş kömek puly berilýär. Şeýle-de çaga doglanda berilýän bir wagtlaýyn kömek puly hem-de çaganyň üç ýaşy dolýança oňa seretmek boýunça kömek puly çaga seredýäniň işleýändigine ýa-da işlemeýändigine garamazdan tölenilýär. Hökmany pensiýa ätiýaçlandyrmasyna gatnaşygy bäş ýyldan az bolmadyk, 57 ýaşy dolanda aýal maşgalalara ýaşy boýunça pensiýa çykmaga bolan hukuk kepillendirilýär. Üç çaga dogran we olary sekiz ýaşa çenli terbiýeläp ýetişdiren, hökmany pensiýa ätiýaçlandyrmasyna gatnaşygy 20 ýyldan az bolmadyk aýal maşgalalar 56, dört çaga dogran we olary sekiz ýaşa çenli terbiýeläp ýetişdiren, hökmany pensiýa ätiýaçlandyrmasyna gatnaşygy 18 ýyldan az bolmadyk aýal maşgalalar 55, bäş, alty, ýedi çagany dogran ýa-da çagalygyndan maýyplygy bolan çagasy bar bolan (maýyplygy bolan çaga diýip ykrar edilen wagtyna garamazdan) hem-de sekiz ýaşa çenli terbiýeläp ýetişdiren, hökmany pensiýa ätiýaçlandyrmasyna gatnaşygy 15 ýyldan az bolmadyk aýal maşgalalar 54, sekiz we şondan köp çagany dogran we olary sekiz ýaşa çenli terbiýeläp ýetişdiren, hökmany pensiýa ätiýaçlandyrmasyna gatnaşygy 10 ýyldan az bolmadyk aýal maşgalalar 52 ýaşy dolanda pensiýa çykmak hukugyna eýedir. 

     Ilaty durmuş taýdan goramak hakynda kodeksde köp çagaly aýal maşgalalara durmuş üpjünçiliginiň başga kepillikleri hem berkidilendir. Çaga doglanda, çaga seretmek boýunça, 18 ýaşa çenli maýyplygy bolan çagalara maýyplyk boýunça berilýän döwlet kömek pullaryny muňa mysal hökmünde görkezmek bolar. Ata-enesiniň howandarlygyndan galan çagalary durmuş taýdan goramagyň çäreleri baradaky düzgünler bolsa bu hukuk resminamasynyň aýratyn maddasynda beýan edilýär. «Türkmenistanyň «Ene mähri» diýen hormatly adyny döretmek hakynda» Türkmenistanyň Kanuny hem köp çagaly maşgalalary goldamagyň hukuk esasy bolup hyzmat edýär. Gahryman Arkadagymyz ata-babalarymyzyň maşgala ojagynda ene mähremligine aýratyn gadyr goýup, ony mukaddeslige deňemek ýaly ajaýyp ýörelgelerinden ugur alyp, Watanymyzyň bagtyýar geljegini kepillendirýän nesli ösdürip ýetişdirmekde belent başly enelerimiziň gujur-gaýratyna uly ornuň degişlidigini belleýär. Şoňa görä, 2008-nji ýylda kabul edilip, onda sekiz we şondan köp çagany dünýä indiren hem-de terbiýelän, Türkmenistanyň «Ene mähri» diýen hormatly adyna mynasyp bolan enelere ýeňillikleri göz öňünde tutýan bu Kanuna Milli Liderimiziň enelerimize, mähriban zenanlarymyza goýýan sarpasynyň aýdyň nyşany hökmünde garamak bolar. 

     Her ýyl Halkara zenanlar gününiň öňüsyrasynda, Türkmenistanyň Prezidentiniň Permanyna laýyklykda, zenanlaryň köpsanlysyna “Ene mähri” diýen hormatly adyň dakylmagy indi asylly däbe öwrüldi. Bu at tapawutlandyryşyň beýik nyşanydyr, eneleriň jemgyýetiň we döwletiň öňünde bitirýän hyzmatlarynyň hem-de Watanymyzyň rowaçlygyna, gülläp ösüşine goşýan goşandynyň ýokary derejede ykrar edilýändiginiň aýdyň güwäsidir. 28-nji fewralda sanly ulgam arkaly geçirilen Ministrler Kabinetiniň nobatdaky mejlisinde hormatly Prezidentimiziň mukaddes maşgala ojagyny gorap saklamakda, perzentlerine mynasyp edep-terbiýe bermekde, jemgyýetimiziň agzybirligini has-da berkitmekde eziz enelerimize, zenanlarymyza uly ornuň degişlidigini, yhlasly zähmeti bilen berkarar Watanymyzyň abraýyny belende göterýän mähriban enelerimiziň Garaşsyz döwletimizde hormat-sarpasynyň örän ýokarydygyny belläp, köp çagaly enelere «Ene mähri» diýen hormatly ady dakmak hakynda Permana gol çekmegi olaryň baýramçylyk şatlygyny has-da artdyrdy.

     Ýeri gelende, «Ene mähri» diýen hormatly ada mynasyp bolan zenanlaryň hersine Türkmenistanyň ilaty durmuş taýdan goramak hakynda Kodeksine laýyklykda, döwlet kömek pullaryny hasaplamak üçin binýatlyk ululygyň 10 esse möçberinde bir wagtlaýyn pul baýragynyň berilýändigini nygtamaly. Şeýle-de Kodeksiň talaplaryna laýyklykda, çaga seretmek boýunça döwlet kömek pulunyň möçberi, her bir çaga üçin, onuň üç ýaşy dolýança, döwlet kömek pullarynyň hasaplanylmagy üçin bellenilen binýatlyk ululygyň 75 göterimi möçberinde bellenilýär. Bulardan başga-da, olara pensiýalarynyň ýa-da çaga seretmek boýunça döwlet kömek pulunyň, maýyplyk boýunça döwlet kömek pulunyň, döwlet durmuş kömek pulunyň 30 göterimi möçberinde her aýda goşmaça hak tölenilýär. Bularyň ählisi enelerimizdir zenanlaryň döwlet tarapyndan uly üns-alada bilen gurşalýandygynyň, halkymyzyň bagtyýar durmuşda ýaşamagyny üpjün etmek babatda edilýän tagallalaryň barha rowaçlanýandygynyň aýdyň mysalydyr.Maşgalanyň sütüni hökmünde eziz enelerimiziň mertebesini belentde tutup, halkymyzyň gadymy döwürlerden gözbaş alýan milli ýörelgelerini has-da dabaralandyrýan Gahryman Arkadagymyzyň, hormatly Prezidentimiziň janlarynyň sag, belent başlarynyň aman bolmagyny, alyp barýan beýik işleriniň mundan beýläk-de üstünliklere beslenmegini arzuw edýäris.

Baýrammyrat HAJYMÄMMEDOW, 

Türkmenistanyň Mejlisiniň Durmuş 

syýasaty baradaky komitetiniň agzasy.

      Bagtyýarlyga hem rowaçlyga beslenýän ajap eýýamymyzda türkmen halky ata-baba dowam edip gelýän asylly ýol-ýörelgelerine, hoşniýetli garaýyşlara eýerip, dünýäde abadançylygy pugtalandyrmak ugrunda uly tagallalary edýär.Baky Bitarap döwletimiz halkara giňişlikde tutuş adamzat ähmiýetli asylly başlangyçlary öňe sürüp, olary durmuşa geçirmekde anyk işleri amala aşyrmagyň belent nusgasyny görkezýär.

     Türkmen halkynyň Milli Lideri Gahryman Arkadagymyzyň ýiti zehininden, jöwher paýhasyndan dörän «Türkmenistan – parahatçylygyň we ynanyşmagyň Watany» atly ajaýyp goşgusynda hemişelik Bitaraplyk hukuk derejämiziň çuňňur mazmuny, parahatçylygyň, dost-doganlygyň ähmiýeti ussatlyk bilen beýan edilýär. Goşgydaky: «Adamzadyň arzuwy

abatlyga telwasdyr!» diýen setirde Gahryman Arkadagymyzyň «Dialog– parahatçylygyň kepili» atly taglymatynyň bütin dünýäde belent ykrara eýe bolmagynyň düýp mazmunyny görmek bolýar. Çünki parahatçylyk we ynanyşmak ähli döwürlerde-de adamzadyň baş arzuwy bolandyr. Şu gün hem şeýle bolmagyna galýar. BMG-niň Baş Assambleýasynyň 78-nji sessiýasynda Türkmenistanyň başlangyjy esasynda «2025-nji ýyl – Halkara parahatçylyk we ynanyşmak ýyly» atly Kararnamanyň kabul edilmegi hem munuň nobatdaky subutnamasydyr. 

     Halkara parahatçylyk we ynanyşmak ýylynda hemişelik Bitaraplygymyzyň şanly 30 ýyllygynyň dabaralarynyň diňe bir Watanymyzda däl, eýsem, tutuş dünýäde-de bellenilip geçiljekdigi bagtyýar halkymyzyň kalbyndaky buýsanjy artdyrýar. Şunuň bilen baglylykda, golaýda Birleşen Milletler Guramasynyň Nýu-Ýork şäherinde ýerleşýän ştab-kwartirasynda Halkara parahatçylyk we ynanyşmak ýylynyň dabaraly açylyşynyň geçirilmegi hem-de onda Türkmenistanyň Halkara parahatçylyk we ynanyşmak ýylynyň dowamyndaky işleriniň we ileri tutýan ugurlarynyň Konsepsiýasynda öňe sürülýän wezipeleriň uly goldawa eýe bolmagy hoşniýetli başlangyçlarymyzyň bütin dünýäde dabaralanýandygynyň aýdyň güwäsine öwrüldi. Bu resminamanyň çäklerinde geçiriljek halkara forumlar we maslahatlar, duşuşyklar, medeni hem-de döredijilik festiwallary parahatçylygyň we ynanyşmagyň ählumumy ähmiýetini aýdyň görkezýär. Şanly ýylda geçirilmegi meýilleşdirilýän möhüm çäreleriň hatarynda Birleşen Milletler Guramasynyň oýunlarynyň hem bolmagy halklaryň arasynda dost-doganlygy berkitmekde sport diplomatiýasyna uly ornuň degişlidigini tassyklaýar. 

     Şanly wakalara beslenjek ýylyň dünýäde jebisligi, ynanyşmagy pugtalandyrmaga ýardam edip, Milli Liderimiziň hem-de hormatly Prezidentimiziň öňe sürýän parahatçylyk döredijilikli taglymatyny aýdyň dabaralandyrjakdygyna berk ynanýarys. Ýer ýüzünde parahatçylygyň, abadançylygyň, deňhukukly gatnaşyklaryň ösdürilmegi ugrunda uly tagallalary edýän Gahryman Arkadagymyzyň we Arkadagly Gahryman Serdarymyzyň janlary sag, belent başlary aman bolsun!

Perman SAPAROW,

Türkmenistanyň Mejlisiniň 

Durmuş syýasaty baradaky 

komitetiniň baş hünärmeni.

     Häzirki döwürde bedenterbiýe we sport adamyň durmuş işjeňliginiň ähli ugurlarynda möhüm ähmiýete eýedir. Bedenterbiýe we sport her bir adam hem-de tutuş jemgyýet üçin wajyp bolan maddy we ruhy gymmatlyklaryň toplumydyr. Alymlar bedenterbiýäni we sporty adamzadyň tebigy hem-de jemgyýetçilik ösüşini birleşdirýän köpri hökmünde häsiýetlendirýärler. Çünki bu gymmatlyklar gadymy döwürlerden bäri ýaş nesilleriň sagdyn ösüp kemala gelmeginde hem-de

uly adamlaryň zähmete ukyplylygyny goramakda we artdyrmakda zerur şert hasaplanypdyr

     Bilim we terbiýeçilik ulgamlarynda bedenterbiýe hereket endiklerini kemala getirmegiň hem­de ösdürmegiň esasy şertleriniň biri hökmünde

uly orun alýar. Soňky ýyllarda bedenterbiýäniň adamyň ruhy dünýäsine täsirini ýetirýändigi öňe sürlüp, onuň aň­paýhas, ahlak we gözellik jähetlerindäki ornuna uly üns berilýär. Şoňa görä­de, bedenterbiýe we sport diňe sagdynlygyň gözbaşy däl, eýsem, jemgyýetiň gymmatlyklar ulgamynyň kämilleşmeginde hem ähmiýeti barha artýan serişdelerdir. Hut şoňa görä­de, ösen jemgyýetde bedenterbiýäni we sporty galkyndyrmagyň kanunçylyk binýady berkidilýär, maliýe üpjünçiligi pugtalandyrylýar, sagdyn durmuş ýörelgesiniň wagyz - nesihaty giň­gerime eýe bolýar.

     Ýeri gelende, bedenterbiýäniň we sportuň öňe sürýän jemgyýetçilik gymmatlyklarynyň mazmun taýdan birmeňzeşdigine garamazdan, olaryň

ýerine ýetirýän wezipelerinde tapawutlaryň hem bardygyny bellemek gerek. Şunuň bilen baglylyk­da, bedenterbiýäniň adamyň jemgyýetçilik

durmuşyna uýgunlaşmagynyň ilkinji we iň esasy ýollarynyň biri hökmünde dörändigini hem­de ösýändigini nygtamalydyr. Sportuň döreýşi we ösüşi bolsa adamyň üstün mümkinçilikleridir ukyp­başarnyklary arkaly jemgyýetde ykrar edilmegi bilen baglanyşyklydyr. Jemgyýete has işjeň goşulyşmak we öňe saýlanmak sporta mahsus gymmatlyklardyr. Şol sebäpden­de, sporta «adamda erki

kemala getirýän mekdep», «duýgularyň mekdebi», «tutanýerliligi ösdürýän mekdep», «adalatlylygy pugtalandyrýan mekdep» ýaly häsiýetler berkidilip, onuň üstünlik, duýgy, ahlak, gözellik taraplaryna aýratyn üns çekilýär.

     Sportuň has giň­gerimde ösen nusgasy ­ Olimpiýa hereketi bolsa halkara gatnaşyklary işjeňleşdirmekde we pugtalandyrmakda aýratyn ähmiýete eýedir. Çünki sport parahatçylyk, sagdynlyk, ynsanperwerlik, adalatlylyk ýaly umumadamzat gymmatlyklaryny ilerledip, halklaryň we döwletleriň arasyndaky gatnaşyklaryň dostlukly häsiýetini ösdürýär. «Sportuň dili» ­ onuň düzgün­kadalary bolsa dünýäniň islendik künjünde ýaşaýan adam üçin düşnüklidir.

     Eziz Diýarymyzda hem sagdyn jemgyýeti berkarar etmek ugrundaky işleriň turuwbaşdan bedenterbiýäni we sporty ösdürmek bilen berk baglanyşykly alnyp barlandygyny, häzir hem bu ugurda toplumlaýyn wezipeleriň durmuşa geçirilýändigini bellemek gerek. Gahryman Arkadagymyzyň ýurdumyzda bedenterbiýäni we sporty ösdürmek ugrundaky başyny başlan asylly işleriniň hormatly Prezidentimiziň baştutanlygynda dowam etdirilmegi şu günümiziň bagtyýar, geljegimiziň röwşen bolmagynyň möhüm şertleriniň hatarynda durýar.

Begenç GURBANGELDIÝEW,

Türkmenistanyň Mejlisiniň Ykdysady 

meseleler baradaky komitetiniň agzasy.

     Bu gün Garaşsyz, hemişelik Bitarap Watanymyz parahatçylygy üpjün ediji merkez hökmünde ykrar edilip, dünýä ýüzünde giňden tanalýar. Türkmenistanyň başlangyjy esasynda Birleşen Milletler Guramasynyň Baş Assambleýasy tarapyndan «2025-nji ýyl — Halkara parahatçylyk we ynanyşmak ýyly», «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamalaryň biragyzdan kabul edilmegi Gahryman Arkadagymyzyň, Arkadagly Gahryman Serdarymyzyň Ýer ýüzünde parahatçylygy we howpsuzlygy üpjün etmek babatda öňe sürýän başlangyçlarynyň, parahatçylyk söýüjilik, dost-doganlyk ideýalarynyň dünýä bileleşigi tarapyndan ykrar edilýändiginiň subutnamasydyr. Milli Liderimiziň «Dialog — parahatçylygyň kepili» taglymatynyň uly meşhurlyga eýe bolup, dünýä halklaryny parahatçylyk söýüjilige, dost-doganlyga çagyrýan şygara öwrülendigini aýtmak ýakymly. Çünki dialog — diňe birek-birege ynanylýan, hormat goýulýan we düşünişilýän ýerde mümkindir.

     Hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen şygary, Milli Liderimiziň «Döwlet adam üçindir!» diýen baş ýörelgesi halkymyzyň parahat we bolelin durmuşyna, abadançylygyň ýokarlandyrylmagyna, ýurdumyzyň ykdysady kuwwatynyň has-da artdyrylmagyna gönükdirilendir. Arkadagly Gahryman Serdarymyzyň «Magtymguly — dünýäniň akyldary», Gahryman Arkadagymyzyň «Hakyda göwheri» atly täze eserlerinde hem pederlerimiziň parahatçylygy dörediji baý mirasy, ynsanperwerlige, parahatçylyga, ynanyşmaga esaslanýan garaýyşlary giň beýanyny tapýar. Parahatçylygyň we ynanyşmagyň halkymyzyň taryhynda iň sarpaly gymmatlyklar hökmünde uly ähmiýete eýe bolýandygy baradaky pikirler çuň many-mazmunly eserleriň içinden eriş-argaç bolup geçýär. 

     Gahryman Arkadagymyzyň: 

     Külli ynsan hakyna belent maksat tutany —

     Türkmenistan — parahatlyk, ynanyşmak Watany —

diýen ajaýyp setirleri ýüreklerimizde hemişelik orun alýar. 

     Parahatlyk aýdymyna öwrülen bu setirler sungatlaryň dünýä halklaryny dost-doganlaşdyrýandygynyň güwäsi. Parahatçylyk, asudalyk, agzybirlik — baş ýörelgämizdir. Hormatly Prezidentimiziň baştutanlygynda Halkara parahatçylyk we ynanyşmak ýylynda Garaşsyz, hemişelik Bitarap Watanymyz täze üstünliklere we belent sepgitlere tarap öňe barýar. Gazanylýan üstünlikler, beýik ýeňişler bizi has belent maksatlara ruhlandyrýar. Goý, Arkadagly Gahryman Serdarymyzyň parasatly döwlet syýasaty bilen berkarar bolýan täze taryhy eýýamyň şan-şöhraty barha beýgelsin, dünýä ýüzünde parahatçylyk, dostluk, doganlyk sazy ýaňlanyp dursun!

Senem BERDIÝEWA,

Türkmenistanyň Mejlisiniň deputaty, 

Türkmenistanyň Prezidentiniň ýanyndaky Döwlet gullugy akademiýasynyň diňleýjisi.