2024-nji ýylyň 14-nji oktýabrynda Türkmenistanyň Mejlisiniň we Koreýa Respublikasynyň Milli Assambleýasynyň wekilleriniň gatnaşmaklarynda türkmen-koreý ikinji geňeşme maslahaty geçirildi.

Geňeşme maslahatynda Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Koreýa Respublikasyna amala aşyran iş saparynyň dowamynda öňe süren, «Merkezi Aziýa — Koreýa Respublikasy» atly parlamentara forumy döretmek, türkmen-koreý ikinji geňeşme maslahaty geçirmek baradaky başlangyjyndan ugur alnyp, 2023-nji ýylda Koreýa Respublikasynyň Parlamenti tarapyndan Merkezi Aziýa döwletleriniň we Koreýa Respublikasynyň Parlament ýolbaşçylarynyň ilkinji duşuşygynyň we türkmen-koreý ikinji geňeşme maslahatynyň, şeýle hem bu gün Aşgabat şäherinde Türkmenistanyň Mejlisi tarapyndan «Parahatçylygyň, gülläp ösüşiň we özara ynanyşmagyň hatyrasyna hyzmatdaşlyk» ady bilen ikinji duşuşygyň, türkmen-koreý ikinji geňeşme maslahatynyň guralmagynyň Gahryman Arkadagymyzyň taryhy başlangyjynyň üstünlikli durmuşa geçirilýändigine şaýatlyk edýändigi bellenildi.

Geňeşme maslahatynyň dowamynda döwletlerimiziň arasynda parahatçylygy, özara ynanyşmagy höweslendirmegiň we söwda-ykdysady, medeni-ynsanperwer gatnaşyklary ösdürmegiň bähbidine hyzmatdaşlygy pugtalandyrmaga, hem-de ulag, energetika, ýokary tehnologiýalar, durmuş, medeniýet, ylym, bilim, saglygy goraýyş, sport, syýahatçylyk, howanyň üýtgemegi we daşky gurşawy goramak ýaly ulgamlarda ýola goýlan hyzmatdaşlygy parlament diplomatiýasynyň üsti bilen goldamagy we bu ugurlarda tejribe alyşmaga, şeýle hem Merkezi Aziýa döwletleriniň we Koreýa Respublikasynyň Parlamentleriniň başlyklarynyň şu günki ikinji duşuşygynyň gün tertibine girizilen meseleler boýunça parlament we kanunçykaryjylyk işinde tejribe alyşmak, halkara parlament meýdançalarynda birek-biregiň başlangyçlaryny goldamak bilen bagly garaýyşlar beýan edildi. 

Koreý tarapy öz gezeginde parlamentara dostluk toparlarynyň işine uly ähmiýet berýändigini bellemek bilen, iki ýurduň arasyndaky söwda-ykdysady, maýa goýum gatnaşyklarynyň şertnama-hukuk binýadyny pugtalandyrmakda, bilim, medeniýet ugurlaryndaky gatnaşyklary ösdürmekde işleri güýçlendirmegi teklip etdi. 

Ozaly bilen, duşuşyga gatnaşyjylaryň ählisini mübäreklemäge we myhmansöýer türkmen topragynda mähirli kabul edilendigimiz hem-de şu günki çäräniň ýokary guramaçylyk derejesinde geçirilendigi üçin minnetdarlyk bildirmäge rugsat ediň.

«Parahatçylygyň, gülläp ösüşiň we özara ynanyşmagyň hatyrasyna hyzmatdaşlyk» örän möhümdir, çünki biz diňe tagallalarymyzy birleşdirmek bilen dünýäde ösüşi we abadançylygy gazanyp bileris. 

Duşuşygyň iki sany ýörite mejlisine üns bersek, olaryň döwletleriň ösüşleriniň möhüm ugurlaryna bagyşlanandygyny görmek mümkin. 

«Parahatçylygyň hatyrasyna hyzmatdaşlyk» - biziň gatnaşyklarymyzyň ileri tutulýan ugurlarynyň biridir. 

Merkezi Aziýa ýurtlarynda durnuklylyk we howpsuzlyk esasy ugurlaryň biri bolup durýar, şol sebäpli biziň ýurtlarymyzyň parlamentleri kanunçykaryjy edaralar hökmünde ilatyň hal ýagdaýynyň gowulanmagy babatda yzygiderli zähmet çekýärler. 

Gülläp ösüşiň hatyrasyna hyzmatdaşlyk – bu biziň hyzmatdaşlygymyzyň ýene-de bir esasy ugurlarynyň biri bolup durýar. Biziň ýurtlarymyzyň halklarynyň ykdysady abadançylygy gönüden-göni biziň hyzmatdaşlygymyza baglydyr. 

Özara ynanyşmak islendik üstünlikli hyzmatdaşlygyň binýadydyr. Biz parlamentleriň arasynda açyk dialog we işjeň özara hyzmatdaşlyk arkaly bu ynanyşmagy pugtalandyryp bileris. 

Gyrgyz Respublikasy Koreýa Respublikasy we Merkezi Aziýa ýurtlary bilen ozaldan gelýän gatnaşyklara ýokary baha berýär hem-de bu hyzmatdaşlykda geljek üçin uly mümkinçilikleri görýär.  

Parlament diplomatiýasynyň döwletara hyzmatdaşlygy ösdürmegiň kuwwatly guraly bolup durýandygyny ýene bir gezek bellemek isleýärin. 

Şunuň bilen baglylykda, biz koreý tarapynyň duşuşygyň parlamentleriň baştutanlary derejesinde görnüşini döretmek başlangyjyna we geçen ýylda onuň ilkinji mejlisiniň geçirilendigine ýokary baha berýäris. Bu meýdançanyň köp ýyllaryň dowamynda hereket etjekdigine we biziň gatnaşyklarymyzyň giňeldilmegi we berkidilmegi üçin binýat hökmünde çykyş etjekdigine pugta ynanýaryn. 

Şu günki duşuşygyň ähli gatnaşyjylaryna üstünlik, ýurtlarymyza bolsa – bagtyýarlyk, parahatçylyk we mundan beýläk-de gülläp ösüşi arzuw edýärin. 

Ozaly bilen, şu günki çäre  çagyrylandygymyz we uly myhmansöýerlik bilen kabul edilendigimiz üçin hoşallyk bildirýärin. 

Şeýle hem türkmen şahyry we akyldary Magtymguly Pyragynyň doglan gününiň 300 ýyllygyna bagyşlanan halkara forumyň   üstünlikli geçirilmegi bilen gutlaýaryn, Duşuşykda Täjigistan Respublikasynyň Prezidenti hormatly Emomali Rahmonyň «Magtymguly Pyragynyň doglan gününiň 300 ýyllygyna» atly ýubileý medaly bilen   sylaglanylmagy biziň üçin uly hormatdyr.

Biz bu duşuşygy wajyp hyzmatdaşlyk meselelerini  ara alyp maslahatlaşmak we olar boýunça  bilelikdäki  çözgütleri işläp taýýarlamak üçin amatly  mümkinçilik diýip hasaplaýarys.

«Merkezi Aziýa we Koreýa Respublikady  görnüşinde biziň  dialogymyzyň dowam etdirilmeginiň köptaraplaýyn hyzmatdaşlygymyzyň geljegi uly ugurlaryny kesgitlemek boýunça  bilelikdäki tagallalarymyza we oňyn netijeler gazanmagymyza ýardam etjekdigine ynanýarys. 

 Şu nukdaýnazardan Merkezi Aziýa  bilen Koreýa Respublikasynyň arasynda  ysnyşykly strategik  hyzmatdaşlygy dowam etdirmäge özümiziň taýýardygymyzy tassyklaýarys. 

Şu duşuşygyň çäginde  ykdysady hyzmatdaşlyk  meseleleri we Durnukly  ösüş maksatlaryna  ýetmekde howanyň üýtgemeginiň netijelerini  gowşatmak boýunça  ýörite sessiýanyň guralandygy üçin türkmen tarapyna  hoşallyk bildirýäris.

Şu günki duşuşykda kabul edilýän kararlaryň  biziň ýurtlarymyzyň arasyndaky  parlamentara aragatnaşyklary  mundan beýläk-de ösdürmegiň ýolunda   ýene-de bir möhüm ädim  boljakdygyna ynanýarys. 

Ozaly bilen, türkmen doganlarymyzyň myhmansöýerligi we ajaýyp Aşgabat şäherinde şu günki duşuşygyň ýokary guramaçylyk derejesinde geçirilýändigi üçin kärdeşlerimiziň bildirýän minnetdarlygyna goşulýandygymy aýtmak isleýärin.

2024-nji ýylyň 11-nji oktýabrynda Aşgabatda Gündogaryň beýik akyldar şahyry Magtymguly Pyragynyň 300 ýyllygyna bagyşlanylan halkara forum geçirildi. Oňa Merkezi Aziýa döwletleriniň Baştutanlary hem gatnaşdylar. Munuň özi biziň ýurtlarymyzyň öz gözbaşyny müňýyllyklardan alyp gaýdýan hoşniýetli goňşuçylyk, dost-doganlyk ýörelgelerine, netijeli hyzmatdaşlygy berkitmäge ygrarlydyklaryna şaýatlyk edýär.

         Seulda geçirilen ilkinji duşuşyk we şu günki forum biziň ýurtlarymyzyň hoşniýetli hyzmatdaşlygyň bähbitlerine açyk dialogyň üstünlikli dowam etdirilmegine we anyk netijeleriň gazanylmagyna isleg bildirýändiklerini görkezýär.

Merkezi Aziýa döwletleriniň arasynda haryt dolanyşygynyň, söwdanyň, maýa goýum işjeňliginiň,  içki sebit syýahatçylygynyň yzygiderli ýokarlanmagy biziň ýurtlarymyzyň dostlukly gatnaşyklarynyň durnukly ösýändiginiň subutnamasydyr. 

Biz, parlamentariler sebitiň ýurtlarynyň Koreýa Respublikasy bilen hem söwda-ykdysady, medeni-ynsanperwer gatnaşyklarynyň ösdürilmegine mundan beýläk-de ýardam etmelidiris. Çykyşlarda bellenilişi ýaly, döwletleriň arasynda ynanyşmagyň berkidilmeginde parlament diplomatiýasy möhüm orna eýedir.

Biz Türkmenistanyň başlangyjy bilen, Birleşen Milletler Guramasynyň Baş Assambleýasy tarapyndan 2025-nji ýylyň Halkara parahatçylyk we ynanyşmak ýyly diýlip yglan edilmeginde hem çuňňur manyny, umumadamzat ähmiýetliligi görýäris.

Merkezi Aziýa döwletleriniň we Koreýa Respublikasynyň Parlament ýolbaşçylarynyň ýokary guramaçylykly derejede geçirilýän şu günki ikinji duşuşygynyň hem biziň ýurtlarymyzyň arasynda gazanylan ylalaşyklaryň üstünlikli durmuşa geçirilmegine, hyzmatdaşlygyň gün tertibiniň täze mazmun bilen baýlaşdyrylmagyna parlament ýardamyny berjekdigine şübhe bolup bilmez.

Ozaly bilen, Gazagystan Respublikasynyň Parlamentiniň wekiliýetiniň adyndan şu günki duşuşyga  gatnaşyjylary  gutlamak isleýärin.   

Şeýle hem  häzirki döwrüň wajyp halkara  meselelerini parlament diplomatiýasynyň çäklerinde  ara alyp maslahatlaşmak we bilelikdäki çözgütleri    kabul etmek üçin  ýokary derejedäki çäreleriň  guralmagyna  döredilýän  şertler hem-de  mümkinçilikler üçin  Merkez Aziýa döwletleriniň we Koreýa Respublikasynyň döwlet  ýolbaşçylaryna   minnetdarlyk bildirýärin. 

Şu günki duşuşygyň gün tertibine girizilen mesele  hemme wagtdakysyndan hem wajyp bolup durýar. Şoňa görä-de, ählumumy howpsuzlygyň we durnuklylygyň üpjün edilmegi durnukly ösüşde we döwletleriň hem-de sebitleriň gülläp ösmeginde möhüm orny eýeleýär..

Häzirki wagtda Merkezi Aziýa sebitiň hyzmatdaş ýurtlary we sebit hem-de halkara guramalary bilen netijeli hyzmatdaşlygy mundan  beýläk-de pugtalandyrmaga gyzyklanma bildirýär. Geçen ýyl Seulda geçirilen duşuşyk hyzmatdaşlygyň geljekki netijeli ugurlarynyň birnäçesini kesgitledi. Meselem, Gazagystanda Sanly kodeks işlenip taýýarlanylýar. Bu Kodeks sanly tehnologiýalary, şol sanda emeli aň-paýhas tehnologiýalaryna täze çemeleşmeleri düzgünleşdirmäge, raýatlar we işewürlik üçin howpsuz we amatly gurşawy döretmäge mümkinçilik berer. Şu ýerde Türkmenistanyň smart citi konsepsiýasy esasynda gurlan «akylly» Arkadag şäheriniň tejribesini belläp geçmek isleýärin. Gazagystanda hem şunuň ýaly Alatau City taslamasy durmuşa geçirilýär, ol ilatyň ýaşaýyş-durmuşynyň hilini ýokarlandyrmaga gönükdirilendir.

2026-njy ýylda Gazagystanda BMG-niň howandarlygynda klimat boýunça sebit sammitiniň geçirilmegi wajyp mesele bolup durýar. Häzirki wagtda Majilisde Suw kodeksiniň täze taslamasyna seredilýär. Bu Kodeks Gazagystanda suw serişdelerini dolandyrmaga täze çemeleşmeleri göz öňünde tutýar.

Türkmenistanyň Parlamentiniň Başlygyny we şu günki duşuşyga gatnaşýan beýleki parlament ýolbaşçylaryny mübärekleýärin. 

Geçen ýylda Seul şäherinde geçirilen duşuşykdan soňra, şu gün biz Merkezi Aziýa döwletleriniň we Koreýa Respublikasynyň parlament ýolbaşçylarynyň nobatdaky ikinji duşuşygyny geçirmek üçin bu ýere jemlendik. Bu duşuşygyň ajaýyp guramaçylygy üçin köp sag bolsun aýdýaryn. Türkmen tarapyna çuňňur we aýratyn hoşallygymy bildirmek isleýärin.   

Men Merkezi Aziýanyň bäş döwletiniň parlamentleriniň ýolbaşçylary bilen işlemäge örän şat. Merkezi Aziýa we Koreýa Respublikasy – Beýik Ýüpek ýolunyň üsti bilen hyzmatdaşlyk eden köne dostlardyr. Häzirki wagtda hem Beýik Ýüpek ýoly koreý halky üçin Merkezi Aziýanyň taryhyny we medeniýetini öwrenmek üçin köpri bolup durýar. Bu bize çäksiz gözellik we ösüş mümkinçiliklerini ýatladýan nyşan hökmünde çykyş edýär. 

Diplomatik gatnaşyklar ýola goýlandan soň geçen 30 ýylyň içinde biz dürli ulgamlarda alyş-çalyşyň we hyzmatdaşlygyň derejesini ýokarlandyrdyk. Biz özara bähbitli we geljeke gönükdirilen hyzmatdaşlyk gatnaşyklaryny ösdürmek barada ylalaşdyk. 

Merkezi Aziýa ýurtlarynyň we Koreýa Respublikasynyň ministrler derejesindäki hyzmatdaşlyk forumy 2007-nji ýyldan bäri geçirilýär. Merkezi Aziýa döwletleriniň we Koreýa Respublikasynyň parlament ýolbaşçylarynyň duşuşygy geçen ýylda geçirilip başlandy. Geljek ýylda hem Merkezi Aziýa – Koreýa Respublikasy sammitini geçirmek meýilleşdirilýär. 

Şeýlelikde, biz kanunçykaryjy edaranyň ornuny täze derejä çykarýarys. Biz özara ynanyşmagyň we hyzmatdaşlygyň iň pugta binýadyny goýýarys. 

Men Merkezi Aziýa özüniň ösüş mümkinçiligini durmuşa geçirmäge çalyşýar diýip hasap edýärin. Bu ugurdaky köptaraplaýyn tagallalar meni haýrana galdyrdy. Şeýle tagallalar Koreýa Respublikasy bilen hyzmatdaşlygyň hasabyna hem amala aşyrylar.  

Merkezi Aziýa bilen Koreýa Respublikasynyň arasynda bellenilip geçilen taryhy we medeni gatnaşyklardan başga-da, meňzeş garaýyşlar we ençeme umumy wezipeler bar. Merkezi Aziýa ýurtlary durnukly ösüşe tarap ymtylýarlar. 

Ilkinji nobatda şu günki duşuşygyň geçirilmegini goldanlygy we onuň üstünlikli geçirilmegi üçin ähli şertleriň döredilendigi üçin Türkmenistanyň Hormatly Prezidenti Serdar Berdimuhamedowa we Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa tüýs ýürekden sagbolsun aýtdy.

Şeýle hem, duşuşyga gatnaşmak baradaky çakylygy kabul edendikleri we şu günki ikinji duşuşygyň Aşgabat şäherinde geçirilmegini goldandyklary üçin, Merkezi Aziýa döwletleriniň we Koreýa Respublikasynyň Parlament ýolbaşçylaryna öz hoşallyk bildirildi.

Biziň ýurdumyzyň öňe sürýän netijeli başlangyçlarynda parahatçylygy we ynanyşmagy berkitmäge, dialogy ösdürmäge, ählumumy derejede parahatçylykly durmuşy döretmäge möhüm ähmiýet berilýär.

Mälim bolşy ýaly, Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 2022-nji ýylyň noýabrynda Koreýa Respublikasyna amala aşyran resmi saparynyň dowamynda «Merkezi Aziýa ‒ Koreýa Respublikasy» parlament forumyny döretmek barada başlangyjy öňe sürdi. Bu başlangyç Merkezi Aziýa döwletleriniň we Koreýa Respublikasynyň arasynda parlament diplomatiýasynyň ösdürilmegine ýardam berdi.

Biziň şu günki duşuşygymyzyň çäklerinde Merkezi Aziýa döwletleriniň we Koreýa Respublikasynyň parlamentleriniň arasynda dürli ugurlarda hyzmatdaşlygy ösdürmegiň meselelerini ara alyp maslahatlaşarys.

Döwlet Baştutanlarynyň tagallalarynyň netijesinde biziň ýurtlarymyzyň arasynda hyzmatdaşlygy ösdürmek üçin ähli şertler döredilýär. Häzirki wagtda biziň ýurtlarymyz ýola goýlan netijeli dialogy yzygiderli çuňlaşdyrýarlar.

Biziň şu günki duşuşygymyzyň maksady, döwletlerimiziň arasynda parahatçylygy, durnukly ösüşi üpjün etmek hem-de dürli ulgamlarda ýola goýlan hyzmatdaşlygy parlament diplomatiýasynyň üsti bilen goldamaga we bu ugurlarda tejribe alyşmaga, şeýle hem Merkezi Aziýa döwletleriniň we Koreýa Respublikasynyň Parlamentleriniň başlyklarynyň şu günki ikinji duşuşygynyň gün tertibine girizilen meseleler boýunça parlament we kanunçykaryjylyk işinde tejribe alyşmaga gönükdirilendir.

Biziň şu günki geçirýän çärelerimiziň hyzmatdaşlygy ösdürmäge, şeýle hem halklarymyzyň arasynda dostlukly gatnaşyklaryň pugtalandyrylmagyna ýardam etjekdigine berk ynanýarys.

14-nji oktýabr. Şu gün Türkmenistanyň Mejlisinde Merkezi Aziýa döwletleriniň we Koreýa Respublikasynyň Parlament ýolbaşçylarynyň ikinji duşuşygynyň «Parahatçylygyň, gülläp ösüşiň we özara ynanyşmagyň hatyrasyna hyzmatdaşlyk» atly plenar mejlisi geçirildi. Bu duşuşygy geçirmek baradaky başlangyjyň Gahryman Arkadagymyza degişlidigini bellemek gerek.

«Pähim-paýhas ummany Magtymguly Pyragy» ýylynda geçirilýän duşuşygyň «Parahatçylygyň, gülläp ösüşiň we özara ynanyşmagyň hatyrasyna hyzmatdaşlyk» atly plenar mejlisine Türkmenistanyň Mejlisiniň Başlygy, Koreýa Respublikasynyň Milli Assambleýasynyň Başlygy, Gazagystan Respublikasynyň Parlamentiniň Majlisiniň Başlygy, Gyrgyz Respublikasynyň Ýokary Geňeşiniň Başlygy, Täjigistan Respublikasynyň Oli Majlisiniň Nomaýandogan Majlisiniň Başlygy, Özbegistan Respublikasynyň Oliý Majlisiniň Kanunçykaryjy palatasynyň Başlygy we bu ýurtlaryň parlamentarileri gatnaşdylar.

Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň baştutanlygynda Türkmenistan saýlap alan oňyn Bitaraplyk, parahatçylyk söýüjilik, hoşniýetli goňşuçylyk, netijeli halkara hyzmatdaşlyk ýörelgelerine esaslanýan daşary syýasat strategiýasyny alyp barýar.

Ösüşiň täze belentliklerine barýan ýurdumyzyň her bir güni taryhy we ýatdan çykmajak wakalara beslenip, biziň milli we ruhy baýlyklarymyzy dünýä ýaýýar. Ýakynda dünýä döwletleriniň Baştutanlarynyň gatnaşmagynda Magtymguly Pyragynyň doglan gününiň 300 ýyllygyna bagyşlanyp geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum hem  halklaryň we ýurtlaryň arasynda medeni we ynsanperwer gatnaşyklary ösdürmekde, biziň halkarymyzyň we ýurtlarymyzyň dost-doganlyk gatnaşyklaryny berkitmekde uly ähmiýete eýe bolup durýar.

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlangyçlary bilen Türkmenistanyň parlament diplomatiýasy ýurdumyzyň Bitaraplyk hukuk ýagdaýyna laýyklykda üstünlikli alnyp barylýar. Ol daşary ýurt döwletleriniň parlamentleri bilen ikitaraplaýyn hem-de köptaraplaýyn esasda gatnaşyklary ýola goýmak, halkara parlament guramalaryň we assambleýalaryň işine gatnaşmak, parlamentara dostluk toparlaryny döretmek, ýaş parlamentarileriň hyzmatdaşlygyny goldamak, zenan deputatlaryň işjeňligini ýokarlandyrmak boýunça bilelikdäki parlament çärelerini guramak arkaly durmuşa geçirilýär. Munuň özi Bitarap döwletimiziň halkara başlangyçlaryny goldamakda möhüm gural bolup durýar we Gahryman Arkadagymyzyň öňe süren halkara gatnaşyklarda «Dialog — parahatçylygyň kepili» atly filosofiýasyny dünýä giňişliginde rowaçlandyrýar.

Merkezi Aziýa döwletleriniň we Koreýa Respublikasynyň Parlament ýolbaşçylarynyň ikinji duşuşygy däp bolan dostlukly türkmen-koreý, türkmen-gazak, türkmen-gyrgyz, türkmen-täjik, türkmen-özbek gatnaşyklaryny hil taýdan täze derejä çykarmakda aýratyn möhüm ähmiýete eýe bolup durýar.

Koreýa Respublikasynyň Milli Assambleýasynyň Başlygynyň Türkmenistana amala aşyran sapary, Türkmenistanyň Mejlisiniň wekiliýetiniň Seul şäherinde geçirilen Merkezi Aziýanyň we Koreýa Respublikasynyň Parlamentleriniň ýolbaşçylarynyň birinji duşuşygyna gatnaşmagy türkmen-koreý parlamentara hyzmatdaşlygyny berkitmäge mümkinçilikleri döretdi.

Häzirki wagtda ýurtlaryň parlamentleriniň arasynda döredilen dostluk toparlarynyň işini kämilleşdirmek, iki döwletiň barha işjeň häsiýete eýe bolýan söwda-ykdysady gatnaşyklarynyň kanunçylyk esaslaryny berkitmek, halkara parlament meýdançalarynda birek-biregiň başlangyçlaryny goldamak arkaly hyzmatdaşlygy has-da ösdürmek boýunça işler alnyp barylýar. Munuň özi döwletara gatnaşyklary parlament diplomatiýasynyň çäklerinde goldamakda özara pikir alyşmaga we öňde durýan wezipeleri aýdyňlaşdyrmaga ýardam edýär.

Parlamentarileriň çykyşlarynda şu duşuşyga gatnaşýan döwletleriň milli parlamentleriniň arasynda netijeli özara gatnaşyklary has-da berkitmegiň möhümdigi bellenildi. Munuň özi häzirki döwrüň derwaýys meseleleriniň deňagramly çözgütleriniň işlenip düzülmegine, ýurtlaryň we halklaryň arasynda däp bolan dostlukly gatnaşyklaryň, özara düşünişmegiň, ynanyşmagyň pugtalandyrylmagyna, ählumumy abadançylygyň, ösüşiň bähbitlerine laýyk gelýän köptaraply döwletara, sebit we sebitara hyzmatdaşlygyň ösdürilmegine ýardam berer. Şeýle-de häzirki döwrüň talaplaryna, türkmen halkynyň köpasyrlyk milli ýörelgelerine esaslanýan hemişelik Bitaraplygyň özboluşly nusgasyny durmuşa geçirýän Türkmenistanyň bu ugurda baý tejribesiniň bardygy, ýurdumyzyň hoşniýetli hyzmatdaşlygyň we dost-doganlyk gatnaşyklarynyň ösdürilmegini maksat edinýän ynsanperwer döwlet syýasatynyň dünýä bileleşiginde uly goldaw tapýandygy nygtaldy.

Ýurdumyzyň paýtagty Aşgabatda ýokary guramaçylyk derejesinde geçen bu duşuşyk Türkmenistanyň dünýä bileleşiginiň işjeň agzasy hökmünde diňe bir özara gyzyklanma bildirilýän hyzmatdaşlygyň ösdürilmegine gönükdirilen ähmiýetli başlangyçlary öňe sürmek bilen çäklenmän, eýsem, olaryň durmuşa geçirilmegi ugrunda hem uly tagalla edýändiginiň aýdyň subutnamasy boldy.

2024-nji ýylyň 14-nji oktýabrynda Merkezi Aziýa döwletleriniň we Koreýa Respublikasynyň Parlament ýolbaşçylarynyň ikinji duşuşygynyň çäklerinde Türkmenistanyň Mejlisiniň Başlygy D.Gulmanowa bilen Gazagystan Respublikasynyň Parlamentiniň Majlisiniň Başlygy Ýerlan Koşanowyň arasynda iki ýurduň wekiliýet agzalarynyň gatnaşmagynda duşuşyk geçirildi.

Duşuşykda iki dostlukly ýurtlaryň arasyndaky özara hormat goýmak, deňhukuklylyk we hoşniýetlilik ýörelgelerine esaslanýan hyzmatdaşlygy giňeltmek babatynda pikir alşyldy. Taraplar ikitaraplaýyn gatnaşyklaryň möhüm ugry bolup durýan parlamentara hyzmatdaşlygyň täze derejä çykýandygyny we işjeň häsiýete eýe bolýandygyny kanagatlanma bilen bellediler.

Söhbetdeşler türkmen-gazak gatnaşyklarynyň häzirki ýagdaýy, ony ösdürmegiň geljegi baradaky pikir alyşmalaryň dowamynda syýasy-diplomatik, söwda-ykdysady, medeni-ynsanperwer ulgamlarda hyzmatdaşlygy giňeltmek üçin uly mümkinçilikleriň bardygyny bellediler.

Şu gün Türkmenistanyň Mejlsinde Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň 2022-nji ýylyň noýabr aýynda Koreýa Respublikasyna amala aşyran iş saparynyň dowamynda «Merkezi Aziýa — Koreýa Respublikasy» atly parlamentara forumy döretmek barada başlangyjy esasynda Merkezi Aziýa döwletleriniň we Koreýa Respublikasynyň parlament ýolbaşçylarynyň ikinji duşuşygy öz işine başlady.

2024-nji ýylyň 14-nji oktýabrynda Şweýsariýa Konfederasiýasynyň Ženewa şäherine iş saparyň çäklerinde Türkmenistanyň Mejlisiniň wekilleri ýaş parlamentarileriň forumyna gatnaşdylar we Türkmenistanda ýaşlar syýasaty çygrynda alnyp barylýan işler, Türkmenistanyň ýaşlaryny sebit we halkara meseleleriniň çözgütlerini işläp taýýarlamaga, Durnukly ösüş maksatlaryny durmuşa geçirmäge işjeň çekmek üçin döredilýän şertler, şeýle hem «Türkmenistanyň ýaşlarynyň halkara hyzmatdaşlygynyň 2023-2030-njy ýyllar üçin Strategiýasy» bilen tanyşdyryldy.

Şeýle hem Türkmenistanda Hormatly Prezidentimiziň ýolbaşçylygynda ýaşlaryň hukuklaryny, azatlyklaryny goramak, durmuş goraglylygyny üpjün etmek we döwlet tarapyndan goldaw bermek boýunça geçirilýän giň möçberli işler, kabul edilen döwlet maksatnamalaryna laýyklykda, ýaşlar we ýaş maşgalalar üçin döredilýän durmuş ýeňillikleri barada aýdyldy.

2024-nji ýylyň 13-nji oktýabrynda Türkmenistanyň Mejlisiniň wekili Şweýsariýa Konfederasiýasynyň Ženewa şäherinde Parlamentara Bileleşigiň 149-njy Assambleýasynyň çäginde geçirilen zenanlar forumyna gatnaşdy.

Maslahatyň dowamynda zenanlaryň mümkinçiliklerini giňeltmek, gender deňligini üpjün etmek we ýaş parlamentarilere energiýa hyzmatdaşlygyny we sanly ykdysadyýeti ösdürmekde, daşky gurşawy goramakda, howanyň üýtgemegine garşy göreşmekde mümkinçilikleri döretmek bilen bagly meseleler ara alnyp maslahatlaşyldy.

Ýurdumyzda jemgyýetçilik durmuşynyň ähli ugurlarynda gender deňligini üpjün etmäge gönükdirilen «Türkmenistanda gender deňligini üpjün etmek boýunça 2021-2025-nji ýyllar üçin Hereketleriň Milli meýilnamasy» amala aşyrylýar. Bu ugurda kanunçylygy has-da kämilleşdirmek, gender taýdan saglygy goraýşa, hünärlere we bilime deň elýeterliligi üpjün etmek, zenanlaryň ähli ugurlarda, şol sanda syýasy we jemgyýetçilik derejelerdäki işlere gatnaşygyny üpjün etmek, gender deňligini goldaýan gurallary peýdalanmak bilen bagly toplumlaýyn işleriň durmuşa geçirilýändigine aýratyn üns çekildi.